Кобі Мэйну
Кобі Мэйну | ||
Пэрсанальная інфармацыя | ||
---|---|---|
Нарадзіўся | 19 красавіка 2005 (19 гадоў) | |
Рост | 175 см | |
Пазыцыя | паўабаронца | |
Клюбная інфармацыя | ||
Клюб | Манчэстэр Юнайтэд | |
Нумар | 37 | |
Клюбы | ||
Гады | Клюб | Гульні (галы)¹ |
2023— | Манчэстэр Юнайтэд | 25 (3) |
Зборныя | ||
2024— | Ангельшчына | 8 (0) |
¹ Колькасьць гульняў і галоў за прафэсійны клюб лічыцца толькі |
Ко́бі Мэ́йну (па-ангельску: Kobbie Mainoo; нар. 19 красавіка 2005 году) — ангельскі футбаліст, паўабаронца клюбу «Манчэстэр Юнайтэд» і нацыянальнай зборнай Ангельшчыны.
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]Мэйну склаў свой першы прафэсійны кантракт з «Манчэстэр Юнайтэд» у траўні 2022 году[1], аднак першы матч за клюб згуляў толькі 10 студзеня 2023 году, калі зьявіўся ад пачатку матчу Кубка лігі супраць «Чарлтан Атлетыка». Першы матч Прэм’ер-лігі адгуляў 19 лютага, выйшаўшы на замену ў матчы супраць «Лэстэр Сіці». Мэйну падарожнічаў поруч з камандай у перадсэзонным туры ў ЗША[2]. Аднак, гулец атрымаў траўму і прапусьціў пачатак сэзону 2023—2024 гадоў[3]. Вярнуўшыся па акрыяньні, Мэйну ўпершыню выйшаў у складзе «Манчэстэр Юнайтэд» 26 лістапада 2023 году ў матчы Прэм’ер-лігі супраць «Эвэртану», здабыўшы паводле вынікаў сустрэчы прыз найлепшага футбаліста гульні[4][5]. 29 лістапада паўабаронца ўпершыню згуляў матчы Лігі чэмпіёнаў.
28 студзеня 2024 году Мэйну забіў свой першы гол за «Манчэстэр Юнайтэд» у матчы чацьвертага раўнду Кубка Ангельшчыны, чым забясьпечыў перамогу каманды ў гасьцёх зь лікам 4:2 пад «Ньюпарт Каўнці». Празь некалькі дзён, 1 лютага, паўабаронца трапна пацэліў мяч у браму ўжо ў матчы Прэм’ер-лігі, дзякуючы чаму манчэстэрцы атрымалі перамогу ў выяздным матчы супраць «Ўулвэргэмптана Ўандэрэрз» зь лікам 4:3. Пры гэтым пераможны гол быў забіты на сёмай хвіліне кампэнсаванага часу[6]. 7 красавіка гулец адзначыўся голам на Олд Трафардзе ў матчы супраць «Лівэрпулу» (2:2)[7]. У фінале Кубка Ангельшчыны, які ладзіўся 25 траўня, Мэйну ўлучыў пераможны гол у браму «Манчэстэр Сіці», усталяваўшы выніковы лік 2:1[8].
Міжнародная
[рэдагаваць | рэдагаваць крыніцу]У сакавіку 2024 году Мэйну быў упершыню выкліканы ў нацыянальную зборную Ангельшчыны на таварыскія матчы супраць зборных Бразыліі і Бэльгіі[9]. 23 сакавіка 2024 году гулец дэбютаваў у складзе каманды ў веку 18 гадоў, выйшаўшы на замену на 75-й хвіліне замест Конара Галагера ў матчы супраць зборнай Бразыліі на стадыёне Ўэмблі[10]. Праз тры дні ў матчы супраць бэльгійцаў ён выйшаў у складзе першай адзінаццатцы, але быў заменены на 75-й хвіліне сустрэчы.
Дасягненьні
[рэдагаваць | рэдагаваць крыніцу]«Манчэстэр Юнайтэд»:
- Уладальнік Кубка Ангельшчыны: 2024
Крыніцы
[рэдагаваць | рэдагаваць крыніцу]- ^ «Manchester United starlet Kobbie Mainoo signs first professional deal». Manchester Evening News.
- ^ «Manchester United confirm pre-season tour squad». Manchester Evening News.
- ^ «Erik Ten Hag provides Kobbie Mainoo injury timescale». Red Devil Armada.
- ^ «Kobbie Mainoo: Man Utd youngster's full Premier League debut against Everton praised by Gary Neville and Roy Keane». Sky Sports.
- ^ «Who was United’s Man of the Match against Everton?». Manchester United F.C.
- ^ «Wolverhampton Wanderers 3–4 Manchester United». BBC Sport.
- ^ «Manchester United 2-2 Liverpool: Mohamed Salah scores late penalty to snatch point for Reds». BBC Sport.
- ^ «Man City 1-2 Man Utd: Erik ten Hag’s side end season on high with stunning FA Cup final win at Wembley». Sky Sports.
- ^ «Kobbie Mainoo: Man Utd midfielder handed first England call-up after being drafted in from Under-21s». Sky Sports.
- ^ «England 0–1 Brazil». BBC Sport.
Вонкавыя спасылкі
[рэдагаваць | рэдагаваць крыніцу]- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball
Манчэстэр Юнайтэд — цяперашні склад
|
---|
1 Баіндыр · 2 Ліндэлёф · 4 Амрабат · 5 Магуайр · 6 Мартынэс · 7 Маўнт · 8 Фэрнандыш · 9 Марсьяль · 10 Рашфард · 11 Гёйлюн · 12 Малясія · 14 Эрыксэн · 16 Дыяльлё · 17 Гарнача · 18 Казэміру · 19 Варан · 20 Далот · 21 Антані · 22 Гітан · 23 Шоў · 24 Анана · 29 Ўан-Бісака · 35 Эванз · 37 Мэйну · 39 Мактомінэй · 47 Шарэтырэй · 53 Камбваля · Трэнэр: тэн Гаг |