Ваяводзіна Новы Сад

	Ваяводзіна
Поўная назва	Fudbalski klub Vojvodina
Заснаваны	6 сакавіка 1914
Горад	Новы Сад, Сэрбія
Стадыён	Караджорджэ; Умяшчальнасьць: 15 000
Галоўны трэнэр	Мілаш Вэсэлінавіч[d];
Чэмпіянат	Супэрліга
· 2023—2024	4 месца
	Галерэя здымкаў у Вікісховішчы; fkvojvodina.rs (сэрб.) (анг.)

«Ваяводзіна» (па-сэрбску: Vojvodina) — сэрбскі футбольны клюб з гораду Новы Сад. Заснаваны ў 1914 годзе. Двухразовы чэмпіён Югаславіі, уладальнік Кубка Сэрбіі (2014). Улічваючы, што каманда базуецца ў другім паводле велічыні горадзе краіны, «Ваяводзіна» ёсьць адным з самых папулярных клюбаў краіны. Без уліку сталічнага «Партызана» і «Црвены Зьвезды» дружына з Новага Сада ёсьць самай пасьпяховых у Сэрбіі. У склад клюбу ўваходзіць ня толькі футбольная каманда, але яшчэ баскетбол ьная, валейбольная, гандбольная дружыны ды іншыя каманды іншых відаў спорту.

Гісторыя

Клюб паўстаў 6 сакавіка 1914 году дзякуючы намаганьням вучнам сэрбскай праваслаўнай сярэдняй школы і інтэлектуалаў. Стварэньне арганізацыі было пад сакрэтам, бо аўстра-вугорскія ўлады забаранялі праводзіць вялікія сходы моладзі у рэгіёне Ваяводзіны, якая насялялася ў асноўным сэрбамі^[3]. Клюб пераняў назву «Ваяводзіна» ў гонар назвы колішняй сэрбскай аўтаноміі Сэрбскай Ваяводзіны, дзе, прынамсі, на паперы, сэрбы атрымалі тыя ж правы, што і ўсе іншыя грамадзяне імпэрыі Габсбургаў. Самая ж назва Ваяводзіна паходзіць ад слова ваявода.

Сярод фундаратараў клюбу былі будучы тэкстыльны прамысловец Міленка Ш’якаў, будучы прафэсар Уладзімер Мілічавіч, будучы хімік Міленка Хініч, будучыя праўнікі Радэнка Ракіч і Камэнка Чырыч, будучы лекар Яў Коста Хаджы, а таксама Гойка Тошыч, Джорджэ Жыванаў і Бранка Гаспаджыначкі. Новаствораны клюб свой першы матч згуляў у вёсцы Ковіль супраць мясцовага клюбу «Шайкаш». «Ваяводзіна» выступала ў блакітных кашулях і белых шортах, і перамагла зь лікам 5:0. Гульцы дружыны ў большасьці былі студэнтамі, якія прыехалі на летні адпачынак з Прагі, таму згулялі толькі адзін матч. Неўзабаве пачалася Першая сусьветная вайна і аўстра-вугорскія ўлады забаранілі ўсе сэрбскія арганізацыі ў Новым Садзе, у тым ліку і скасавала дзейнасьць «Ваяводзіны»^[4].

Па вайне «Ваяводзіна» аднавіла сваю дзейнасьць дзякуючы энтузіязму сэрбскіх студэнтаў Прагі. Клюб фінансаваўся выключна ўнёскамі сябраў і шчодрымі ўкладаньнямі, якія зрабілі Макс Грын, Дака Попавіч, браты Новакавічы, Ілія Балабушыч і сям’я Дунджэрскіх. Частка гульцоў і кіраўніцтва «Ваяводзіны», якія вучыліся ў Празе, таксама былі сябрамі футбольнага клюбу «Славія». Чэскі клюб падтрымаў сяброў ваяводзінскага клюбу ў цяжкія часы да і падчас Першай сусьветнай вайны і зрабіў важкі ўнёсак у разьвіцьцё сэрбскае каманды. У 1920 годзе быў прывезены з Прагі першы пакунак чырвона-белых кашуляў. На пасяджэньні клюбнае рады, якая ладзілася 23 ліпеня 1922 году, было пастаноўлена, што чырвоныя і белыя колеры мусяць быць прысутнымі на кашулях каманды ў гонар праскай «Славіі».

Склад

Актуальны на 19 верасьня 2024 году

№	Пазыцыя	Імя	Год нараджэньня
1	Бр	Матыя Гочманац	2003
4	ПА	Марка Палятанавіч	1993
5	Аб	Джорджэ Црнамаркавіч	1993
6	Аб	Сэід Корач	2001
7	Нап	Бамідэле Юсуф	2001
8	Аб	Стэфан Джорджавіч	1991
9	Нап	Алекса Вуканавіч	1992
10	ПА	Ураш Нікаліч	1993
11	ПА	Марка Младэнавіч	2005
12	Бр	Драган Росіч	1996
14	Нап	Калеб Задзі Сэры	1999
16	Аб	Міхай Буцян	1996
18	ПА	Негаш Петравіч (капітан)	1999
19	Нап	Жанатан Балінгі	1994
20	ПА	Драган Коканавіч	2002
22	Аб	Лазар Нікаліч	1999

№	Пазыцыя	Імя	Год нараджэньня
23	Аб	Лукас Барус	1999
26	ПА	Вукан Савічавіч	1994
27	Нап	Пэтар Сукачаў	2005
29	Аб	Колінз Сычэнджэ	2003
30	Аб	Стэфан Букінац	2005
34	ПА	Слабадан Медоевіч	1990
35	ПА	Мілаш Попавіч	2004
37	Бр	Ранка Пушкіч	2000
39	ПА	Марка Велічкавіч	2004
47	ПА	Міхайла Бутракавіч	2006
49	Нап	Андрыя Радулавіч	2002
78	Аб	Лука Дробняк	2004
99	Нап	Дэпу (ар. Жыл Вісэнці)	2000
—	Нап	Лазар Ранджэлавіч	1997
—	Бр	Дарка Зувіч	2002