Дэйвід Пэйн

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Дэйвід Пэйн
Дата нараджэньня 1843
Месца нараджэньня
Дата сьмерці 1894
Месца сьмерці
Месца вучобы
Занятак мастак
Жанры пэйзаж
«Мілае лета»

Дэйвід Пэйн (па-ангельску: David Payne, 1843—1894) — шатляндзкі мастак-пэйзажыст.

Пэйн нарадзіўся ў Анане ў старым графстве Дамфрысшыр[1]. Ён быў сынам масона, навучаўся ў Акадэміі Анан (разам з мастаком Ўільямам Эўартам Локгартам). Да таго, як стаць мастаком, ён зарабляў сабе на жыцьцё малярнымі працамі. У 1869 году Пэйн пераехаў у Дэрбі, у 1880-х было зроблена некалькі запісаў пра яго пражываньне ў розных месцах графства Дэрбішыр.

Пэйн стаў мастаком, які маляваў вясковыя пэйзажы і трамплей. Ён выстаўляўся ў Каралеўскім таварыстве мастакоў Бірмінггэму (RBSA), Нотыггэмскім музэі і мастацкай галерэі, і быў чальцом Каралеўскай шатляндзкай акадэміі (RSA). Ён лічыўся адным з найлепшых мастакоў Бірмінггэму XIX стагодзьдзя. У 1891 годзе каралева Вікторыя наведала Дэрбі для таго, каб закласьці камень лякарні Лёндан Роад (London Road Community Hospital) і пасьвяціць у рыцары Альфрэда Гаслама[2]. Сцэна на рынкавай плошчы з сотнямі тысячаў людзей, жаўнераў, коняў і сьцягоў была замалявана Пэйнам[2]; гэтая карціна выстаўленая ў Музэі і мастацкай галерэі Дэрбі[1].

Пэйн быў жанаты, у яго было 14 дзяцей. Памёр у Шэфілдзе ў 1894 годзе.

Крыніцы[рэдагаваць | рэдагаваць крыніцу]

  1. ^ а б Harvest Home and Golden Corn, David Payne, 1875
  2. ^ а б Sarah Allard Goodey's Derby p.40. — 2003. — С. 157. — ISBN 1 85983 379 9

Вонкавыя спасылкі[рэдагаваць | рэдагаваць крыніцу]

Commons-logo.svg Дэйвід Пэйнсховішча мультымэдыйных матэрыялаў