Інта

Зьвесткі зь Вікіпэдыі — вольнай энцыкляпэдыі
Інта
лац. Inta
рас. Инта
Інта
Герб Інты Сьцяг Інты
Дата заснаваньня: 1940
Краіна: Расея
Суб’ект фэдэрацыі: Рэспубліка Комі
Насельніцтва: 33 861 чал. (2010)[1]
Часавы пас: UTC+3
Тэлефонны код: +7 82145
Паштовыя індэксы: 169840—169849
Нумарны знак: 11, 111
Геаграфічныя каардынаты: 66°2′23.33″ пн. ш. 60°7′53.47″ у. д. / 66.0398139° пн. ш. 60.1315194° у. д. / 66.0398139; 60.1315194Каардынаты: 66°2′23.33″ пн. ш. 60°7′53.47″ у. д. / 66.0398139° пн. ш. 60.1315194° у. д. / 66.0398139; 60.1315194
Інта на мапе Расеі
Інта
Інта
Інта
Галерэя здымкаў у Вікісховішчы
http://adminta.ru

І́нта (комі-зыр. Инта) — горад у мескай акрузе Інта рэспублікі Комі, Расея. Зьяўляецца адміністрацыйным цэнтрам акругі. Разьмешчаны на левым беразе ракі Вялікая Інта. Знаходзіцца за 608 км ад сталіцы рэспублікі — Сыктыўкару.

Аўтадарогамі зьвязаны з навакольнымі пасёлкамі Верхняя Інта, Нечавом, Кожым і Кожымвом. Буйных аўтамаґістраляў, якія зьвязвалі б горад з паўднёвымі раёнамі рэспублікі, няма. Праз горад праходзяць лініі Паўночнае чыгункі Расеі. Чыгункай зьвязаны з Варкутой, Пячорай, Саснагорскам і Мікуньню.

Гісторыя[рэдагаваць | рэдагаваць крыніцу]

Заснаваньне гораду зьвязана з распрацоўкай Інцінскага вугальнага радовішча. З 1942 году Інта атрымлівае статус пасёлку гарадзкога тыпу.

У студзені 1954 году Інцінскі раён выдзяляецца асобна з Кожвінскага раёну, а ў кастрычніку гэтага ж году Інта атрымлівае гарадзкі статус[2].

Агульныя зьвесткі[рэдагаваць | рэдагаваць крыніцу]

Горад знаходзіцца на левым беразе ракі Вялікая Інта. Да сталіцы рэспублікі — 608 км. Горад падпарадкоўваецца маскоўскаму часу (GMT +4).

Клімат кантынэнтальны, субарктычны. Сярэдняя тэмпэратура студзеня складае прыкладна −25,5 °C, сярэдняя тэмпэратура ў ліпені — 14,2 °C. Сярэднегадавая тэмпэратура паветра — −3,9 °C.

Аснову прамысловасьці гораду складае вугальная прамысловасьць (прадпрыемства «Интауголь»). У горадзе існуюць хлебазавод, саўгас, малочны завод і птушкафабрыка. Вядзецца здабыча руды на мясцовым жалеза-марганцавым радовішчы.

У горадзе налічваецца 15 дзіцячых садоў, 14 сярэдніх агульнаадукацыйных установаў, політэхнічны тэхнікум і філія Варкуцінскага горна-эканамічнага каледжа.

Асобы[рэдагаваць | рэдагаваць крыніцу]

У горадзе нарадзіўся беларускі хакеіст і заслужаны майстар спорту Рэспублікі Беларусь Уладзімер Цыплакоў.

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Інтасховішча мультымэдыйных матэрыялаў