Багдан Сапега (сын Паўла)

Багдан Сапега
	Багдан Сапега. Невядомы мастак, каля 1709
	; Герб «Ліс»
Асабістыя зьвесткі
Нарадзіўся	каля 1530
Памёр	да 22 чэрвеня 1593
Пахаваны	Віленскі Траецкі манастыр;
Род	Сапегі
Бацькі	Павал Сапега; Алена Гальшанская
Жонка	Марыя Капуста; Апалёнія Друцкая-Сакалінская
Дзеці	ад 1-га шлюбу: Андрэй, Павал Стэфан, Мікалай Крыштап, Барбара, Соф’я Агата, Рэгіна (Ганна)

Ня варта блытаць з Багдан Сапега (сын Сямёна).

Багдан Сапега (каля 1530 — 1-я палова 1593) — дзяржаўны дзяяч Вялікага Княства Літоўскага. Кашталян берасьцейскі (1579 — 3 красавіка 1585) і смаленскі (20 красавіка 1585 «па сьмерці Мікалая Паца» — 1588), ваявода менскі (з 21 траўня 1588 «па Мікалаю Сапегу»).

Валодаў Гальшанамі, Боцькамі, Сьвятошынам, Гердышкамі, Асьнежышкамі, заснаваў мястэчка Багданаў. Трымаў Гомельскае староства (1572—1582).

Біяграфія

З магнацкага роду Сапегаў гербу «Ліс», сын Паўла і Алены з Гальшанскіх. Меў брата Мікалая.

Займаў шэраг высокіх дзяржаўных пасадаў, у тым ліку падкаморыя бельскага (1566—1569). Па сьмерці караля і вялікага князя Стэфана Баторыя быў сярод прыхільнікаў абраньня на сталец цара маскоўскага Фёдара Іванавіча і складаньня уніі з Маскоўскай дзяржавай. У 1587 падтрымаў кандыдатуру Жыгімонта Вазы. У 1591 дэпутат на трыбунал скарбовы ў Вільні.

Быў сябрам праваслаўных брацтваў у Вільні і Львове, выступаў супраць ганеньняў на кальвіністаў^[2]. Быў фундатарам царквы ў Багданаве.

Дзеці ад першага шлюбу з брацлаўскай кашталянкай Марынай Капустай:

Андрэй (? — 1630), староста гомельскі і бельскі
Павал Стэфан
Мікалай Крыштап
Барбара, жонка чашніка вялікага літоўскага Пятра Валовіча, якая па сьмерці мужа прыняла манаскі хрост і жыла ў кляштары базылянаў у Вільні;
Соф’я Агата (Агаф’я), першы раз выйшла за гарадзенскага канюшага Пятра Гайка, а другі — за берасьцейскага падкаморыя Мікалая Паца;
Рэгіна (ці Ганна), жонка слонімскага маршалка Юрыя Трызны.

Другі шлюб з Апалёніяй Друцкай-Сакалінскай быў бязьдзетным^[3].

Крыніцы

^ Гісторыя Сапегаў : жыццяпісы, маёнткі, фундацыі (белар.) — Мінск: Віктар Хурсік, 2017. — С. 87. — 586 с. — ISBN 978-985-7025-75-6
^ Анатоль Грыцкевіч. Сапегі // ВКЛ. Энцыкл. — Мн.: 2005 Т. 2. С. 547.
^ Bohdan Sapieha. Genealogia dynastyczna. Праверана 19 лістапада 2011 г.

Літаратура

Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0
Энцыклапедыя гісторыі Беларусі. У 6 т. / Беларус. Энцыкл.; Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн.: БелЭн, 2001. — Т. 6. Кн. 1: Пузыны — Усая. — 591 с. — ISBN 985-11-0214-8

[_c2b309ec18825be1-1] Гісторыя Сапегаў : жыццяпісы, маёнткі, фундацыі (белар.) — Мінск: Віктар Хурсік, 2017. — С. 87. — 586 с. — ISBN 978-985-7025-75-6

[2] Анатоль Грыцкевіч. Сапегі // ВКЛ. Энцыкл. — Мн.: 2005 Т. 2. С. 547.

[3] Bohdan Sapieha. Genealogia dynastyczna. Праверана 19 лістапада 2011 г.

[1]

[2]

[3]