Ўільям Гоўт

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Ўільям Гоўт
William Goate
12 студзеня 183624 кастрычніка 1901
William Goat VC.jpg
Месца нараджэньня Фрытан, Норфалк
Месца сьмерці Саўтсі, Портсмут
Прыналежнасьць Вялікабрытанія
Званьне капрал
Частка 9-ы Каралеўскі ўланскі полк Яе Вялікасьці
Бітвы/войны Індыйскае народнае паўстаньне 1857—1859
Узнагароды
Крыж Вікторыі

Ўільям Гоўт (па-ангельску: William Goate; 12 студзеня 183624 кастрычніка 1901) — ангельскі вайсковец, уладальнік крыжа Вікторыі, найвялікшай і найпрэстыжнейшай узнагароды войскаў Вялікабрытаніі і Садружнасьці нацыяў.

Акалічнасьці[рэдагаваць | рэдагаваць крыніцу]

У часе Індыйскага народнага паўстаньня 1857—1859 гадоў Гоўт быў ува ўзросьце 22 гадоў у чыне малодшага капрала 9-га Каралеўскага ўланскага палку. 6 сакавіка 1858 году каля гораду Лакнаў (Утар-Прадэш, Індыя) праявіў надзвычайную мужнасьць, за якую быў узнагароджаны крыжом Вікторыі:

За надзвычайную мужнасьць каля Лакнаву, 6 сакавіка 1858, сьпешыўшыся ў прысутнасьці некалькіх прадстаўнікоў варожага боку і падняўшы цела маёра Сьміта, 2-й драгунскай гвардыі, якое ён спрабаваў адцягнуць ад поля бою, і будучы вымушаным пакінуць яго ў атачэньні варожае кавалерыі, ён адправіўся у другі раз пад цяжкім агнём ворага, каб вярнуць цела. Данясеньне генэрал-маёра сэра Джэймза Гоўпа Гранта, 8 красавіка 1858.

— London Gazette: no. 22212, p. 5512, 24 December 1858.

Пазьней атрымаў званьне капрала.

Далейшае жыцьцё[рэдагаваць | рэдагаваць крыніцу]

Гоўт пераехаў у Саўтсі ў траўні 1900 году. Памёр ува ўзросьце 64 гадоў ад раку на Леапольд-Стрыт, Саўтсі[1].

Гоўт быў пахаваны на могліках Гайланд Роўд. Мэмарыяльны камень быў узьведзены ў кастрычніку 2003 году[2].

Ягоны крыж Вікторыі дэманструецца ў палкавым музэі 9-га/12-га палкоў каралеўскіх уланаў у Музэі і мастацкай галерэі Дэрбі.

Крыніцы[рэдагаваць | рэдагаваць крыніцу]

  1. ^ 'VC Man died at Southsea', The Evening News (Portsmouth), 25 October 1901, Page 6, Column 3.
  2. ^ Find-A-Grave website

Вонкавыя спасылкі[рэдагаваць | рэдагаваць крыніцу]