Перайсьці да зьместу

Аляксандар Чыж

Зьвесткі зь Вікіпэдыі — вольнай энцыкляпэдыі
Аляксандар Чыж
Пэрсанальная інфармацыя
Нарадзіўся 10 лютага 1997(1997-02-10)[1] (27 гадоў)
Рост 185 см
Вага 79 кг[3]
Пазыцыя паўабаронца
Клюбы
Гады Клюб Гульні (галы)¹
2017—2021 Дынама Менск 15 (2)
2017 → Нафтан 13 (1)
2021 → Туран 13 (1)
2022—2023 Тарпэда-БелАЗ 23 (1)
2024 Славія Мазыр 10 (0)
2024 Арсэнал Койданаў 10 (0)
Зборныя
2017—2018 Беларусь (да 21) 4 (0)

Аляксандар Чыж (нарадзіўся 10 лютага 1997 году) — беларускі футбаліст, абаронца койданаўскага «Арсэналу».

Кар’ера

[рэдагаваць | рэдагаваць крыніцу]

Клюбная

[рэдагаваць | рэдагаваць крыніцу]

Выхаванец ДЮСШ гораду Бярозы. З 2014 году пачаў выступаць за дубль менскага «Дынама», дзе пазьней замацаваўся ў асноўным складзе. У студзені 2017 году склаў новы доўгатэрміновы кантракт з «Дынама»[4]. Да сэзону 2017 году рыхтаваўся поруч з асноўнай камандай, але пачаў яго ў дублюючым складзе. У траўні трэнэрам галоўнай каманды быў прызначаны Сяргей Гурэнка, які раней кіраваў рэзэрвовым складам. Пасьля гэтага Чыж пачаў прыцягвацца да асноўнага складу. 10 траўня 2017 году дэбютаваў у Найвышэйшай лізе, адгуляўшы ўвесь матч супраць «Менску» (2:0) на пазыцыі цэнтральнага абаронцы.

У ліпені 2017 году быў аддадзены ў арэнду наваполацкаму «Нафтану» да сканчэньня сэзону 2017 году[5]. У складзе «Нафтана» здолеў замацавацца ў асноўным складзе ў цэнтры абароны.

У студзені 2018 году вярнуўся ў «Дынама»[6]. У сэзоне 2018 году чаргаваў выступы ў дублі і ў першай камандзе, у кастрычніку не гуляў праз траўмы. У 2019—2020 гадах гуляў пераважна за дубль, часам зьяўляўся ў асноўнай камандзе, пры гэтым шмат прапускаў матчаў праз пашкоджаньні.

У сакавіку 2021 году быў аддадзены ў арэнду дэбютанту казаскай Прэм’ер-лігі «Турану»[7]. Спачатку пераважна заставаўся на лаўцы запасных, а пачынаючы зь лета замацаваўся ў першай адзінаццатцы. У сьнежні 2021 году па заканчэньні працоўнае дамовы зышоў з «Дынама»[8].

У студзені 2022 году склаў кантракт з жодзінскім «Тарпэда-БелАЗ»[9]. У студзені 2023 году падоўжыў кантракт з клюбам[10]. У студзені 2024 году пакінуў Жодзін[11] і неўзабаве стаў гульцом мазырскай «Славіі»[12]. У ліпені 2024 году, пакінуўшы мазырскі клюб[13], перайшоў у койданаўскі «Арсэнал»[14].

Міжнародная

[рэдагаваць | рэдагаваць крыніцу]

У 2015 годзе гуляў за зборную Беларусі (да 19 гадоў) у кваліфікацыі чэмпіянату Эўропы. 25 сакавіка 2017 году дэбютаваў у складзе зборнай Беларусі (да 21 году), адгуляўшы ўсе 90 хвілінаў у таварыскім матчы супраць зборнай Летувы (2:1).

Дасягненьні

[рэдагаваць | рэдагаваць крыніцу]

Статыстыка

[рэдагаваць | рэдагаваць крыніцу]
Клюб Сэзон Чэмпіянат
Дывізіён Матчы Галы
Дынама Менск 2017 Найвышэйшая ліга 1 0
Нафтан 13 1
Дынама Менск 2018 Найвышэйшая ліга 5 0

Крыніцы

[рэдагаваць | рэдагаваць крыніцу]
  1. ^ а б в Aleksandr Chyzh // Transfermarkt (мн.) — 2000.
  2. ^ а б http://torpedo-belaz.by/player/chizh-aleksandr/
  3. ^ а б https://www.pressball.by/footballstat/aleksandr_v_chizh/
  4. ^ Дублеры минского «Динамо» Кийко, Чиж, Плотников и Крайко подписали контракты с клубом (рас.)
  5. ^ Минское "Динамо" отдало Александра Чижа в аренду "Нафтану" (рас.)
  6. ^ Дынамаўцы выйшлі з адпачынку. (бел.) Афіцыйны сайт менскага «Дынама» Архіўная копія ад 2020-10-26 г.
  7. ^ Минское "Динамо" отправило защитника Чижа в аренду в казахстанский клуб (рас.)
  8. ^ Риос, Плотников, Динга и еще три игрока покинули минское "Динамо" (рас.)
  9. ^ Александр Чиж перешел в "Торпедо-БелАЗ" (рас.)
  10. ^ Александр Чиж продлил контракт с "Торпедо-БелАЗом" (рас.)
  11. ^ Александр Чиж покинул "Торпедо-БелАЗ" (рас.)
  12. ^ "Славия" объявила о подписании Чижа, также в клуб перейдет Соловей (рас.)
  13. ^ Александр Чиж расстался со "Славией" (рас.)
  14. ^ Защитник, покинувший "Славию", перешел в "Арсенал" (рас.)

Вонкавыя спасылкі

[рэдагаваць | рэдагаваць крыніцу]
Атрымана з «https://be-tarask.wikipedia.org/w/index.php?title=Аляксандар_Чыж&oldid=2536338»