Палескі драматычны тэатар

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Палескі драматычны тэатар
Пінск. Драматычны тэатр.jpg
Колішнія назвы
  • Палескі абласны драматычны тэатар
  • Пінскі абласны драматычны тэатар
Заснаваньне1939
Будынак тэатру
МесцазнаходжаньнеПінск, вул. Харужай, 10
52°6′50.6″ пн. ш. 26°6′28.6″ у. д. / 52.114056° пн. ш. 26.107944° у. д. / 52.114056; 26.107944Каардынаты: 52°6′50.6″ пн. ш. 26°6′28.6″ у. д. / 52.114056° пн. ш. 26.107944° у. д. / 52.114056; 26.107944
Кіраўніцтва
Дырэктар Аляксандар Лукашэнка[1]

Пале́скі драматы́чны тэа́тар — прафэсійны тэатар Пінску, афіцыйнае адкрыцьцё адбылося 14 сакавіка 2006 року, 29-ы прафэсійны тэатар дзяржаўнага падпарадкаваньня ў Рэспубліцы Беларусь.

Мінуўшчына[рэдагаваць | рэдагаваць крыніцу]

Вытокі пінскага тэатру сыходзяць у 1939 рок, калі пасьля далучэньня Заходняй Беларусі да БССР у Пінск быў пераведзены Заслаўскі калгасна-саўгасны тэатар(ru). Мастацкім кіраўніком быў заслужаны дзяяч мастацтваў БССР Павал Абрамавіч Данілаў. Ён працаваў да пачатку нямецка-савецкай вайны, пасьля чаго акторы-мужчыны былі мабілізаваныя ў Чырвоную армію, рэшта трупы эвакуяваная ўглыб СССР.

У 1946 року з Рэчыцкага гарадзкога драматычнага тэатру і Палескага драматычнага тэатру Мазыра ўтвораны Пінскі абласны драматычны тэатар. У 1954 року ў сувязі са скасаваньнем абласнога статусу Пінску тэатар пераехаў у Магілёў, а ягоны будынак перадалі гарадзкому дому культуры. У ягоных сьценах пачала працаваць самадзейная тэатральная трупа, першым кіраўніком якой стаў Ісаак Сакольскі.

У лютым 1959 року трупа атрымала званьне «народнага аматарскага калектыву». У 1980 року народны тэатар узначаліў выпускнік Беларускага інстытуту культуры Іван Базан, пад кіраўніцтвам якога народны тэатар быў рэарганізаваны ў 1992 року ў самастойны тэатар-студыю «Дыяген». 14 сакавіка 2006 року студыя атрымала статус дзяржаўнага Палескага драматычнага тэатру.

Сучаснасьць[рэдагаваць | рэдагаваць крыніцу]

Палескі драмтэатар разьмяшчаецца ў цэнтральнай, гістарычнай частцы места ў адрэстаўраваным і часткова рэканструяваным будынку (архітэктар В. Казакоў), помніку архітэктуры XIX стагодзьдзя, былым будынку кінатэатру «Казіно». Тэатар працуе пяць дзён на тыдзень. Ранішнія спэктаклі (у асноўным — пастаноўкі для дзяцей) ідуць па серадах, чацьвяргах, пятніцах і нядзелях. Вячэрнія — па чацьвяргах, суботах і нядзелях а 18:00.

Кіраўніцтва[рэдагаваць | рэдагаваць крыніцу]

  • Іван Базан (2006—2011)
  • Алена Гаўрыловіч (2011—2012)

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Histvalue sign export.svg Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  113Г000533

Commons-logo.svg Палескі драматычны тэатарсховішча мультымэдыйных матэрыялаў