Усінск

Усінск
Населены пункт
Усінск з вышыні птушынага палёту
Герб
Краіна	Расея
Суб’ект фэдэрацыі	Рэспубліка Комі
Дата заснаваньня	1966
Геаграфія
Вышыня НУМ	67 м
Часавы пас	UTC+3
Каардынаты	65°59′ пн. ш. 57°32′ у. д.
Насельніцтва
Колькасьць	42 300 чал. (2010)
Лічбавыя ідэнтыфікатары
Тэлефонны код	+7 82144
Паштовыя індэксы	169710, 169711 і 169712
Нумарны знак	11, 111
Сайт	администрация-усинск.рф (рас.)
Усінск на мапе Расеі Усінск

Усі́нск (па-расейску: Усинск, комі-зыр. Ускар) — горад у мескай акрузе Ўсінск рэспублікі Комі, Расея. Зьяўляецца адміністрацыйным цэнтрам акругі. Разьмешчаны на правым беразе ракі Ўса. Адлегласьць да сталіцы рэспублікі — Сыктыўкару — 757 км. Буйныя аўтамаґістралі, што зьвязвалі б горад з цэнтрам Расеі, адсутнічаюць. Будуецца аўтадарога да сяла Вусьць-Уса.

Гісторыя

Заснаваны ў 1966 годзе як прамысловы пасёлак. У 1970 годзе месца будаўніцтва пасёлку перанесьлі на іншую пляцоўку, бо ранейшай пагражала падтапленьне ракой Усой. У 1970-х гадох працягвалася актыўнае забудова пасёлку.

Статус гораду пасёлак атрымаў у 1984 годзе.

Агульныя зьвесткі

Горад знаходзіцца на правым беразе ракі Ўса. На 61 кілямэтар на поўнач праходзіць Паўночны палярны круг. Да сталіцы рэспублікі гораду Сыктыўкар — 757 км. Горад падпарадкоўваецца маскоўскаму часу (GMT +4).

Асноўнай галінай мясцовае прамысловасьці зьяўляецца нафтаздабыча — здабычу вядуць кампаніі «Лукойл» і «Роснефть». На тэрыторыі мескае акругі знаходзіцца нафтаперапрацоўчы завод кампаніі «Енисей». У горадзе існуюць камбінат хлебабулачных вырабаў і прадпрыемства безалькаґольных напояў «Литосфера».

Забудова гораду ўяўляе сабой у асноўным пяці- й дзевяціпаверхавікі. Сярод адукацыйных установаў ва Ўсінску ёсьць 6 агульнанавучальных установаў, 11 дзіцячых садкоў, дзіцячы дом, філія Ўхцінскага дзяржаўнага тэхнічнага ўнівэрсытэту і політэхнічны тэхнікум.

Вонкавыя спасылкі

Усінск — сховішча мультымэдыйных матэрыялаў

• Администрация МО ГО «Усинск» (рас.)
• Усинск: новости, погода, знакомства, городской форум (рас.)