Беларусьфільм

Зьвесткі зь Вікіпэдыі — вольнай энцыкляпэдыі
(Перанакіравана з «Белдзяржкіно»)
Перайсьці да навігацыі Перайсьці да пошуку
«Беларусьфільм»
Нацыянальная кінастудыя «Беларусьфільм»
Дата ўтварэньня 17 сьнежня 1924 (94 гады таму)
Тып Кінастудыя(en)
Юрыдычны статус дзяржаўная ўстанова
Мэта вытворчасьць фільмаў
Штаб-кватэра Менск, пр. Незалежнасьці, д. 98
Кіраўнік Алег Сільвановіч
Матчына кампанія Міністэрства культуры Рэспублікі Беларусь
Зьвязаныя кампаніі Музэй гісторыі беларускага кіно, Тэатар-студыя кінаактора
Сайт www.belarusfilm.by
Колішняя назва «Савецкая Беларусь» (да 1946 г.)

«Беларусьфільм» — галоўная кінастудыя Беларусі. Мае 12 гектараў цэхаў і службаў у Менску, 90 га па-за горадам, больш за 80 тысячаў адзінак адзеньня, больш як 25 тыс. адзінак рэквізыта (мэбля, карціны й карэты), каля 2 тыс. адзінак зброі (аўтаматы, гарматы, кулямёты й пісталеты).

Падразьдзяленьні[рэдагаваць | рэдагаваць крыніцу]

Гісторыя кінэматографу Беларусі[рэдагаваць | рэдагаваць крыніцу]

17 сьнежня 1924 году прынята рашэньне Ўраду БССР аб арганізацыі ўласнай кінавытворчасьці і стварэньні для гэтага спэцыяльнага ўпраўленьня «Белдзяржкіно» (цяпер гэтая дата адзначаецца як Дзень беларускага кіно). На першым этапе вырабляліся збольшага хранікальныя і навукова-папулярныя фільмы. У 1928 годзе «Белдзяржкіно» арганізавала беларускую кінастудыю мастацкіх фільмаў «Савецкая Беларусь», якая за адсутнасьцю тэхнічнай базы была часова разьмешчаная ў Ленінградзе. У 1939 годзе кінастудыя пераехала ў Менск. Назву «Беларусьфільм» кінастудыя атрымала ў 1946 годзе. З 1996 году афіцыйная назва кінастудыі — Нацыянальная кінастудыя «Беларусьфільм»[1].

Вытворчасьць фільмаў[рэдагаваць | рэдагаваць крыніцу]

У 1926 годзе на кінастудыі рэжысэрам Юрыем Тарычам быў зьняты першы беларускі мастацкі фільм «Лясная быль» па аповесьці Міхася Чарота «Сьвінапас». Прэм’ера першага нацыянальнага фільму «Лясная быль» адбылася 26 сьнежня 1926 году ў менскім кінатэатры «Культура» (колішнім будынку Харальнай сынагогі). У 1932 годзе на экраны выйшаў мастацкі фільм «Слава сьвету» — гэта быў першы гукавы мастацкі фільм вытворчасьці беларускай кінастудыі і адзін зь першых гукавых фільмаў у СССР.

У міжваенны пэрыяд большасьць фільмаў беларускай кінастудыі мела агітацыйна-прапагандысцкі характар і здымалася на расейскай мове па падставе нерэнтабэльнасьці за межамі Беларусі.

Вытворчасьць фільмаў была прыпыненая Другой сусьветнай вайной і працягнутая ў 1946 годзе. У пасьляваенны час студыю празвалі «Партызанфільм» з-за выхаду вялікай колькасьці стужак прысьвечаных барацьбе савецкіх партызан супраць нацысцкай акупацыі. Кінастудыя таксама вядома й сваімі дзіцячымі фільмамі.

У 1973 годзе пры кінастудыі Беларусьфільм была створана анімацыйная студыя. Першы мультфільм, створаны на кінастудыі — «Вася Бусьлік і яго сябры».

На сьнежань 2011 г. кінастудыя «Беларусьфільм» ад часу заснаваньня выпусьціла 550 гульнявых фільмаў[2].

Фільмаграфія[рэдагаваць | рэдагаваць крыніцу]

Асноўны артыкул: Сьпіс фільмаў студыі «Беларусьфільм»

1926—2011, выбранае

Студыя мультыплікацыйных фільмаў[рэдагаваць | рэдагаваць крыніцу]

Асноўны артыкул: Сьпіс мультфільмаў студыі «Беларусьфільм»

1972—2015, выбранае

Супрацоўнікі[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Histvalue sign export.svg Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  713Г000203