Скот Паркер

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Скот Паркер
Скот Паркер
Пэрсанальная інфармацыя
Нарадзіўся 13 кастрычніка 1980 (39 гадоў)
Ламбэт, Ангельшчына
Рост 175 см
Вага 69 кг
Пазыцыя паўабаронца
Клюбы
Гады Клюб Гульні (галы)¹
1997—2004
2000—2001
2004—2005
2005—2007
2007—2011
2011—2013
2013—2017
Чарлтан Атлетык
Норыдж Сіці
Чэлсі Лёндан
Ньюкасл Юнайтэд
Ўэст Гэм Юнайтэд
Тотэнгэм Готспур
Фулгэм
128 (9)
6 (1)
15 (1)
55 (4)
113 (10)
50 (0)
119 (6)
Зборныя
2003—2013 Ангельшчына 18 (0)

¹ Колькасьць гульняў і галоў за прафэсійны клюб лічыцца толькі
для нацыянальнай лігі.

Скот Мэт’ю Паркер (па-ангельску: Scott Matthew Parker; нарадзіўся 13 кастрычніка 1980 году, Ламбэт, Ангельшчына) — ангельскі футбаліст, цэнтральны паўабаронца. За нацыянальную зборную Ангельшчыны правёў 18 гульнаў.

Біяграфія[рэдагаваць | рэдагаваць крыніцу]

Нарадзіўся ў прадмесьці Лёндану ў Ламбэт. Займаўся ў футбольнай акадэміі «Чарлтан Атлетык», у ліпені 2004 году перайшоў у «Чэлсі», пасьля сэзону ў складзе «арыстакратаў» сышоў у «Ньюкасл Юнайтэд», быў гульцом таксама «Ўэст Гэм Юнайтэд» і «Тотэнгэм Готспур».

Кар’ера[рэдагаваць | рэдагаваць крыніцу]

Клюбная[рэдагаваць | рэдагаваць крыніцу]

За «Чарлтан Атлетык» згуляў 128 матчаў і забіў 9 мячоў, пасьля чаго ў 2004 годзе перайшоў у «Чэлсі», падпісаўшы дамову на 4,5 году. Сума трансфэру склала 12 млн фунтаў. Паркер быў першапачаткова падпісаны, як зьменшчык для Клёда Макелеле й Фрэнка Лэмпарда, што давала яму ня надта шмат шанцаў зьявіцца на полі. Ён забіў свой адзіны гол за «Чэлсі» ў матчы супраць клюбу «Портсмут».

У ліпені 2005 году Паркер быў прададзены ў «Ньюкасл Юнайтэд» за суму роўную 6,5 млн фунтаў. Паркер стаў рэгулярным гульцом першай каманды й быў адным зь нямногіх, хто здолеў паказаць стабільную гульню на працягу ўсяго сэзону, які «Ньюкасл» скончыў на сёмым месцы. Ён забіў свой першы гол за «сарокаў» у гульні супраць свайго былога клюбу «Чарлтану», у якой яго каманда прайграла зь лікам 3:1. У сакавіку 2006 году з-за монануклеёзу сэзон для гульца быў скончаны, з-за чаго ён ня здолеў пазмагацца за месца ў зборнай перад чэмпіянатам сьвету 2006 году. У ліпені 2006 году Паркер стаў капітанам клюбу.

У чэрвені 2007 году «Ўэст Гэм Юнайтэд» набыў Скота Паркера за 7 млн фунтаў стэрлінгаў. Гэты пэрыяд стаў для гульца настолькі ўдалым, што з 2008 па 2011 гады Скота тройчы разоў прызнавалі найлепшым гульцом клюбу. Дзякуючы выдатнай гульні ў складзе «малатабойцаў» 31 жніўня 2011 году «Тотэнгэм» набыў гульца за 5,5 млн фунтаў стэрлінгаў.

19 жніўня 2013 году Паркер падпісаў трохгадовы кантракт з «Фулгэмам»[1].

Міжнародная[рэдагаваць | рэдагаваць крыніцу]

Міжнародны дэбют Паркера за нацыянальную зборную Ангельшчыны адбыўся 16 лістапада 2003 году, калі ён зьмяніў на полі на 66-й хвіліне Ўэйна Руні[2].

Дасягненьні[рэдагаваць | рэдагаваць крыніцу]

Чэлсі:

Крыніцы[рэдагаваць | рэдагаваць крыніцу]

  1. ^ Scott Parker Signs. Fulham F.C.
  2. ^ «Scott Parker». Football Association

Вонкавыя спасылкі[рэдагаваць | рэдагаваць крыніцу]

Commons-logo.svg Скот Паркерсховішча мультымэдыйных матэрыялаў