Мэбля

Мэбля (па-француску: meuble, па-лацінску: mobile) — сукупнасьць перасоўных ці ўбудаваных вырабаў для абстаноўкі жылых і грамадзкіх памяшканьняў і разнастайных зонаў знаходжаньня чалавека.

Адрозьніваюць:

• набор мэблі — група мэблевых вырабаў з шырокай варыянтнасьцю па складу, аб’яднаных паміж сабой архітэктурна-мастацкай (стылістычнай) задачай, прызначаных для абстаноўкі розных функцыянальных зон памяшканьня;
• гарнітур мэблі — група мэблевых вырабаў, аб’яднаных мастацка-стылістычнай і канструктыўнай прыкметамі, прызначаных для абстаноўкі пэўнай функцыянальнае зоны памяшканьня;
• мэблевы выраб — адзінка прадукцыі мэблевай вытворчасьці.

Да мэблі адносяцца: стол, фатэль і крэсла, ложкі, канапы, шафы розных тыпаў і прызначэньняў.

Віды

Абедзенны стол для дваіх

Па эксплюатацыйным прызначэньні выдзяляюць наступныя віды мэблі:

• бытавая мэбля
• мэбля для грамадзкіх памяшканьняў
• мэбля для агульнага пакоя
• мэбля для спальні
• мэбля для сталовай
• мэбля для кабінэта
• мэбля для ваннага пакоя
• мэбля для пярэдняга пакоя
• мэбля для грамадзкіх памяшканьняў
• дзіцячая мэбля
• кухонная мэбля
• садовая мэбля
• мэбля для дашкольных устаноў
• мэбля для прадпрыемстваў гандлю
• мэдыцынская мэбля
• бібліятэчная мэбля і іншыя.

Віды мэблі па функцыянальным прызначэньні:

• корпусная мэбля для захоўваньня (шафа, сэкрэтэр, сэрвант, буфэт і г. д.)
• мэбля для сядзеньня, ляжаньня (ложак, канапа, кушэтка, фатэль і г. д.)
• стол
• дзіцячы манэж
• вешалка і іншыя.

Віды мэблі па канструкцыйных прыкметах:

• разборная мэбля
• унівэрсальна-зборная мэбля
• сэкцыйная мэбля
• неразборная мэбля
• убудаваная мэбля
• складная мэбля

Віды мэблі па тэхналёгіі вырабу і матэрыялах:

• гнутая мэбля
• гнутаклееная мэбля
• плеценая мэбля
• мэбля з драўніны
• мэбля з плястмас
• мэбля з мэталу і іншыя.

Беларусь

За 2015—2019 гады лік вытворцаў мэблі ў Беларусі падвоіўся да больш як 1300 прадпрыемстваў.

Крыніцы

• 
• 
• 
• 
• 
• 
• 
•