Вяліскі раён

	Вяліскі раён
	Велижский район
	Герб
Агульныя зьвесткі
Краіна	Расея
Статус	раён
Адміністрацыйны цэнтар	Вяліж
Улучае	9 муніцыпальных утварэньняў
Дата ўтварэньня	1927
Насельніцтва (2005)	13 198
Плошча	1,473 тыс. км²
Месцазнаходжаньне
Мэдыя-зьвесткі
Часавы пас	GMT +3
Тэлефонны код	+7 48132
Код аўтам. нумароў	67
	Афіцыйны сайт
	Дадатковыя мультымэдыйныя матэрыялы

Вялі́скі раён — адміністрацыйна-тэрытарыяльная адзінка (муніцыпальнае ўтварэньне) на паўночным захадзе Смаленскай вобласьці Расеі. Адміністрацыйны цэнтар — места Вяліж.

Геаграфія

Плошча раёну складае 1,473 тыс. км².

Мяжуе на поўначы і паўночным захадзе з Пскоўскай і Цьвярской абласьцямі, на ўсходзе і паўночным усходзе зь Парэцкім раёнам, на захадзе зь Беларусяй, на поўдні з Руднянскім раёнам.

У раёне знаходзіцца найніжэйшае месца Смаленскай вобласьці (перасячэньне Дзьвіной мяжы вобласьці) — 140 мэтраў над узроўнем мора.

Па тэрыторыі раёну цячэ рака Заходняя Дзьвіна. Раён мае шмат балотаў і азёраў, найбуйнейшыя балоты:

Драздоўскі Мох,
Лагунскі Мох,
Мацюшынскі Мох;

Маюцца азёры:

Чаплі,
Рябікоўскае,
Гатчынскае,
Залюбішчанскае,
Хаменкоўскае.

Глебы ў раёне дзярнова-слаба- і сярэднепадзолістыя, у паніжэньнях — дзярнова-падзоліста-глеевые. Лясы (галоўным чынам хваёвыя і ялова-шыракалістыя, маладыя хваёвыя і драбналістыя) займаюць 49,5% тэрыторыі.

Гісторыя

Вяліскі раён утвораны ў 1927 у складзе Ленінградзкай вобласьці на тэрыторыі былога Вяліскага павету Віцебскай губэрні. У 1929 быў перададзены ў Заходнюю вобласьць, у складзе Смаленскай вобласьці — з 1937. У 1963 быў далучаны да Парэцкаму раёну. Адноўлены — у 1965.

Дэмаграфія

Насельніцтва — 13 198 чалавек (2005).

Адміністрацыйна-тэрытарыяльны падзел

У раёне маецца 1 мескае і 8 сельскіх паселішчаў:

Мескія паселішчы

Вяліскае мескае паселішча

Сельскія паселішчы

Дарогі

Праз землі раёну праходзіць абласная аўтамабільная дарога Р133 Смаленск — Невель і аўтадарога Р131 Вяліж — Сенькава — мяжа зь Беларусяй (на Віцебск).

Вонкавыя спасылкі

Вяліскі раён , Radzima.org