Нюрнбэрг (футбольны клюб)

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Нюрнбэрг
1. FC Nürnberg logo.svg
Поўная назва 1. Fußball-Club Nürnberg Verein für Leibesübungen e. V.
Заснаваны 4 траўня 1900
Горад Нюрнбэрг, Нямеччына
Стадыён Франкенштадыён
Умяшчальнасьць: 48 548
Галоўны трэнэр Міхаэль Кёльнэр
Чэмпіянат Бундэсьліга
 · 2017—2018 Бундэсьліга 2, 2 месца (павышэньне)
Хатнія колеры
Выязныя колеры
Афіцыйны сайт

«Нюрнбэрг» (па-нямецку: 1. FC Nürnberg) — нямецкі футбольны клюб з гораду Нюрнбэргу, які месьціцца ў фэдэральнай зямлі Баварыі. Заснаваны ў 1900 годзе. Дзевяціразоы чэмпіён Нямеччыны (1920, 1921, 1924, 1925, 1927, 1936, 1948, 1961, 1968), уладальнік Кубка Нямеччыны (1935, 1939, 1962, 2007). Ён быў заснаваны 4 траўня 1900 году групай з васямнаццаці юнакоў, якія сабраліся ў мясцовым пабе пад назовам «Burenhütte», каб сабраць каманду для гульні ў футбол, а ня рэгбі, бо на той час новая ангельскія гульня станавілася ўсё больш папулярнай. Сёньня клюб мае ў сваім складзе каманды па боксе, гандболе, хакеі на роліках і каньках, плаваньні, лыжах, тэнісе.

Стадыён[рэдагаваць | рэдагаваць крыніцу]

«Франкенштадыён» у жніўні 2006 году
Асноўны артыкул: Франкенштадыён

Каманда гуляе свае хатнія матчы на стадыёне «Франкенштадыён», які знаходзіцца ў камунальнай уласнасьці. Раней да 1990 году стадыён быў вядомы ён «Гарадзкі стадыён». Ён зьяўляецца хатняй арэнай клюбу з 1963 году[1] й у цяперашні час мае ўмяшчальнасьць у 48 553 гледачы пасьля апошняга пашырэньня стадыёну падчас зімовай паўзы ў сэзоне 2009—2010 гадоў[2].

Стадыён быў пабудаваны ў 1928 годзе й быў вядомы як «Штадыён дэр Гітлерюгенд» з 1933 па 1945 гады. Першапачатковая ёмістасьць была роўная 40 000 гледачам, але ў 1965 годзе ўмяшчальнайсьць была павялічана да 65 000 гледачоў, а затым на стадыёне ў 1967 годзе адбыўся фінальны матч Кубка Чэмпіёнаў 1967 году, дзе сустракаліся «Баварыя» й «Рэйнджарз». Перамогу ў матчы атрымалі нямецкія футбалісты з «Баварыі» зь лікам 1:0. У наступным арэна была адрамантавана да чэмпіянату сьвету 1974 году й яшчэ нядаўняе пашырэньне дазволіла ёй прыняць 45 000 гледачоў у чатырох матчах папярэдняга раўнда і аднаго матчу стадыі 1/16 фіналу Чэмпіянату сьвету па футболе 2006 году.

«Франкештадыён» з 2006 году носіць камэрцыйную назву «EasyCredit Stadium» па дамоўленасьці зь мясцовым банкам. Большасьць фанатаў выступала з прапановай перайменаваньня стадыёна ў гонар Макса Морляка, але яны павінны чакаць па крайняй меры шэсьць гадоў, каб гэта адбылося, бо паводле дамоўленасьці менавіта такі пэрыяд стадыён будзе мець камэрцыйную назву.

Дадатковыя зьвесткі[рэдагаваць | рэдагаваць крыніцу]

  • Клюб ганарыцца двума выгадаванымі чэмпіёнамі сьвету: нападнікам Максам Морлякам у 1954 годзе й брамнікам Андрэасам Кёпке ў 1990 годзе. У 1961 і 1993 гадох адпаведна, абодва станавіліся футбалістамі году Нямеччыны.
  • У 2007 годзе клюб заваяваў кубак Нямеччыны, а ў наступным сэзоне вылецеў з Бундэсьлігі.
  • Сумесна зь білефэльдзкай «Армініяй» «Нюрнбэрг» трымае рэкорд па колькасьці вылетаў з Бундэсьлігі — шэсьць разоў[3].
  • Фінал 1927 году паміж «Нюрнбэргам» і бэрлінскай «Гэртай» быў першым матчам, які цалкам трансьляваўся на радыё ў Нямеччыне.
  • «Нюрнбэрг» перамог у абодвух першых чэмпіянатах, якія крочылі пасьля сусьветных войнаў — у 1920 і 1948 гадох.
  • Перамога ў Кубку Нямеччыны ў 2007 годзе перапыніла сэрыю з 39 гадоў бяз тытулаў і з 45 гадоў безь перамогаў у кубку краіны.
  • Да гэтага часу «Нюрнбэрг» ўтрымлівае другое месца пасьля «Баварыі» па колькасьці чэмпіёнскіх тытулаў.

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg Нюрнбэрг (футбольны клюб)сховішча мультымэдыйных матэрыялаў