Ражанка (Люблінскае ваяводзтва)

Ражанка лац. Ražanka
польск. Różanka
Сядзіба Пацеяў
Краіна:	Польшча
Ваяводзтва:	Люблінскае
Павет:	Уладаўскі
Гміна:	Уладава
Насельніцтва:	957 чал. (2011)
Часавы пас:	UTC+1
летні час:	UTC+2
Паштовы індэкс:	22-211
Геаграфічныя каардынаты:	51°39′0″ пн. ш. 23°35′0″ у. д.
Ражанка на мапе Польшчы Ражанка
Галерэя здымкаў у Вікісховішчы
http://www.rozanka.gmina-wlodawa.pl/

Ража́нка (Ружа́нка, польск. Różanka) — вёска ў Польшчы, на рацэ Бугу. Уваходзіць у склад гміны Ўладава Ўладаўскага павету Люблінскага ваяводзтва. Насельніцтва на 2011 год — 957 чалавек. Знаходзіцца за 8 км на поўнач ад Уладавы, каля беларуска-польскай граніцы.

Ражанка — даўняе мястэчка гістарычнай Берасьцейшчыны, побач зь якім праходзіць паўднёва-заходняя мяжа этнічнай тэрыторыі беларусаў. Да нашага часу тут захавалася збудаваная ў стылі барока сядзіба Пацеяў, помнік архітэктуры XVIII ст., які з часоў Другой сусьветнай вайны стаіць у руінах.

Гісторыя

Вялікае Княства Літоўскае

Першы пісьмовы ўпамін пра Ражанку як мястэчка датуецца 1524 годам. Згодна з адміністрацыйна-тэрытарыяльнай рэформай 1565—1566 гадоў яна ўвайшла ў Берасьцейскі павет Берасьцейскага ваяводзтва. Да 1700 году Ражанка страціла статус мястэчка.

Пад уладай Расейскай імпэрыі

У выніку трэцяга падзелу Рэчы Паспалітай (1795 год) Ражанка апынулася ў складзе Аўстрыі, з пачатку XIX ст. — у складзе Расейскай імпэрыі, ува Ўладаўскім павеце Седлецкай губэрні. На 1827 год у вёсцы было 104 будынкі.

За часамі Першай сусьветнай вайны ў 1915 годзе Ражанку занялі войскі Нямецкай імпэрыі.

• Старая графіка палаца ў Ражанцы
• 
  Палац
• 
  З боку ракі
• 
  Парк

Найноўшы час

Згодна з Рыскай мірнай дамовай 1921 году Ражанка апынулася ў складзе міжваеннай Польскай Рэспублікі. З пачаткам Другой сусьветнай вайны ў 1939 годзе вёску занялі войскі Трэцяга Райху.

У 1944 годзе Ражанку занялі савецкія войскі, па чым яе зноў перадалі Польшчы.

• Мястэчка на старых здымках
• 
  Палац, 1907 г.
• 
  Палац, да 1914 г.
• 
  Палац, да 1914 г.
• 
  Палац, да 1914 г.

• 
  Палац, да 1914 г.
• 
  Палац, да 1914 г.
• 
  З боку ракі, да 1914 г.
• 
  Палац, да 1914 г.

Насельніцтва

• XIX стагодзьдзе: 1827 год — 651 чал.
• XXI стагодзьдзе: 2011 год — 957 чал.

Турыстычная інфармацыя

Славутасьці

• Касьцёл Сьвятога Аўгустына (1908—1913)
• Могілкі хрысьціянскія
• Палацава-паркавы комплекс Пацеяў (XVIII ст.; руіны)

Страчаная спадчына

• Капліца могілкавая

Галерэя

• Краявіды Ражанкі
• 
  Касьцёл
• 
  Сядзіба, афіцына
• 
  Сядзіба, павільён
• 
  Гаспадарчая пабудова

Асобы

• Іпаці Пацей (1541—1613) — дзяржаўны і царкоўны дзяяч Вялікага Княства Літоўскага, багаслоў, пісьменьнік-палеміст