Міністэрства па надзвычайных сытуацыях Рэспублікі Беларусь

Міністэрства па надзвычайных сытуацыях Рэспублікі Беларусь
	Міністэрства па надзвычайных сытуацыях Рэспублікі Беларусь
Абрэвіятура	МНС РБ
Штаб-кватэра	Менск, вул. Рэвалюцыйная, д. 5
Міністар	Вадзім Сіняўскі
Першы намесьнік	Аляксандар Худалееў
Намесьнікі	Ігар Болатаў, Анатоль Даўгалевец, Андрэй Юржыц
Зьвязаныя кампаніі	«Белінвэсткамплект», «Беллесавія», «Дыэкас», «Радон»
Бюджэт	328 мільярдаў рублёў (2010 год; 110 мільёнаў $)
Сайт	mchs.gov.by

Міністэ́рства па надзвыча́йных сытуа́цыях Рэспу́блікі Белару́сь — міністэрства ўраду Беларусі, упаўнаважанае парадкаваць пажаратушэньне ды папярэджаньне прамысловых і прыродных здарэньняў. Міністар па надзвычайных сытуацыях ды яго намесьнікі прызначаюцца й здымаюцца з пасадаў прэзыдэнтам. З 11 сакавіка 2021 году пасаду Міністра займае Вадзім Сіняўскі^[4].

Задачы

Рэгуляваньне і кіраваньне ў сфэры папярэджаньня і ліквідацыі надзвычайных сытуацыяў прыроднага і тэхнагеннага характару і грамадзянскай абароны
Забесьпячэньне пажарнай, прамысловай, ядзернай і радыяцыйнай бясьпекі
Ліквідацыя наступстваў катастрофы на Чарнобыльскай АЭС
Стварэньне і забесьпячэньне захаванасьці дзяржаўнага і мабілізацыйнага матэрыяльных рэзэрваў^[5]

Паўнамоцтвы

Паводле Часткі 3 Ўставы МНС валодае паўнамоцтвамі на:

праверку выкананьня й вынясеньне загадаў аб выпраўленьні парушэньняў заканадаўства аб папярэджаньні здарэньняў;
запыт і атрыманьне зьвестак ва ўстановах;
прыцягненьне ўстановаў да распрацоўкі ведамасных пастановаў, падрыхтоўкі спабораў і распродажаў;
вызначэньне парадку кіраваньня маёмасьцю падпарадкаванымі ўстановамі^[6].

Служба

На пасады шараговых супрацоўнікаў ды малодшых начальнікаў наймаюцца поўнагадовыя грамадзяне ва ўзросьце да 30 год, на пасады начальнікаў сярэдняга й старшага ўзроўню — да 35 год. Прызначэньне на пасады вышэйшых начальнікаў ажыцьцяўляецца прэзыдэнтам. На службу не прымаюцца грамадзяне, якія:

зьдзейсьнілі злачынства;
зьяўляюцца абмежавана дзеяздольнымі паводле набыўшай сілу пастановы суда;
адмаўляюцца праходзіць адмысловую праверку.

Супрацоўнікам у званьні ад шарагоўца да падпалкоўніка дазваляецца заставацца на службе да дасягненьня ўзросту ў 45 гадоў, у званьні палкоўніка — да 50 гадоў, генэрал-маёра ды генэрал-лейтэнанта — да 55 гадоў. Застацца на службе звыш гранічнага ўзросту ў званьні да падпалкоўніка дазваляецца рашэньнямі калегіі міністэрства, а ў званьні палкоўніка й вышэй — рашэньнем прэзыдэнта^[7].

Апарат

Міністар — Вадзім Сіняўскі
Першы намесьнік міністра — генэрал-маёр унутранай службы Аляксандар Худалееў
Намесьнікі міністра
- Намесьнік міністра — генэрал-маёр унутранай службы Анатоль Даўгалевец
- Намесьнік міністра — генэрал-маёр унутранай службы Ігар Болатаў
- Намесьнік міністра — палкоўнік унутранай службы Андрэй Юржыц
Памочнік міністра — прэсавы сакратар
Галоўная ўправа дзяржаўнай сыстэмы папярэджаньня і ліквідацыі надзвычайных сытуацыяў і грамадзянскай абароны
Управа аварыйна-ратавальных службаў і ліквідацыі надзвычайных сытуацыяў
Управа справаводзтва і кантролю выкананьня
Управа кадраў
Управа матэрыяльна-тэхнічнага забесьпячэньня
Управа міжнароднага супрацоўніцтва
Управа нагляду і прафіляктыкі
Управа прававога забесьпячэньня
Управа фінансавай і эканамічнай работы
Аддзел навукі і інавацыйнага разьвіцьця
Аддзел апэратыўнага кіраваньня
Аддзел арганізацыі навучаньня насельніцтва і прафэсійнай падрыхтоўкі
Аддзел рэжымна-сакрэтнай работы
Аддзел сувязі і апавешчаньня
Аддзел будаўніцтва
Сэктар ідэялягічнай працы
Сэктар мабілізацыйнага забесьпячэньня
Сэктар уласнай бясьпекі

Навучальныя і навуковыя ўстановы

Навукова-дасьледчы інстытут пажарнай бясьпекі і праблемаў надзвычайных сытуацыяў(ru)
Вучэльні — Менскі камандна-інжынэрны інстытут, Гомельскі інжынэрны інстытут ды ліцэй пры ім, Інстытут перападрыхтоўкі і павышэньня кваліфыкацыі;
Дзяржаўная пажарная аварыйна-ратавальная ўстанова «Рэспубліканскі атрад адмысловага прызначэньня»
Дзяржаўная авіяцыйная аварыйна-ратавальная ўстанова «Авіяцыя»
Дзяржаўная ўстанова «Рэспубліканскі цэнтар кіраваньня і рэагаваньня на надзвычайныя сытуацыі»
Установа «Рэспубліканскі цэнтар сэртыфікацыі і экспэртызы ліцэнзаваных відаў дзейнасьці»
Установа «Рэспубліканскі цэнтар тылавага забесьпячэньня»
Рэспубліканская кантрольна-рэвізыйная інспэкцыя
Цэнтралізаваная бугальтэрыя

Падпарадкаваныя ўстановы

Адміністрацыя зонаў адчужэньня і адсяленьня (Гомель);
Палескі радыяцыйна-экалягічны запаведнік (Хвойнікі, Гомельская вобласьць);
Прадпрыемствы — «Белінвэсткамплект», «Беллесавія», «Бясьпека надзвычайных сытуацыяў», «Дзяржрэзэрв» (Асіпавічы, Магілёўская вобласьць), «Дыэкас», «Дзіцячы рэабілітацыйна-аздараўленчы цэнтар „Ждановічы“» (Менскі раён), «Інстытут радыялёгіі» (Гомель), «Палесьсе» (Гомель), «Радон» (Магілёў), «Уніформ» (места Мікашэвічы, Лунінецкі раён, Берасьцейская вобласьць);
Склады — «Беларускамбінат», «Вясна» (Гомель), «Заходні» (вёска Пліса, Смалявіцкі раён, Менская вобласьць), «Космас» (Клецак, Менская вобласьць), «Маяк» (Асіповічы), «Парэчча» (Бабруйск, Магілёўская вобласьць), «Харугва» (Магілёў).

Крыніцы

^ Кіраўніцтва Міністэрства Міністэрства. Міністэрства па надзвычайных сытуацыях Рэспублікі Беларусі. Праверана 20 лістапада 2020 г.
^ Закон Рэспублікі Беларусь аб рэспубліканскім каштарысе на 2010 год (рас.). Нацыянальны прававы інтэрнэт-партал Рэспублікі Беларусь (27 сьнежня 2010). Праверана 16 сакавіка 2011 г.
^ Зьвесткі аб сярэднеўзважаным курсе беларускага рубля да замежных валютаў на валютным рынку Рэспублікі Беларусь за 2010 год. Нацыянальны банк Рэспублікі Беларусь. — Паводле сярэдняе за 2010 год цаны (2993,74) набыцьця даляра за рублі на валютным рынку. Праверана 16 сакавіка 2011 г.
^ Новым міністрам па надзвычайных сітуацыях стаў экс-кіраўнік Гродзенскай міліцыі, Наша Ніва, 11-03-2021
^ Назначение МЧС Республики Беларусь
^ Указ прэзыдэнта Рэспублікі Беларусь ад 29 сьнежня 2006 г. № 756 (рас.). Нацыянальны прававы інтэрнэт-партал Рэспублікі Беларусь (27 верасьня 2010). Праверана 16 сакавіка 2011 г.
^ Указ прэзыдэнта Рэспублікі Беларусь ад 3 сакавіка 1999 г. № 130 (рас.). Нацыянальны прававы інтэрнэт-партал Рэспублікі Беларусь (15 лютага 2010). Праверана 17 сакавіка 2011 г.

Вонкавыя спасылкі

[1] Кіраўніцтва Міністэрства Міністэрства. Міністэрства па надзвычайных сытуацыях Рэспублікі Беларусі. Праверана 20 лістапада 2020 г.

[2] Закон Рэспублікі Беларусь аб рэспубліканскім каштарысе на 2010 год (рас.). Нацыянальны прававы інтэрнэт-партал Рэспублікі Беларусь (27 сьнежня 2010). Праверана 16 сакавіка 2011 г.

[3] Зьвесткі аб сярэднеўзважаным курсе беларускага рубля да замежных валютаў на валютным рынку Рэспублікі Беларусь за 2010 год. Нацыянальны банк Рэспублікі Беларусь. — Паводле сярэдняе за 2010 год цаны (2993,74) набыцьця даляра за рублі на валютным рынку. Праверана 16 сакавіка 2011 г.

[4] Новым міністрам па надзвычайных сітуацыях стаў экс-кіраўнік Гродзенскай міліцыі, Наша Ніва, 11-03-2021

[5] Назначение МЧС Республики Беларусь

[6] Указ прэзыдэнта Рэспублікі Беларусь ад 29 сьнежня 2006 г. № 756 (рас.). Нацыянальны прававы інтэрнэт-партал Рэспублікі Беларусь (27 верасьня 2010). Праверана 16 сакавіка 2011 г.

[7] Указ прэзыдэнта Рэспублікі Беларусь ад 3 сакавіка 1999 г. № 130 (рас.). Нацыянальны прававы інтэрнэт-партал Рэспублікі Беларусь (15 лютага 2010). Праверана 17 сакавіка 2011 г.

[1]

[2]

[3]

[4]

[5]

[6]

[7]

п а р Выканаўчая ўлада Беларусі
Прэзыдэнт · Адміністрацыя прэзыдэнта · Савет міністраў
Міністэрствы	абароны адукацыі антыманапольнага рэгуляваньня і гандлю архітэктуры і будаўніцтва аховы здароўя жыльлёва-камунальнай гаспадаркі замежных справаў інфармацыі культуры лясной гаспадаркі па надзвычайных сітуацыях па падатках і зборах прамысловасьці працы і сацыяльнай абароны прыродных рэсурсаў і аховы навакольнага асяродзьдзя сельскай гаспадаркі і харчаваньня спорту і турызму сувязі і інфарматызацыі транспарту і камунікацыяў унутраных справаў фінансаў эканомікі энэргетыкі юстыцыі
Дзяржаўныя камітэты	вайскова-прамысловы дзяржаўнага кантролю дзяржаўнай бясьпекі мытны па маёмасьці памежны па навуцы і тэхналёгіях па стандартызацыі статыстычны судовых экспэртызаў сьледчы