Шальке-04 Гельзэнкірхэн

Шальке 04
Поўная назва	FC Gelsenkirchen-Schalke 04 e.V
Заснаваны	4 траўня 1904
Горад	Гэльзэнкірхэн, Нямеччына
Стадыён	Вэлтынс-Арэна Умяшчальнасьць: 61 672
Прэзыдэнт	Ёзэф Шнузэнбэрг
Кіраўнік	Клеменс Тэніс[d]
Галоўны трэнэр	Гууб Стэвэнс
Чэмпіянат	Бундэсьліга
· 2010—2011	14 месца
Галерэя здымкаў у Вікісховішчы Афіцыйны сайт

«Шальке 04» (па-нямецку: FC Schalke 04) — нямецкі футбольны клюб з раёну Шальке ў Гэльзэнкірхэне, які месьціца ў фэдэральнай зямлі Паўночны Райн-Вэстфалія. Сяміразовы чэмпіён Нямеччыны, чатырохразовы ўладальнік Кубка Нямеччыны. Уладальнік Кубка УЭФА (1997). Назва раёну меркавана азначае маленькае паселішча й перакладаецца прыкладна як «паселішча вакол чэрапа» (ням. «Gegend um den Schädel»), «паселішча на чэрапападобнай мясцовасьці» (ням. «Siedlung an schädelförmiger Gegend»). Адзін з самых папулярных футбольных клубаў у Нямеччыне. 9 жніўня 2011 году колькасьць чальцоў клюбу перасягнула адзнаку ў 100 тысяч чалавек і па гэтым паказчыку «Шальке-04» займае другое месца ў Нямеччыне. Лепшы вынік у эўракубках клюб дамогся ў 1997 годзе, выйграўшы Кубак УЭФА. Самы закляты вораг «Шальке 04» — дортмундзкая «Барусія». Дэрбі гэтых двух камандаў называецца Рурскім дэрбі. Гэльзэнкірхэнскі клюб падтрымлівае сяброўскія адносіны з клюбам «Нюрнбэргам». Талісмана клюба клічуць Эрвін (ням. Ährwin).

Гісторыя

Раньнія гады

Клюб «Шальке-04» быў заснаваны 4 траўня 1904 году. Першае імя клуба — «Вэстфалія Шальке». Першымі клюбнымі колерамі былі чырвоны й жоўты. Заходненямецкі гульнявы зьвяз (WSV) прызнаць новы клюб адмовіўся, але да канца году ў клюбе ўжо налічвалася 16 чальцоў. 13 лютага 1912 году адбыўлася зьліцьцё «Вэстфаліі Шальке» й гімнастычнага таварыства «1877 Шальке». Грамадзтва ўжо зьяўлялася на той час чальцом WSV і «Вэстфалія» ўвайшла ў «1877 Шальке» на правах футбольнай сэкцыі. Загадчыкам сэкцыяй стаў Гергард Клёп. Галоўныя заўзятары «Шальке-04» таго часу галоўным чынам — шахтары. Шахта «Кансоль» дапамагла абсталяваць пляцоўку на Грэнцштрасэ. Менавіта адсюль і першая мянушка клюбу - «гарнякі» (ням. «Die Knappen»). 20 траўня 1923 году «Шальке-04» перамог ў групавым турніры раённай лігі. 5 студзеня 1924 году футбалісты выйшлі з гімнастычнага грамадзтва й абралі клюбу новае імя «FC Schalke 04». Новымі клюбнымі колерамі сталі белы й сіні, таму ў клюба зьяўвілася яшчэ адна мянушка - «кобальтавыя» (ням. «Die Königsblauen»). На працягу наступных гадоў «Шальке-04» стаў дамінуючым клюбам у Паўночным Райне-Вэстфаліі. Клюб гуляў у хуткі футбол з мноствам кароткіх пасоў. Гэтая сыстэма атрымала велізарную папулярнасьць і назву «ваўчок Шальке» (ням. «Schalker Kreisel»). У 1928 годзе «Шальке-04» атрымаў новы стадыён «Глюкаўф-Кампфбан». У тым жа годзе «Шальке-04» быў перайменаваны ў «FC Gelsenkirchen-Schalke 04». У 1929 годзе клюб упершыню перамог у чэмпіянаце Заходняй Нямеччыны.

У 1933 годзе «Шальке-04» выступаў у Гаўлізе Вэстфалія. Пэрыяд з 1934 па 1942 гады быў самым пасьпяховым у гісторыі клюба. Клуб 10 разоў выходзіў у фінал Гаўлігі й 8 раз у фінал Кубка Нямеччыны. Першы нацыянальны тытул «Шальке-04» выйграў у 1934 годзе, абыграўшы «Нюрнбэрг». На наступны год яны абаранілі тытул. Клюб прапусціў фінал 1936 году, аднак у 1937, 1939, 1940 і 1942 гадох клюб перамагаў у фіналах. «Кобальтавыя» таксама ўдзельнічалі ў фіналах Кубка Нямеччыны, але не карысталіся такім посьпехам. Усяго аднойчы, у 1937 годзе, клюб перамог у кубку. Таксама «Шальке» ўдзельнічаў у фіналах кубку ў 1935, 1936, 1941 і 1942 гадох.

Дасягненьні

• Чэмпіён Нямеччыны (7) — 1934, 1935, 1937, 1939, 1940, 1942, 1958
• Уладальнік Кубка Нямеччыны — 1938, 1972, 2001, 2002
• Уладальнік Кубка УЭФА — 1997
• Уладальнік Кубка Інтэртота — 2003, 2004

Склад

Па стане на 1 жніўня 2011 году

№ Пазыцыя Імя Год нараджэньня 1 Бр Ральф Фэрман 1988 2 Аб Ганс Сарпэй 1976 3 Аб Сэрхіё Эскудэра 1989 4 Аб Бэнэдыкт Гевэдэс (капітан) 1988 6 Аб Тым Гооглянд 1985 7 Нап Рауль (віцэ-капітан) 1977 8 Нап Чыпрыян Марыка 1985 10 ПА Льюіс Голтбі 1990 11 ПА Аляксандар Баўм’ёган 1987 12 Аб Марка Гёгер 1989 13 ПА Джэрмэйн Джонз 1981 14 Аб Кірыякас Пападопуляс 1992 17 ПА Джэфэрсан Фарфан 1984 18 ПА Хасэ Мануэль Хурада 1986

№ Пазыцыя Імя Год нараджэньня 19 Нап Чынэду Абасі (у арэндзе з «Гофэнгайму») 1986 20 Нап Тээму Пукі 1990 21 Аб Крыстоф Мэтцэльдэр 1980 22 Аб Ацута Утыда 1988 23 Аб Крыстыян Фухс 1986 24 ПА Пээр Клюге 1980 25 Нап Кляас-Ян Гюнтэляар 1983 28 ПА Крыстоф Морыц 1990 30 ПА Леван Кенія 1990 31 ПА Юліян Драксьлер 1993 32 ПА Жаэль Матып 1991 33 Бр Матыяс Шобэр 1976 34 Бр Тыма Гільдэбранд 1979 36 Бр Лярс Унэршталь 1990

Вонкавыя спасылкі

Шальке-04 Гельзэнкірхэн — сховішча мультымэдыйных матэрыялаў

• Афіцыйная старонка  (рас.)