Арцём Пятрэнка
| Арцём Пятрэнка | ||
| Пэрсанальная інфармацыя | ||
|---|---|---|
| Нарадзіўся | 1 сакавіка 2000[1] (26 гадоў) | |
| Рост | 174 см | |
| Вага | 65 кг[2] | |
| Пазыцыя | нападнік | |
| Клюбная інфармацыя | ||
| Клюб | Баранавічы | |
| Нумар | 34 | |
| Клюбы | ||
| Гады | Клюб | Гульні (галы)¹ |
| 2017—2019 | Славія Мазыр | 41 (11) |
| 2020—2022 | Рух Берасьце | 14 (2) |
| 2021—2022 | → Славія Мазыр | 11 (0) |
| 2022—2023 | Славія Мазыр | 19 (1) |
| 2024 | Арсэнал Койданаў | 15 (1) |
| 2025 | Дняпро Магілёў | 32 (11) |
| 2026— | Баранавічы | |
| Зборныя | ||
| 2017—2018 | Беларусь (да 19)[d] | 5 (0) |
| 2019—2020 | Беларусь (да 21) | 6 (1) |
Арцём Пятрэнка (нар. 1 сакавіка 2000 году) — беларускі футбаліст, нападнік «Баранавічаў».
Кар’ера
[рэдагаваць | рэдагаваць код]Клюбная
[рэдагаваць | рэдагаваць код]Выхаванец мазырскага футболу. У жніўні 2014 году перабраўся ў Акадэмію АБФФ, якая функцыянавала на базе менскай Рэспубліканскай дзяржаўнай вучэльні алімпійскай рэзэрвы (РДВАР). У ліпені 2017 году па заканчэньні навучаньня вярнуўся ў Мазыр і стаў гульцом «Славіі», дзе пачаў выступаць за клюбны дубль, аднак хутка далучыўся і да асноўнага складу. 27 жніўня 2017 году дэбютаваў у Найвышэйшай лізе, выйшаўшы ў стартавым складзе ў матчы супраць берасьцейскага «Дынама» (1:2).
У сэзоне 2018 году застаўся ў мазырскім клюбе па ягонай страце месца ў Найвышэйшай лігі і выбыцьці ў Першую лігу. Пачаў атрымліваць больш часу на полі і дапамог «Славіі» вярнуцца ў элітны дывізіён. 1 верасьня 2018 году ў матчы супраць «Смаргоні» адзначыўся хет-трыкам. Сэзон 2019 году пачынаў у дублі мазырчукоў, але з траўня замацаваўся ў асноўнай камандзе. У кастрычніку 2019 году не гуляў праз траўмы, але неўзабаве вярнуўся ў склад. Да сэзону 2020 году пачынаў рыхтавацца з мазырчукамі, аднак у лютым далучыўся да берасьцейскага «Рух»[3]. Сэзон 2020 году пачынаў у пачатковым складзе, аднак у красавіку атрымаў пашкоджаньне. Канчаткова вярнуўся на поле ў кастрычніку. У сэзоне 2021 году часьцей заставаўся на лаўцы запасных, зрэдку выходзячы на замену.
У ліпені 2021 году году вярнуўся ў «Славію» на правах арэнды[4]. У мазырскім клюбе таксама толькі выходзіў на замену, з кастрычніка заставаўся на лаўцы запасных. У сьнежні 2021 году па заканчэньні арэнды пакінуў «Славію»[5]. У пачатку 2022 году рыхтаваўся да новага сэзону з «Рухам», аднак у сакавіку, пасьля таго як беарсьцейскі клюб зьняўся з Найвышэйшай лігі, зноў быў арандаваны «Славіяй»[6]. Пакінуў мазырскі клюб пасьля зьмяненьня тэрміну арэнды ў траўні 2022 году[7], адправіўшыся служыць у войску. У ліпені 2022 году вярнуўся ў склад «Славіі». У люты 2024 году паводле пагадненьня бакоў пакінуў мазырскі клюб[8] і неўзабаве стаў гульцом койданаўскага «Арсэналу»[9]. У сьнежні клюб аб’явіў аб спыненьні супрацы з футбалістам[10]. У лютым 2025 году стала вядома, што Пятрэнка праходзіць прагляд у «Слуцку»[11], але ў наступным месяцы стаў футбалістам першалігавага «Дняпра»[12]. У магілёўскім клюбе стаў найлепшым бамбардзірам каманды і дапамог яму вярнуцца ў Найвышэйшую лігу, аднак паводле словаў спартоўца кіраўніцтва клюбу і трэнэрскі штаб ня бачылі яго ў складзе[13], таму ў міжсэзоньне Пятрэнка перабраўся ў «Баранавічы»[14], які таксама пачаў новы сэзон у наймацнейшым дывізіёне.
Міжнародная
[рэдагаваць | рэдагаваць код]У кастрычніку 2016 году і сакавіку 2017 году ў складзе зборнай Беларусі (да 17 гадоў) браў удзел адпаведна ў кваліфікацыйным і элітным раўндах чэмпіянату Эўропы. У кастрычніку 2017 году і кастрычніку 2018 году ў складзе зборнай Беларусі (да 19 гадоў) спаборнічаў у кваліфікацыйных раўндах чэмпіянату Эўропы. 26 сакавіка 2019 году дэбютаваў у зборнай Беларусі (да 21 году) ў таварыскім матчы супраць зборнай Летувы.
Статыстыка
[рэдагаваць | рэдагаваць код]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Славія Мазыр | 2017 | Найвышэйшая ліга | 7 | 0 |
| 2018 | Першая ліга | 20 | 7 | |
Крыніцы
[рэдагаваць | рэдагаваць код]- ↑ Artem Petrenko // Transfermarkt (мн.) — 2000.
- ↑ https://www.pressball.by/footballstat/artyom_petrenko/
- ↑ Экс-форвард "Славии" Петренко перешел в "Рух" (рас.)
- ↑ "Славия" арендовала у "Руха" Петренко (рас.)
- ↑ Петренко вернулся в "Рух" их аренды в "Славии" (рас.)
- ↑ "Славия" оставляет у себя Артема Петренко (рас.)
- ↑ Петренко и Курбанов покинули "Славию" (рас.) Афіцыйны сайт мазырскай «Славіі»
- ↑ "Славия" объявила о расставании с Петренко (рас.)
- ↑ Петренко подписал контракт с "Арсеналом" (рас.)
- ↑ "Арсенал" расстался с четырьмя игроками (рас.). Football.by (2024-12-11). Праверана 2025-03-08 г.
- ↑ Петренко, Жумабеков и Лебедев проходят просмотр в "Слуцке" (рас.). Football.by (2025-02-02). Праверана 2025-03-08 г.
- ↑ Артем Петренко перешел в "Днепр" (рас.). Football.by (2025-03-14). Праверана 2025-04-21 г.
- ↑ Лучший бомбардир "Днепра" сезона-2025 Артем Петренко: "Я хотел остаться, но тренерский штаб или руководство не хотело этого" (рас.). Football.by (2026-01-17). Праверана 2026-02-09 г.
- ↑ Артём Петренко продолжит карьеру в "Барановичах" (рас.). Football.by (2026-01-27). Праверана 2026-02-09 г.
Вонкавыя спасылкі
[рэдагаваць | рэдагаваць код]- Статыстыка «ПБ-Инфо» (рас.)