Хэльсынкі

Хэльсынкі
фін. Helsinki
Герб Хэльсынкі Сьцяг Хэльсынкі
Дата заснаваньня:	12 чэрвеня 1550
Краіна:	Фінляндыя
Кіраўнік:	Juhana Vartiainen[d]
Плошча:	213,75 км²
Насельніцтва (2014)
колькасьць:	614 074 чал.
шчыльнасьць:	2872,86 чал./км²
аглямэрацыя:	1 402 542 чал.
Тэлефонны код:	9
Геаграфічныя каардынаты:	60°10′15″ пн. ш. 24°56′15″ у. д.
Хэльсынкі на мапе Фінляндыі Хэльсынкі
Галерэя здымкаў у Вікісховішчы
https://www.hel.fi/, https://www.hel.fi/helsinki/sv, https://www.hel.fi/helsinki/de, https://www.hel.fi/helsinki/fr, https://www.hel.fi/helsinki/ru, https://www.hel.fi

Хэ́льсынкі (па-фінску: Helsinki, па-швэдзку: Helsingfors) — сталіца і самы буйны горад Фінляндыі, адміністрацыйны цэнтар правінцыі Уусімаа. Места разьмешчана на беразе Фінскага заліва Балтыйскага мора. Насельніцтва на 2014 год складала 614 074 жыхары, разам з гарадамі-спадарожнікамі Вантаа, Эспаа і Каўніянэн утварае гарадзкую аглямэрацыю з насельніцтвам большым за мільён чалавек.

Хэльсынкі зьяўляюцца цэнтрам бізнэсу, адукацыі, культуры і навукі ў Фінляндыі. У Вялікім Хэльсынкі разьмешчаны 8 унівэрсытэтаў і 6 тэхналягічных паркаў. 70% замежных кампаніяў, якія працуюць у Фінляндыі, разьмешчаны ў сталічным рэгіёне. Міграцыя насельніцтва з правінцыі робіць Хэльсынкі адным з самых хуткарослых муніцыпальных раёнаў у Эўропе.

Галоўным міжнародным авіяцыйным вузлом у Фінляндыі зьяўляецца Аэрапорт Хэльсынкі — Вантаа, разьмешчаны за 20 кілямэтраў ад цэнтру сталіцы. З аэрапорту ажыцьцяўляюцца прамыя пералёты па ўсім сьвеце.

Хэльсынкі

Адукацыя

Галоўны корпус Хэльсынскага ўнівэрсытэту

У Хэльсынкі знаходзіцца найбуйнейшы ў краіне Хэльсынскі ўнівэрсытэт, а таксама шэраг іншых вышэйшых навучальных установаў, у якіх навучаюцца больш за 64 тысячаў студэнтаў. Сярэднюю адукацыю забясьпечваюць 190 школаў, зь іх 22 зьяўляюцца прыватнымі, паводле зьвестак на 2003 год.

Гарады-партнэры

• Капэнгаген, Данія
• Пэкін, Кітай
• Масква, Расея

Вонкавыя спасылкі

Хэльсынкі — сховішча мультымэдыйных матэрыялаў