Альпійская баляда (фільм)

Альпійская балада
Альпийская баллада
Жанр	драматычны фільм
Рэжысэр	Барыс Сьцяпанаў
Сцэнарыст	Васіль Быкаў
У ролях	Станіслаў Любшын Любоў Румянцава
Кампазытар	Уладзімер Чараднічэнка
Апэратар	Анатоль Забалоцкі
Вытворчасьць	Беларусьфільм
Дата выхаду	1965
Працягласьць	86 хвілін
Краіна	СССР
Мова	расейская
Старонка на IMDb

«Альпі́йская баля́да» (па-расейску: Альпийская баллада) — мастацкі фільм паводле кнігі Васіля Быкава, зьняты ў 1965 годзе на кінастудыі «Беларусьфільм».

Сюжэт

Пад час Другой сусьветнай вайны з фашысцкага канцлягэру ў Альпах уцякаюць савецкі салдат Іван і італьянская дзяўчына Джулія. Яны выпадкова сустракаюцца. Спачатку Іван беспасьпяхова спрабуе пазбавіцца ад яе. Пасьля ў іх нараджаюцца пачуцьці. Яны праводзяць у гарах некалькі дзён, але немцы знаходзяць іх…

Акторы

• Станіслаў Любшын — Іван
• Любоў Румянцава — Джулія
• Аляксей Катралёў
• Уладзімер Белакураў — аўстрыец
• Антаніна Бэндова
• Юры Юрчэнка
• Генадзь Васілеўскі
• Барыс Пласкоў
• Вячаслаў Кубараў
• А. Несьцераў
• Галіна Макарава
• Валянціна Васіленка

Узнагароды

• 1968 — прыз за найлепшы фільм на Міжнародным кінафэстывалі ў Дэлі (Індыя)
• 1966 — дыплёмы Саюзу кінэматаграфістаў СССР: акторка Любоў Румянцава, апэратар Анатоль Забалоцкі

Дадатковыя зьвесткі

Італьянскі рэжысэр Джузэпэ Дэ Сантыс хацеў зьняць «Альпійскую баляду» і ў 1965 годзе зьвярнуўся да кіраўніцтва кінэматаграфіі СССР, каб набыць сцэнар Васіля Быкава і правы на здымкі фільму. Але італьянцу адмовілі ды аддалі сцэнар Сьцяпанаву. Але цікавасьць італьянцаў да фільму была гэткая вялікая, што на здымкі прылятала італьянская акторка (якую Дэ Сантыс меркаваў зьняць у ролі Джуліі), каб паглядзець на Любоў Румянцаву, якая атрымала тую ролю.

Фільм зьняты на замову Дзяржкіно СССР, і аўтарскія правы на яго «Беларусьфільму» не былі перададзеныя.

Вонкавыя спасылкі

• Фільм «Альпійская баляда» на сайце IMDB