Гарадзенскі абласны драматычны тэатар

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Гарадзенскі абласны драматычны тэатар
Будынак тэатра
Будынак тэатра
Абрэвіятура ГАДТ
Дата ўтварэньня 20 кастрычніка 1947 (70 гадоў таму)
Тып Тэатар
Юрыдычны статус Дзяржаўная ўстанова
Штаб-кватэра Горадня, вул. Маставая, д. 35
Кіраўнік Ігар Гедзіч
Галоўны рэжысэр Андрэй Гузій
Загадніца трупы Ірына Пігоцкая
Сайт Выстава ў сеціве

Гарадзенскі абласны драматычны тэатр — прафэсійны драматычны тэатар, які працуе ў Горадні. Тэатар ставіць творы на беларускай і расейскай мовах.

Гісторыя[рэдагаваць | рэдагаваць крыніцу]

Тэатар створаны рашэньнем Савета Міністраў БССР 20 кастрычніка 1947 году[1] на базе Бабруйскага драматычнага тэатру. Мастацкія традыцыі тэатру былі закладзеныя заснавальнікам калектыву, заслужаным артыстам БССР Мікалаем Кавязіным. Першы тэатральны сэзон адкрыўся спэктаклем «Праўда добра, а шчасьце лепей» па п’есе А.Астроўскага. З 1984 году тэатар працуе ў цяперашнім будынку па вул. Маставой, 35.[2]

Пастановай Савета Міністраў Рэспублікі Беларусь ў 2011 годзе за высокія дасягненьні ў галіне тэатральнага мастацтва і значны ўнёсак у развіцьцё нацыянальнае культуры тэатру прысвоена званьне «Заслужаны калектыў Рэспублікі Беларусь».[3]


Мастацкія кіраўнікі тэатру[рэдагаваць | рэдагаваць крыніцу]

У розныя гады мастацкімі кіраўнікамі тэатру былі Ю.Юроўскі, С.Рахманаў, І. Парамонаў, А.Міронскі, І. Папоў, А.Струнін, Ул. Караткевіч, А.Шалыгін, І. Пятроўскі, М.Разцоў, Г.Мушперт, С.Палешчанкаў, А.Жугжда, В.Мацулевіч. Сёньня галоўным рэжысэрам тэатру зьяўляецца Андрэй Гузій.

Рэпэртуар[рэдагаваць | рэдагаваць крыніцу]

У 1950-1960 гады ставіліся п’есы Б.Рамашова, К.Сіманава, В.Сабко. Найбольш значная праца таго часу — п’еса П.Паўленкі «Шчасьце».

У 1960-1970 гады аснову рэпертуару складалі пастаноўкі гісторыка-рэвалюцыйных п’есаў: «Дзеля сваіх блізкіх» У.Лаўрэнцьева, «Салдаты» В.Шаўрына, «Перад вячэрай» В.Розава, «Якарная плошча» І. Штока і інш. Значнай падзеяй стала пастаноўка п’есы «Порт-Артур» па рамане А.Сцяпанава. У 1971 годзе быў пастаўлены спэктакль «Дні Турбіных» М.Булгакава.

Мастацкаму сталеньню трупы спрыяў клясычны рэпертуар. Былі пастаўленыя п’есы «Абрыў» па І. Ганчарову, «На дне», «Васа Жалязнова», «Дачнікі» і «Варвары» М.Горкага, «Улада цемры» Л.Талстога, «Тры сястры» А.Чэхава. Сярод твораў замежнай драматургіі вылучаліся «Слуга двух гаспадароў» К.Гальдоні, «Антоні і Клеапатра» У.Шэксьпіра.

Тэатр звяртаецца да беларускай драматургіі: «Калі заквітаюць сады» У.Палескага (1950), «Спяваюць жаваранкі» К.Крапівы (1951), «Год зьдзяйсьненьняў» П.Васілеўскага (1957), «Трыбунал» і «Таблетка пад язык» А.Макаёнка (1973), «Апошні шанец» В.Быкава (1974) і інш.

У рэпертуар тэатру ўваходзяць такія значныя працы, як «Выкруты каханьня» Лопэ дэ Вега, «Палёт над гняздом зязюлі» Д.Васэрмана, «Тарас на Парнасе» С.Кавалёва, «Раскіданае гняздо» Я.Купалы.

Тэатар гастраляваў ў Баўгарыі, Нямеччыне, Расеі, Польшчы.

Крыніцы[рэдагаваць | рэдагаваць крыніцу]

Літаратура[рэдагаваць | рэдагаваць крыніцу]

  • Няфед У. І. Гісторыя беларускага тэатра. ― Мн., 1982;
  • Чарнатоў В. М. Архітэктура тэатраў // Помнікі гісторыі і культуры Беларусі, 1973, № 1.

Спасылкі[рэдагаваць | рэдагаваць крыніцу]