Кадыс (футбольны клюб)

Зьвесткі зь Вікіпэдыі — вольнай энцыкляпэдыі
Кадыс
Поўная назва Cádiz Club de Fútbol
Заснаваны 1910
Горад Кадыс, Гішпанія
Стадыён Рамон дэ Каранса
Умяшчальнасьць: 25 033
Чэмпіянат Ля Ліга
 · 2022—2023 14 месца
Хатнія колеры
Выязныя колеры
Галерэя здымкаў у Вікісховішчы
Афіцыйны сайт

«Ка́дыс» (па-гішпанску: Cádiz) — гішпанскі футбольны клюб з гораду Кадыс. Заснаваны ў 1910 годзе.

Гісторыя[рэдагаваць | рэдагаваць крыніцу]

Першая задакумэнтаваная гульня «Кадысу» была згуляная ў чацьвер 8 верасьня 1910 году супраць іншаша кадыскага клюбу «Спортынг». Перамогу сьвяткавалі футбалісту «Кадысу» зь лікам 1:0[1]. Праз два дні, 10 верасьня 1910 году, некалькі кадысцаў зьвярнуліся да мясцовага ўрада з просьбай зарэгістраваць новы клюб[1]. Адным з заснавальнікаў новай каманды быў Хасэ Рывэра-і-Лёра, які быў абраны першым прэзыдэнтам клюбу[1]. Ужо праз год наваствораны клюб далучыўся Паўднёвай фэдэрацыі футболу[1]. Грамадзянская вайна перапыніла арганізацыю спаборніцтваў, у выніку «Кадыс» быў вымушаны браць удзел толькі ў таварыскіх матчах, у тым ліку супраць такіх камандаў, як то «Бэтысу» і «Сэльты»[2].

Кадыс згуляў свой першы поўны сэзон 1939—1940 гадоў у Сэгундзе толькі па грамадзянскай вайне ў Гішпаніі. Клюб заняў 1 месца ў групе 5, здабыўшы 11 перамог у 14 гульнях[3]. У тым сэзоне пасаду трэнэра займаў Сантʼяга Нуньес, які адначасова быў гульцом. На працягу наступных трох сэзонаў «Кадыс» быў далёкі ад паўтарэньня гэтага посьпеху. Сваё першае прасоўваньне ў Ля Лігу адбылося ў сэзоне 1977—1978 гадоў пасьля таго, як два два дзесяцігодзьдзі клюб браў удзел у матчах Сэгунды. Выніковая перамога, якая праклала шлях да ўзвышэньня была здабытая 5 чэрвеня 1977 году ў матчы супраць «Тэрасы» (2:0)[1]. Страціўшы месца ў эліце праз год, клюб, аднак, адразу вярнуўся і пратрымаўся ў найвышэйшым дывізіёне яшчэ 13 гадоў.

У 1980-х гадах сапраўднай зорка клюбу быў сальвадорскі футбаліст Махіка Гансалес. У канцы 1980-х і пачатку 1990-х гадоў клюб атрымаў мянушку «жоўты падводны човен» праз сваю здольнасьць «усплываць» кожны год з апошніх радкоў табліцы і захоўваць сваё месца ў найвышэйшым дывізіёне, не зважаючы на тое, што большую частку сэзону каманда «зануралася» на дно. Аднак шасьціла клюбу толькі да 1994 году, калі клюб спачатку выбыў у Сэгунду паводле вынікаў сэзону 1993—1994 гадоў. Праз год «Кадыс» апусьціўся яшчэ ніжэй — у Сэгунду 2. У 1995 годзе паўднёвагішпанскі клюб апынуўся на мяжы выміраньня празь фінансавыя чыньнікі. Тагачасныя інвэстары больш не ўкладалі сродкі ў клюб і абвесьцілі аб прыпыненьні плацяжоў[1]. Выратавалі каманду толькі група кадысцаў, на чале з Антоніё Муньясам і Мануэлем Гарсіяй, якія паразумеліся з крэдыторамі і рэарганізавалі клюб[1].

Склад[рэдагаваць | рэдагаваць крыніцу]

Актуальны на 11 лютага 2024 году
Пазыцыя Імя Год нараджэньня
1 Сьцяг Аргентыны Бр Хэрэміяс Ледэсма 1993
2 Сьцяг Гішпаніі Аб Хасэба Сальдуа 1992
3 Сьцяг Гішпаніі Аб Фалі 1993
4 Сьцяг Гішпаніі ПА Рубэн Алькарас 1991
5 Сьцяг Гішпаніі Аб Віктар Чуст 2000
6 Сьцяг Малі ПА Дыядзі Самасэку (ар. Гофэнгайм) 1996
7 Сьцяг Гішпаніі Нап Рубэн Сабрына 1992
8 Сьцяг Гішпаніі ПА Алекс Фэрнандэс 1992
9 Сьцяг Гішпаніі Нап Хуанмі (ар. Бэтыс) 1993
10 Сьцяг Уругваю Нап Браян Акампа 1999
11 Сьцяг Гішпаніі Нап Іван Алеха 1995
12 Сьцяг Малі ПА Рамініг Куамэ 1996
13 Сьцяг Гішпаніі Бр Давід Хіль 1994
14 Сьцяг Сэнэгалу Аб Мамо Мбай 1998
15 Сьцяг Гішпаніі Аб Хаві Эрнандэс (ар. Леганэс) 1998
Пазыцыя Імя Год нараджэньня
16 Сьцяг Гішпаніі Нап Крыс Рамас 1997
17 Сьцяг Аргентыны ПА Гансалё Эскалянтэ 1993
18 Сьцяг Вэнэсуэлы Нап Дарвін Мачыс (ар. Вальядалід) 1993
19 Сьцяг Гішпаніі Нап Сэрхі Гвардыёля 1991
20 Сьцяг Гішпаніі Аб Ісаак Карсэлен 1993
21 Сьцяг Гішпаніі Нап Роджэр Марці 1991
22 Сьцяг Гішпаніі Аб Хорхэ Мэрэ (ар. Амэрыка) 1997
24 Сьцяг Сырыі Аб Айгам Усу (ар. Славія) 2000
24 Сьцяг Гішпаніі ПА Фэдэ Сан Эмэтэрыё 1997
25 Сьцяг Уругваю Нап Максі Гомэс (ар. Трабзанспор) 1996
27 Сьцяг Гішпаніі ПА Робэрт Навара (ар. Сасьедад) 2002
33 Сьцяг Бразыліі Аб Лукас Пірэс (ар. Сантус) 2001
Сьцяг Гішпаніі Аб Люіс Эрнандэс 1989
Сьцяг Малі ПА Юба Дыяра 1998
Сьцяг Гішпаніі ПА Хасэ Мары (капітан) 1987

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]