Дзьмітры Мацяш
| Дзьмітры Мацяш | ||
| Пэрсанальная інфармацыя | ||
|---|---|---|
| Нарадзіўся | 3 чэрвеня 2000[1] (25 гадоў) | |
| Рост | 177 см[2] | |
| Вага | 71 кг[3] | |
| Пазыцыя | нападнік | |
| Клюбная інфармацыя | ||
| Клюб | Арсэнал Койданаў | |
| Клюбы | ||
| Гады | Клюб | Гульні (галы)¹ |
| 2020 | Арсэнал Койданаў | 23 (4) |
| 2021—2022 | Рух Берасьце | 0 (0) |
| 2021—2022 | → Арсэнал Койданаў | 33 (8) |
| 2022— | Арсэнал Койданаў | 56 (10) |
| 2025 | → Хваля | 31 (16) |
|
¹ Колькасьць гульняў і галоў за прафэсійны клюб лічыцца толькі | ||
Дзьмітры Мацяш (нар. 3 чэрвеня 2000 году) — беларускі футбаліст, нападнік пінскай «Хвалі» (у арэндзе з койданаўскага «Арсэналу»).
Кар’ера
[рэдагаваць | рэдагаваць код]Клюбная
[рэдагаваць | рэдагаваць код]З 2018 году пачаў выступаць за дубль барысаўскага БАТЭ. У 2019 годзе замацаваўся ў складзе і дапамог камандзе выйграць першынство дублёраў. Таксама пачаў прыцягвацца да асноўнай каманды, але гэтак і не згуляў за яе.
У лютым 2020 году поруч з шэрагам іншых дублёраў барысаўчанаў быў аддадзены ў арэнду ў койданаўскі «Арсэнал»[4], дзе пачаў пераважна выходзіць на замену. У кастрычніку 2020 году быў выкуплены «Арсэналам» і стаў гульцом клюбу на трывалай аснове. У лютым 2021 году падпісаў кантракт зь берасьцейскім «Рухам», аднак застаўся ў «Арсэнале» на правах арэнды. Паводле вынікаў сэзону 2021 году дапамог койданаўскаму клюбу прабіцца ў Найвышэйшую лігу. У сьнежні 2021 году па заканчэньні арэнды вярнуўся ў «Рух»[5]. У пачатку 2022 году рыхтаваўся да новага сэзону разам з «Рухам», аднак у лютым зноў быў аддадзены ў арэнду «Арсэналу»[6]. Дэбютаваў у Найвышэйшай лізе 1 траўня 2022 году ў матчы супраць берасьцейскага «Дынама» (0:0), калі выйшаў на замену ў другім тайме. У чэрвені стаў гульцом «Арсэнала» на трывалай аснове. У далейшым працягваў рэгулярна выходзіць на поле, пераважна на замену.
У сакавіку 2023 году падоўжыў пагадненьне з «Арсэналам»[7]. У сакавіку 2024 году стала вядома, што нападнік працягне выступаць за койданаўскі клюб у новым сэзоне, не зважаючы на службу ва Ўзброеных сілах краіны[8]. У сакавіку 2025 году на правах арэнды далучыўся да пінскай «Хвалі»[9].
Міжнародная
[рэдагаваць | рэдагаваць код]У кастрычніку 2016 году выступаў за зборную Беларусі (да 17 гадоў) у кваліфікацыйным раўндзе чэмпіянату Эўропы. У кастрычніку 2018 году выступаў за зборную Беларусі (да 19 гадоў) у кваліфікацыйным раўндзе чэмпіянату Эўропы.
Крыніцы
[рэдагаваць | рэдагаваць код]- ^ а б в https://www.pressball.by/footballstat/dmitri_matyash/
- ^ а б в г http://fcvolna-pinsk.by/player/dmitrij-matyash/
- ^ а б https://www.teams.by/-/player-157747/
- ^ "Арсенал" арендовал пятерых дублеров БАТЭ (рас.)
- ^ Футбол. Ярослав Орешкевич, Дмитрий Матяш и Евгений Гулецкий пополнили состав "Руха" (рас.) Архіўная копія ад 2022-03-26 г.
- ^ "Арсенал" продлил аренду Матяша и близок к заключению контрактов с вратарем "Шахтера" и хавбеком БАТЭ (рас.)
- ^ Матяш и Мялковский продлили контракты с "Арсеналом" (рас.)
- ^ Дмитрий Матяш, несмотря на армию, будет выступать за дзержинский "Арсенал" (рас.)
- ^ Дмитрий Матяш продолжит карьеру в Первой лиге (рас.). Белорусский футбол (2025-03-25). Праверана 2025-04-21 г.
Вонкавыя спасылкі
[рэдагаваць | рэдагаваць код]- Статыстыка «ПБ-Инфо»(недаступная спасылка) (рас.)
- Профіль (анг.) на Transfermarkt
- Профіль (анг.) на Soccerway