Вадзім Сіняўскі

	Вадзім Сіняўскі
	па-беларуску: Вадзім Іванавіч Сіняўскі
Міністар па надзвычайных сытуацыях Рэспублікі Беларусь
	11 сакавіка 2021 — цяперашні час
Прэзыдэнт:	Аляксандар Лукашэнка
Прэм’ер-міністар:	Раман Галоўчанка
Папярэднік:	Уладзімер Вашчанка
Асабістыя зьвесткі
Нарадзіўся:	15 траўня 1970; Маладзечна
Адукацыя:	Саратаўскі вайсковы інстытут войскаў нацыянальнай гвардыі Расейскай Фэдэрацыі[d] (1991); Акадэмія МУС Беларусі (2002);
Узнагароды:
	Вадзім Сіняўскі ў Вікісховішчы

Вадзім Іванавіч Сіняўскі (нар. 15 траўня 1970, Маладзечна) — беларускі дзяржаўны дзяяч. З красавіка 2014 году — начальнік УУС Гарадзенскага аблвыканкаму. З 11 сакавіка 2021 году — міністар па надзвычайных сытуацыях Рэспублікі Беларусь^[1].

Жыцьцяпіс

Скончыў у 1991 годзе Саратаўскую вышэйшую вайсковую камандную вучэльню МУС СССР, у 2002 годзе — Акадэмію МУС Беларусі. Са жніўня 1991 — па сьнежань 1992 году — камандзір узводу роты курсантаў Саратаўскай вышэйшай вайсковай каманднай вучэльні МУС СССР.

Са сьнежня 1992 па сьнежань 1994 гадоў — участковы інспэктар інспэкцыі па справах непаўнагадовых аддзелу ўнутраных спраў Мядзельскага райвыканкаму. Са сьнежня 1994 па жнівень 1998 году — старэйшы ўчастковы інспэктар інспэкцыі па справах непаўнагадовых, участковы інспэктар міліцыі, старэйшы ўчастковы інспэктар міліцыі Крывіцкага вучастку міліцыі АУС Мядзельскага райвыканкаму.

Са жніўня 1998 па чэрвень 2003 гадоў — начальнік апэратыўна-арганізацыйнай службы, намесьнік начальніка АУС Мядзельскага райвыканкаму — начальнік міліцыі грамадзкай бясьпекі і спэцыяльнай міліцыі. З чэрвеня 2003 па кастрычнік 2005 году кіраваў АУС Валожынскага райвыканкаму. Потым быў прызначаны намесьнікам начальніка міліцыі грамадзкай бясьпекі і спэцыяльнай міліцыі УУС Менскага аблвыканкаму — начальнікам упраўленьня аховы правапарадку. Займаў гэтую пасаду да канца 2009 году.

Са сьнежня 2009 па красавік 2012 гадоў — начальнік трэцяга аддзела ўпраўленьня аховы аб’ектаў Службы бясьпекі прэзыдэнта Беларусі. З красавіка 2012 па красавік 2014 году — начальнік Дэпартамэнту аховы МУС. З красавіка 2014 году служыў на пасадзе начальніка УУС Гарадзенска аблвыканкаму.

З 11 сакавіка 2021 году — Міністар па надзвычайных сытуацыях Рэспублікі Беларусь^[1].

Узнагароды

мэдалі «За бездакорную службу» III, II і I ступеняў,
мэдаль «За адзнаку ў ахове грамадзкага парадку»

Крыніцы

^ ^а ^б Новым міністрам па надзвычайных сітуацыях стаў экс-кіраўнік Гродзенскай міліцыі, Наша Ніва, 11-03-2021

[nn.by-1] а ^б Новым міністрам па надзвычайных сітуацыях стаў экс-кіраўнік Гродзенскай міліцыі, Наша Ніва, 11-03-2021

[1]