Вяземскі раён

	Вяземскі раён
	Вяземский район
	Герб
Агульныя зьвесткі
Краіна	Расея
Статус	раён
Уваходзіць у	Смаленскую вобласьць
Адміністрацыйны цэнтар	Вязьма
Улучае	23 муніцыпальныя ўтварэньні
Дата ўтварэньня	1929
Кіраўнік	Іна Дзямідава
Афіцыйныя мовы	расейская
Насельніцтва (2010)	80 438 чалавек
Нацыянальны склад	расейцы
Канфэсійны склад	праваслаўныя
Плошча	3353 км²
Месцазнаходжаньне
Мэдыя-зьвесткі
Часавы пас	GMT +4
Тэлефонны код	+7 48131
Код аўтам. нумароў	67
	Афіцыйны сайт
	Дадатковыя мультымэдыйныя матэрыялы

Вя́земскі раён (па-расейску: Вяземский район) — муніцыпальнае ўтварэньне і адміністрацыйна-тэрытарыяльная адзінка ў Смаленскай вобласьці, Расея.

Геаґрафія

Раён разьмешчаны на ўсходзе вобласьці, на ўсходзе беларускае этнічнае тэрыторыі^[a]. Мяжуе з Гжацкім, Дарагабускім, Навадугінскім, Сафонаўскім, Угранскім, Холм-Жыркоўскім і Цёмкінскім раёнамі вобласьці. Плошча раёну складае 3352,66 км². На яго тэрыторыі працякаюць рэкі Вазуза, Восьма, Вязьма, Жыжала.

Гісторыя

У часы ВКЛ тэрыторыя раёну межавала з тэрыторыяй Смаленскага ваяводзтва княства. З 1708 году на тэрыторыі раёну існаваў Вяземскі павет Смаленскае губэрні.

Навукоўцамі Мітрафанам Доўнарам-Запольскім і Яўхімам Карскім ў пачатку 20 ст. адзначаўся факт прыналежнасьці тэрыторыі сучаснага Вяземскага раёну да этнічнае беларускае тэрыторыі. У выніку гэтага ўрадам БНР заходняя частка раёну з горадам Вязьма была абвешчана часткай БНР, але фактычна гэтая тэрыторыя ўрадам БНР не кантралявалася.

У савецкія часы пасьля ўтварэньня ССРБ і БССР ставіліся спробы далучэньня Смаленскае губэрні да гэтых утварэньняў. Але гэтыя спробы засталіся безвыніковымі.

Сучасны Вяземскі раён быў утвораны ў 1929 годзе ў складзе Смаленскае вобласьці.

Дэмаґрафія

Насельніцтва раёну складае 80 438 чалавек, большасьць зь якіх складаюць расейцы. Большасьць вернікаў — праваслаўныя.

Адміністратыўнае ўладкаваньне

У склад раёну ўваходзяць 1 мескае і 22 сельскіх паселішчы.

Назва	Адміністрацыйны цэнтар
Андрэйкаўскае с/п	с. Андрэйкава
Атносаўскае с/п	в. Атносава
Вяземскае м/п	г. Вязьма
Вязьма-Бранскае с/п	с. Вязьма-Бранская
Заводзкае с/п	в. Хватаў-Завод
Ісакаўскае с/п	с. Ісакава
Кайдакоўскае с/п	в. Кайдакова
Калпіцкае с/п	в. Малая Калпіта
Касьнянскае с/п	в. Касьня
Маслаўскае с/п	с. Багародзіцкае
Мяшчорскае с/п	в. Дзьмітраўка
Навасельскае с/п	в. Новае Сяло
Палянаўскае с/п	в. Палянава
Расейскае с/п	станцыя Сямлёва
Сьцяпанікаўскае с/п	с. Новы
Сямлёўскае с/п	с. Сямлёва
Туманаўскае с/п	с. Туманава
Хмяліцкае с/п	с. Хмяліта
Царова-Займішчанскае с/п	в. Царова-Займішча
Шуйскае с/п	с. Шуйскае
Юшкаўскае с/п	с. Юшкава
Ярмолінскае с/п	в. Усьпенскае
Яфрэмаўскае с/п	в. Яфрэмава

Транспарт

Праз раён праходзяць чыгуначныя лініі Смаленск — Масква, Ржэў — Бранск і Вязьма — Сухінічы.

Таксама маюцца аўтаґістраль М-1 «Беларусь», Р-132 Вязьма — Разань і шэраг аўтадарог мясцовага ўзроўню, якія злучаюць Вязьму з навакольнымі паселішчамі і суседнімі раёнамі.