Уладзімер Вашчанка

	Уладзімер Вашчанка
Міністар па надзвычайных сытуацыях Рэспублікі Беларусь
	29 сьнежня 2010 — 11 сакавіка 2021
Прэзыдэнт:	Аляксандар Лукашэнка
Прэм’ер-міністар:	Міхаіл Мясьніковіч
Папярэднік:	Энвер Барыеў
Наступнік:	Вадзім Сіняўскі
Асабістыя зьвесткі
Нарадзіўся:	3 жніўня 1958 (66 гадоў); п. Траецка-Пячорск, Комі АССР, Расейская СФСР
Адукацыя:	Магілёўскі машынабудаўнічы інстытут (1983)
Узнагароды:	Ганаровая грамата Савету Міністраў Рэспублікі Беларусь (18 чэрвеня 2015) Ганаровая грамата Савету Міністраў Рэспублікі Беларусь (25 ліпеня 2018)

Вікіпэдыя мае артыкулы пра іншых асобаў з прозьвішчам Вашчанка (неадназначнасьць).

Уладзі́мер Алякса́ндравіч Ва́шчанка (3 жніўня 1958, п. Траецка-Пячорск, Комі АССР) — беларускі дзяржаўны дзяяч. З кастрычніка 2000 году — начальнік Магілёўскага абласнога ўпраўленьня МНС Рэспублікі Беларусь^[1]. З 29 сьнежня 2010 году — міністар па надзвычайных сытуацыях Рэспублікі Беларусь^[2].

Біяграфія

Нарадзіўся 3 жніўня 1958 году ў п. Траецка-Пячорск Комі АССР. У 1983 годзе скончыў Магілёўскі машынабудаўнічы інстытут. У 2002 годзе — камандна-інжынэрны інстытут МНС Рэспублікі Беларусь.

У 1976 годзе працаваў зборшчыкам Магілёўскага тарарамонтнага прадпрыемства трэсту «Белтара». У 1976—1978 гадах служыў у шэрагах Узброеных сіл. У 1980—1981 гадах — малодшы інспэктар дзяржаўнага пажарнага нагляду самастойнай ваенізаванай пажарнай часткі нумар 2 па ахове Ленінскага раёну г. Магілёва, у 1981—1983 гадах — начальнік варты (там жа), у 1983—1986 гадах — намесьнік начальніка (там жа), у 1986—1994 гадах — начальнік. У 1994—1996 гадах — намесьнік начальніка УВПС УУС Магілёўскага аблвыканкаму па службе, падрыхтоўцы і пажаратушэньні. У 1996—1997 гадах займаў пасаду намесьніка начальніка Магілёўскага абласнога УВПС ГУВПС МУС Рэспублікі Беларусь. У 1997—1999 гадах быў начальнікам ваенізаванай пажарнай часткі нумар 2 Ленінскага раёну г. Магілёва. У 1999—2000 гадах — залічаны ў кадры МНС Рэспублікі Беларусь з праходжаньнем службы на раней займаемай пасадзе. З красавіка па кастрычнік 2000 году — начальнік пажарнай аварыйна-выратавальнай часткі нумар 2 Ленінскага раёну г. Магілёва Магілёўскага абласнога ўпраўленьня МНС Рэспублікі Беларусь.

Дэпутат Магілёўскага абласнога Савета дэпутатаў.

Крыніцы

^ Вашчанка Уладзімір Аляксандравіч. Звязда. Праверана 22 студзеня 2011 г.
^ У.Вашчанка назначаны міністрам па надзвычайных сітуацыях. БелТА (29 сьнежня 2011). Праверана 22 студзеня 2011 г.

[1] Вашчанка Уладзімір Аляксандравіч. Звязда. Праверана 22 студзеня 2011 г.

[2] У.Вашчанка назначаны міністрам па надзвычайных сітуацыях. БелТА (29 сьнежня 2011). Праверана 22 студзеня 2011 г.

[1]

[2]