Лэйтан Бэйнз

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Лэйтан Бэйнз
Baines Leighton 126176 (cropped).jpg
Пэрсанальная інфармацыя
Нарадзіўся 11 сьнежня 1984(1984-12-11)[1][2][3] (36 гадоў)
Рост 170 см
Вага 74 кг
Пазыцыя скрайні абаронца
Клюбная інфармацыя
Клюб Эвэртан
Нумар 3
Клюбы
Гады Клюб Гульні (галы)¹
2002—2007
2007—2020
Ўіган Атлетык
Эвэртан
144 (4)
348 (29)
Зборныя
2010—2015 Ангельшчына 30 (1)

¹ Колькасьць гульняў і галоў за прафэсійны клюб лічыцца толькі
для нацыянальнай лігі.

Лэ́йтан Джон Бэйнз (па-ангельску: Leighton John Baines; нарадзіўся 11 сьнежня 1984 году, Кэркбі, Ангельшчына) — былы ангельскі футбаліст, левы абаронца.

Клюбная кар’ера[рэдагаваць | рэдагаваць крыніцу]

«Ўіган Атлетык»[рэдагаваць | рэдагаваць крыніцу]

Першым прафэсійным клюбам Бэйнза стаў «Ўіган Атлетык». За час выступаў футбаліста за клюб, «Ўіган» здолеў двойчы рушыць наперад у больш высокую лігу й у выніку прайшоў шлях ад Другога дывізіёну да Прэм’ер-лігі.

«Эвэртан»[рэдагаваць | рэдагаваць крыніцу]

Улетку 2007 году Бэйнз перайшоў у стан «Эвэртану»[4]. Паводле ацэнак СМІ трансфэр футбаліста абыйшоўся клюбу ў 5-6 мільёнаў эўра[5]. У сваім першым сэзоне за новы клюб Бэйнз атрымаў няшмат гульнявой практыкі, правёўшы толькі 29 матчаў ва ўсіх спаборніцтвах за «Эвэртан», з-за траўмы і добрай формы Філа Ягелкі і Джозэфа Ёбы. У ягоны другі сэзон назіраўся рост гульнявога часу ў сувязі з траўмай Ёбы, у той час як Джолеан Лескат перайшоў гуляць у цэнтар абароны. Дзякуючы гэтым абставінам Бэйнз заняў левы флянг абароны каманды. У гэтым сэзоне Лэйтан двойчы прызначаўся гульцом месяцу «Эвэртану» запар.

Бэйнз забіў свой першы за «Эвэртан» у браму «Портсмуту» 21 сакавіка 2009 году, на Фрэтан Парк. 30 жніўня 2009 году ён забіў на апошняй хвіліне з пэнальці ў пераможным матчы супраць сваёй былой каманды «Ўіган Атлетык». Празь месяц ён выйшаў на пляцоўку з капітанскай повязьзю ў матчы Лігі Эўропы супраць грэцкага АЕКу. [8] У сэзоне 2010—2011 гадоў Бэйнз правёў кожную хвіліну за «Эвэртан» у матчах Прэм’ер-лігі[6], а таксама забіў сем галоў ва ўсіх спаборніцтвах за клюб. Ягоны ўнёсак быў узнагароджаны прызам як лепшаму гульцу клюбу паводле вынікаў сэзону[7].

Міжнародная кар’ера[рэдагаваць | рэдагаваць крыніцу]

Дэбют футбаліста ў афіцыйным матчы за зборную адбыўся 4 чэрвеня 2011 году ў матчы адборачнага турніру да чэмпіянату Эўропы 2012 года супраць зборнай Швайцарыі. Бэйнз быў адным з прэтэндэнтаў на ўдзел на чэмпіянаце сьвету 2010 году, аднак у выніковы склад не патрапіў.

Асабістае жыцьцё[рэдагаваць | рэдагаваць крыніцу]

Лэйтан мае траіх дзяцей разам са сваёй жонкай Рэйчэл[8].

Крыніцы[рэдагаваць | рэдагаваць крыніцу]

  1. ^ а б Leighton Baines // Transfermarkt (мн.) — 2000.
  2. ^ а б Leighton Baines // FBref.com (мн.)
  3. ^ а б Leighton Baines // As (гішп.)Madrid: Grupo PRISA, 1967.
  4. ^ Защитник «Уигана» Лейтон Бейнс перешел в «Эвертон». Sports.ru
  5. ^ Baines rejects Sunderland switch. BBC Sport
  6. ^ Number-crunching makes grim reading for Arsenal's defence. The Guardian
  7. ^ Baines' Glorious Treble. Everton FC
  8. ^ England v Egypt – as it happened. The Guardian

Вонкавыя спасылкі[рэдагаваць | рэдагаваць крыніцу]