Дзьмітры Балаба

Зьвесткі зь Вікіпэдыі — вольнай энцыкляпэдыі
Дзьмітры Балаба
Дата нараджэньня 1 чэрвеня 1972(1972-06-01) (51 год)
Месца нараджэньня
Занятак міліцыянт
Месца працы
Узнагароды
За асабістую мужнасьць медаль «За адзнаку ў ахове грамадскага парадку» мэдаль «За бездакорную службу» I ступені мэдаль «За бездакорную службу» II ступені мэдаль «За бездакорную службу» III ступені юбілейны медаль «80 год беларускай міліцыі» юбілейны мэдаль „80 гадоў Узброеных Сілаў Рэспублікі Беларусі“ юбілейны мэдаль „90 гадоў Узброеных Сілаў Рэспублікі Беларусі“ юбілейны мэдаль „100 гадоў Узброеных Сілаў Рэспублікі Беларусі“ юбілейны мэдаль «100 год міліцыі Беларусі» юбілейны медаль «90 год міліцыі Беларусі» юбілейны медаль «90 год органам дзяржаўнай бяспекі Беларусі» юбілейны медаль «100 год органам дзяржаўнай бяспекi Беларусi»

Дзьмітры Ўладзімеравіч Балаба (нар. 1 чэрвеня 1972, Гарадзілава, Гарадзілаўскі сельсавет, Маладэчанскі раён, Менская вобласьць, БССР, СССР) — беларускі службовец-міліцыянт рэжыму Лукашэнкі. Камандзір АМАП Галоўнай управы ўнутраных справаў Менскага гарвыканкаму. Палкоўнік міліцыі.

Біяграфія[рэдагаваць | рэдагаваць крыніцу]

Нарадзіўся 1 чэрвеня 1972 году ў вёсцы Гарадзілава Маладэчанскага раёну Менскай вобласьці. Навучаўся ў Гарадзілаўскай сярэдняй школе[1].

Да паступленьня на службу ў органы ўнутраных справаў скончыў ПТВ і адслужыў у войску, звольніўся ў запас гвардыі старшыною. У маладэчанскай патрульна-паставой службе міліцыі быў ротным і ўзводным; у яго ў падначаленьні былі байцы віленскага АМАП, які быў расфармаваны з-за актыўнага ўдзелу ў жнівеньскім путчы 1991 году[2].

З 1993 году ў АМАП[3]. У 1995 годзе пераведзены на працу ў Менск.

У 1999—2000 гадох быў камандзірам 4-га апэратыўнага ўзводу АМАП ГУУС Менгарвыканкаму. З 2002 па 2016 гады быў камандзірам 2-й роты АМАП ГУУС Менгарвыканкаму[4].

У траўні 2016 году прызначаны камандзірам АМАП Галоўнай управы ўнутраных справаў Менскага гарвыканкаму.

Балаба шмат гадоў кіраваў разгонамі акцыяў апазыцыі(be).

Узнагароды[рэдагаваць | рэдагаваць крыніцу]

Санкцыі ЭЗ, ЗША й іншых краінаў[рэдагаваць | рэдагаваць крыніцу]

2 кастрычніка 2020 году Балаба быў уключаны ў Чорны сьпіс Эўразьвязу. Рада Эўрапейскага зьвязу(be) прызнала Балабу адказным як камандуючага сіламі АМАП у Менску за кампанію рэпрэсіяў і запалохваньня, якую праводзілі сілы АМАП у Менску пасьля прэзыдэнцкіх выбараў 2020 году, у прыватнасьці адвольныя арышты й жорсткае абыходжаньне зь мірнымі дэманстрантамі, у тым ліку катаваньні, а таксама запалохваньне й гвалт у дачыненьні да журналістаў[7]. 20 лістапада да кастрычніцкага пакету санкцыяў ЭЗ далучыліся Альбанія, Ісьляндыя, Ліхтэнштайн, Нарвэгія, Паўночная Македонія, Чарнагорыя й Украіна[8]. Таксама восеньню 2020 году Балабу ўключылі ў свае санкцыйныя сьпісы Канада[9][10], Вялікабрытанія[11], Швайцарыя[12][13].

З 2 кастрычніка 2020 году Балаба таксама знаходзіцца ў санкцыйным сьпісу спэцыяльна вызначаных грамадзянаў і заблякаваных асобаў ЗША за ўдзел у дзеяньнях або палітыцы, якія падрываюць дэмакратычныя працэсы або інстытуты, як камандзір менскага АМАП, арганізацыі, супрацоўнікі якой зьбівалі й затрымлівалі мірных дэманстрантаў, журналістаў і іншых асобаў у сталіцы, а таксама нясуць адказнасьць за бесчалавечнае абыходжаньне з затрыманымі[14][15][16].

Сям’я[рэдагаваць | рэдагаваць крыніцу]

  • Жонка Тацьцяна Балаба, спэцыяліст паводле працы з кліентамі ААТ «Беларусбанк».
  • Сын Арцём Балаба, 31.03.1994 г.р., камандзір групы 2-га ўзвода АМАП ГУУС Менгарвыканкаму[17]. У сакавіку 2021 году занесены ў санкцыйныя сьпісы балтыйскіх краінаў[18].
  • Сын Максім Балаба, вучыўся ў Менскай гарадзкой кадэцкай вучэльні № 1 імя М. В. Фрунзэ.

Крыніцы[рэдагаваць | рэдагаваць крыніцу]

  1. ^ Сгорел дом командира минского ОМОНа. Соседи называют это местью — репортаж
  2. ^ 8 фактов о командире минского ОМОНа: он получил личную установку от Лукашенко накануне выборов
  3. ^ Люди особого назначения: о столичном ОМОН написали книгу
  4. ^ Интервью с командиром ОМОН ГУВД Минского горисполкома Дмитрием Балабой
  5. ^ Указ Прэзідэнта Рэспублікі Беларусь ад 13 жніўня 2015 года № 353 «Аб узнагароджанні»
  6. ^ Указ Прэзідэнта Рэспублікі Беларусь ад 1 лютага 2017 года № 34 «Аб узнагароджанні»
  7. ^ Council Implementing Regulation (EU) 2020/1387 of 2 October 2020 implementing Article 8a(1) of Regulation (EC) No 765/2006 concerning restrictive measures in respect of Belarus // Official Journal of the European Union L 319 I
  8. ^ Declaration by the High Representative on behalf of the EU on the alignment of certain third countries concerning restrictive measures against Belarus (анг.). Рада Эўрапейскага зьвязу (2020-11-20). Праверана 2021-09-13 г.
  9. ^ Regulations Amending the Special Economic Measures (Belarus) Regulations. Міністэрства міжнародных справаў Канады(en). Праверана 2020-12-25 г.
  10. ^ Legislative Services Branch Consolidated federal laws of canada, Special Economic Measures (Belarus) Regulations
  11. ^ CONSOLIDATED LIST OF FINANCIAL SANCTIONS TARGETS IN THE UK (анг.). gov.uk(en). Праверана 2020-12-25 г.
  12. ^ Switzerland joins EU in sanctions against top Belarus officials (анг.). Swissinfo(cs) (2020-10-13). Праверана 2021-09-13 г.
  13. ^ SECO: Ordinance on measures against Belarus (анг.). Дзяржаўны сакратарыят па эканамічных пытаньнях(de) (2020-10-13). Праверана 2020-09-13 г.
  14. ^ OFAC Sanctions List Search, Міністэрства фінансаў ЗША[прыбраць шаблён]
  15. ^ Treasury Sanctions Belarus Officials for Undermining Democracy (анг.). Міністэрства фінансаў ЗША (2020-10-02). Праверана 2021-09-29 г. Архіўная копія ад 2021-09-29 г.
  16. ^ U.S. Treasury sanctions eight Belarus officials for undermining democracy (анг.). УНІАН (2020-10-03). Праверана 2021-09-29 г. Архіўная копія ад 2021-02-25 г.
  17. ^ Награжден сын командира минского ОМОНа (видео)
  18. ^ Сталі вядомыя імёны чыноўнікаў з новага пакету санкцый Літвы, Латвіі і Эстоніі. Сярод іх Аліна Касьянчык. Радыё Свабода (2021-03-25). Праверана 2021-09-13 г.
Атрымана з «https://be-tarask.wikipedia.org/w/index.php?title=Дзьмітры_Балаба&oldid=2351519»