Сьцяўа Бухарэст

Сьцяўа
Поўная назва	Fotbal Club Steaua Bucureşti
Заснаваны	7 чэрвеня 1947
Горад	Бухарэст, Румынія
Стадыён	Нацыянальны Умяшчальнасьць: 55 634
Прэзыдэнт	Валерыю Аргэсялэ[d]
Кіраўнік	Георге Бэкалі[d]
Галоўны трэнэр	Эліяс Харалямбус[d]
Чэмпіянат	Ліга 1
· 2023—2024	1 месца
Галерэя здымкаў у Вікісховішчы fcsb.ro (рум.)​ (анг.)

«Сьцяўа» (па-румынску: Steaua) — румынскі футбольны клюб з гораду Бухарэсту. Заснаваны ў 1947 годзе. Клюб зьяўляецца найбольш пасьпяховым сярод румынскіх клюбаў ня толькі ў айчынным першынстве, маючы на сваім рахунку 27 перамог, але й на эўрапейскіх спаборніцтвах. «Сьцяўа» стала першай усходнеэўрапейскай камандай, якая здолела перамагчы ў Кубку эўрапейскіх чэмпіёнаў, зрабіўшы гэтае ў 1986 годзе. У сэзоне 1988—1989 гадоў «Сьцяўа» зноўку дайшла да фіналу прэстыжнага эўрапейскага клюбу, але атрымала паразу ад італьянскага «Міляну». На рухунку клюбу таксама маюцца 24 перамогі ў Кубку Румыніі і 7 перамог у Супэркубку Румыніі, а таксама аднойчы клюб стаў пераможцам Кубка лігі Румыніі.

Клюб гістарычна вядомы як спартовы клюб румынскага войска. Аднак яшчэ ў 1998 годзе клюб аддзяліўся ад войска, стаўшы незалежным. На дадзены момант адзінай прамой спасылкай на войска зьяўляецца стадыён «Нацыянальны», які знаходзіцца ва ўласнасьці Міністэрства нацыянальнай абароны.

«Сьцяўа» ўсю сваю гісторыю праводзіць у наймацнейшым дывізіёне чэмпіянату Румыніі, толькі пяць разоў скончыўшы сэзон на месцы ніжэйшым за шостае. Першапачаткова клюб гуляў у колерах румынскага трыкалёру, то бок сінім, жоўтым і чырвоным, але неўзабаве жоўты страціў сваё значэньне, і каманда стала асацыявацца з чырвоным і сінім колерам. Аднак у апошнія часы на новай форме клюбу пачаў зноўку выкарыстоўвацца жоўты колер.

Клюб мае даўняе суперніцтва з бухарэсцкім «Дынама», матчы паміж якімі звычайна называюць «Адвечным дэрбі» або «Румынскім дэрбі».

Заўзятары

Сьцяўа мае найвялікшую колькасьць прыхільнікаў сярод усіх клюбаў у Румыніі. Апытанка, якую зладзілі ў чэрвені 2007 году, вызначыла, што прыхільнікамі клюбу ёсьць прыблізна 42% усіх аматараў румынскага футболу. Гэта значна больш, чым каманды, якія займаюць другое і трэцяе месцы, як то бухарэсцкія «Дынама» (12%) і «Рапід» (12%). Самая вялікая колькасьць прыхільнікаў клюбу месьціцца ў Бухарэсьце, у прыватнасьці, у раёнах, прылеглых да арэны, а таксама ў паўднёвай частцы гораду. Акрамя таго, заўзятары клюбу жывуць ня толькі ў сталіцы краіны, але і ў іншых гарадах Румыніі і за мяжой.

Дасягненьні

Чэмпіён Румыніі: (27)

1951, 1952, 1953, 1956, 1960, 1961, 1968, 1976, 1978, 1985,

1986, 1987, 1988, 1989, 1993, 1994, 1995, 1996, 1997, 1998,

2001, 2005, 2006, 2013, 2014, 2015, 2024

Уладальнік Кубка Румыніі: (24)

1949, 1950, 1951, 1952, 1955, 1962, 1966, 1967, 1969, 1970,

1971, 1976, 1979, 1985, 1987, 1988, 1989, 1992, 1996, 1997,

1999, 2011, 2015, 2020

Уладальнік Супэркубка Румыніі: (7)

1994, 1995, 1998, 2001, 2006, 2013, 2024

Ліга чэмпіёнаў УЭФА: 1

1986

Склад

Актуальны на 15 лютага 2025 году

№ Пазыцыя Імя Год нараджэньня 1 Бр Міхай Удра 2001 2 Аб Валентын Крэцу 1989 5 Аб Жайскім Дава 1996 6 Аб Андрэй Дэнкуш 2009 7 ПА Флорын Тэнасэ 1994 8 ПА Адрыян Шут 1999 9 Нап Даніел Бырлігя 2000 10 Нап Актавіян Папэску 2002 11 Нап Давід Мікулеску 2001 12 Аб Давід Кікі 1993 15 Нап Марыюс Штэфэнэску 1998 16 ПА Міхай Ліксандру 2001 17 Аб Міхай Папэску 1993 18 ПА Мальком Эджума 1996 20 Нап Дэніс Калібэшану 2007 21 Аб Улад Кірыкеш 1989

№ Пазыцыя Імя Год нараджэньня 22 Нап Міхай Тома 2007 23 Аб Ёнуц Цэрцэл 2006 24 Нап Віліям Баэтэн 1997 25 Нап Александру Бэлуцэ 1993 27 ПА Дарыюс Алару (капітан) 1998 28 Аб Александру Панця 2003 29 Нап Александру Мусі 2004 30 Аб Сіябонга Нгезана 1997 31 ПА Юры Чызоцьці 1993 32 Бр Штэфан Тырнавану 2000 33 Аб Рыста Радунавіч 1992 38 Бр Лукаш Зіма 1994 39 Нап Жардан Жэль 1992 42 ПА Баба Алясан 2000 77 ПА Андрэй Геаргіцэ (ар. Палітэхніка) 2002 90 Нап Александру Стоян 2007

Вонкавыя спасылкі

• Афіцыйны сайт