Беларуская дзяржаўная акадэмія музыкі
(Перанакіравана з «Беларуская акадэмія музыкі»)
| Беларуская дзяржаўная акадэмія музыкі | |
| Беларуская дзяржаўная кансерваторыя, Беларуская дзяржаўная кансерваторыя імя А. В. Луначарскага | |
 Травень 2010 г. | |
| Заснаваны | 15 лістапада 1932 (92 гады таму)[1] |
|---|---|
| Тып | Урадавы |
| Рэктар | Кацярына Дулава |
| Дырэктар | Мікалай Алданаў |
| Факультэтаў | 5 |
| Колькасьць студэнтаў | 1082 (2010) |
| Месцазнаходжаньне | |
| Геаграфічныя каардынаты | 53°54′10″ пн. ш. 27°33′27″ у. д. / 53.90278° пн. ш. 27.5575° у. д.Каардынаты: 53°54′10″ пн. ш. 27°33′27″ у. д. / 53.90278° пн. ш. 27.5575° у. д. |
| Горад | Менск |
| Краіна | Беларусь |
| Кампус | гарадзкі |
| Былыя назвы | Беларуская дзяржаўная кансэрваторыя (да 30 ліпеня 1992 г.), Беларуская акадэмія музыкі (да 30 верасьня 1997 г.)[2] |
| Знаходзіцца ў складзе | Міністэрства культуры Рэспублікі Беларусь |
| Вэб-сайт | bgam.by (бел.) (анг.) (рас.) (кіт.) |
| Беларуская дзяржаўная акадэмія музыкі на мапе Беларусі   Беларуская дзяржаўная акадэмія музыкі | |
Белару́ская дзяржа́ўная акадэ́мія му́зыкі (БДАМ) — вышэйшая навучальная ўстанова Менску, заснаваная ў лістападзе 1932 году на аснове Беларускага музычнага тэхнікуму (існаваў з 1924 г.) і Беларускай студыі опэры і балету. Першы выпуск адбыўся ў 1937 годзе. У 1958 г. для патрэбаў ВНУ ўзьвялі будынак (вул. Інтэрнацыянальная, д. 30) паводле праекту архітэктара Рамана Гегарта. З 1963 г. ёсьць асьпірантура. З 1970 г. — асыстэнтура-стажыроўка. У 1947 г. пры акадэміі стварылі музычную школу, якую ў 1992 г. ператварылі ў ліцэй[3], а ў 1997 г. — у гімназію-каледж.
Факультэты
[рэдагаваць | рэдагаваць крыніцу]Акадэмія ладзіць дзённае навучаньне на ступеню бакаляўра цягам 4 гадоў. Магістратура займае год. Асьпірантура і дактарантура — па 3 гады[2]. На 2015 г. акадэмія мела 5 факультэтаў, у тым ліку павышэньня кваліфікацыі і перападрыхтоўкі, 22 катэдры і Магілёўскі філіял (вул. Крыленкі, д. 12; з 1990 г.)[3].
- Аркестравы. Мае 4 катэдры: 1) драўляных духавых інструмэнтаў, 2) камэрнага ансамблю, 3) медных духавых і ўдарных інструмэнтаў, 4) струнных смычковых інструмэнтаў. Выпускае музыкаў і дырыгентаў аркестраў.
- Вакальна-харавы. Мае 3 катэдры: 1) опэрнай падрыхтоўкі і харэаграфіі, 2) сьпеваў, 3) харавога дырыгаваньня. Рыхтуе артыстаў балету, балетмайстраў, сьпевакоў, харавых дырыгентаў і харэографаў.
- Народных інструмэнтаў. Мае 2 катэдры: 1) баяна і акардэона, 2) струнных народных шчыпкова-ўдарных інструмэнтаў. Рыхтуе дырыгентаў і музыкаў.
- Фартэпіянны і кампазытарска-музыказнаўчы. Мае 7 катэдраў: 1) беларускай музыкі, 2) гісторыі музыкі, 3) кампазыцыі, 4) канцэртмайстарскага майстэрства, 5) спэцыяльнага фартэпіяна, 6) тэорыі музыкі, 7) фартэпіяна. Рыхтуе кампазытараў, канцэртмайстраў, музыказнаўцаў і піяністаў.
- Магілёўскі філіял (да 2011 г. — пэдагагічны факультэт). Мае 2 катэдры: 1) народных інструмэнтаў, 2) харавога дырыгаваньня і інструмэнтальнага выканальніцтва. Вядзе падрыхтоўку акардэаністаў (у тым ліку граньню на баяне), барабаньнікаў, піяністаў, скрыпачоў (у тым ліку граньню на альце і віялянчэлі), флейтыстаў (у тым ліку граньню на габоі, клярнэце, саксафоне, трамбоне і трубе), харавых дырыгентаў, цымбалістаў (у тым ліку граньню на балалайцы і домры).
Рэктары
[рэдагаваць | рэдагаваць крыніцу]- М. Казакоў (1932—1933)
- Я. Прыс (1933—1934)
- К. Багушэвіч (1934—1936)
- О. Гантман[4] (1937—1938)
- Міхаіл Бэргэр (1938—1941)
- Мікалай Аладаў (1944—1948)
- Анатоль Багатыроў (1948—1962)
- Уладзімер Алоўнікаў (1962—1982)
- Ігар Лучанок (1982—1985)
- Міхаіл Казінец[3] (1985—2005)
- Аляксандар Рашчупкін (2005—2010)
- Кацярына Дулава (з 2010 г.)
Выпускнікі
[рэдагаваць | рэдагаваць крыніцу]- Леў Абеліёвіч (1912—1985; вып. 1941) — кампазытар, заслужаны дзяяч мастацтваў Беларусі (1963)
- Восіп Абраміс (1918—1984; вып. 1941) — дырыгент, заслужаны дзяяч мастацтваў Беларусі (1964)
- Андрэй Бандарэнка (нар. 1955; вып. 1981) — кампазытар, аўтар опэры «Князь Наваградзкі» (1992)
- Зінові Бабій (1935—1984; вып. 1981) — опэрны сьпявак, народны артыст Беларусі (1964)
- Генрых Вагнэр (1922—2000; вып. 1948) — кампазытар і піяніст, народны артыст Беларусі (1988)
- Мікалай Ворвулеў (1917—1967; вып. 1954) — опэрны сьпявак, народны артыст СССР (1956)
- Галіна Гарэлава (нар. 1951; вып. 1977) — кампазытарка, заслужаная дзяячка мастацтваў Беларусі
- Леў Гарэлік (1929—1996; вып. 1952) — скрыпач, народны артыст Беларусі (1980)
- Яўген Глебаў (1929—2000; вып. 1956) — дырыгент і кампазытар, народны артыст СССР (1984)
- Валер Глушакоў (нар. 1926; вып. 1956) — опэрны сьпявак, народны артыст Беларусі (1964)
- Міхаіл Дрынеўскі (1942—2020; вып. 1968) — харавы дырыгент, народны артыст Беларусі (1987)
- Міхаіл Зюванаў (1906—1977; вып. 1951) — опэрны сьпявак, народны артыст Беларусі (1954)
- Сяргей Картэс (1935—2016; вып. 1962) — кампазытар, заслужаны дзяяч мастацтваў Беларусі (1980)
- Зьміцер Лукас (1911—1979; вып. 1941) — кампазытар, заслужаны дзяяч мастацтваў Беларусі (1955)
- Андрэй Мдывані (1937—2021; вып. 1969) — дырыгент і кампазытар, народны артыст Беларусі (2013)
- Пётар Падкавыраў (1910—1977; вып. 1937) — кампазытар, заслужаны дзяяч мастацтваў Беларусі (1957)
- Ядзьвіга Паплаўская (нар. 1949; вып. 1972) — сьпявачка гурта «Верасы», заслужаная артыстка Беларусі (1991)
- Натальля Руднева (нар. 1951; вып. 1981) — дырыгент і кампазытар, народная артыстка Беларусі (1999)
- Юры Семяняка (1925—1990; вып. 1957) — кампазытар, народны артыст Беларусі (1974)
- Зьміцер Смольскі (нар. 1937; вып. 1960) — кампазытар, народны артыст Беларусі (1987)
- Сяргей Франкоўскі (нар. 1962; вып. 1995) — опэрны сьпявак, народны артыст Беларусі (2009)
- Людміла Шлег (нар. 1948; вып. 1972) — кампазытарка, аўтарка опэры «Калядкі» (1975)
- Ірына Шыкунова[3] (1940—2020; вып. 1964) — опэрная сьпявачка, народная артыстка Беларусі (1980)
Выкладнікі
[рэдагаваць | рэдагаваць крыніцу]- Ігар Алоўнікаў (нар. 1954) — арганіст і піяніст, народны артыст Беларусі
- Яўген Віцінг (1884—1959) — опэрны сьпявак, заслужаны дзяяч мастацтваў Беларусі (1955)
- Язэп Жыновіч (1907—1974) — дырыгент, кампазытар і цымбаліст, народны артыст СССР (1968)
- Васіль Залатароў (1872—1964) — кампазытар, народны артыст Беларусі (1949)
- Ганна Зелянкова (1923—2010) — харавая дырыгентка, заслужаная дзяячка мастацтваў Беларусі (1995)
- Леанід Іваноў (1940—2009) — дырыгент, народны артыст Беларусі (2008)[5]
- Тамара Ніжнікава (1925—2018) — опэрная сьпявачка, народная артыстка СССР (1964)
- Віктар Роўда (1921—2007) — харавы дырыгент, народны артыст СССР (1990)
- Віктар Скорабагатаў (нар. 1951) — опэрны сьпявак, заслужаны артыст Беларусі (1982)
- Уладзімер Солтан[3] (1953—1997) — кампазытар, аўтар опэры «Дзікае паляваньне караля Стаха» (1988)
Крыніцы
[рэдагаваць | рэдагаваць крыніцу]- ^ 81 год Беларускай дзяржаўнай кансэрваторыі // Газэта «Турызм і адпачынак», 14 лістапада 2013 г. Праверана 10 жніўня 2015 г.
- ^ а б Статут установы адукацыі Праверана 4 студзеня 2022 г.
- ^ а б в г д Калерыя Сьцепанцэвіч. Беларуская акадэмія музыкі // Беларуская энцыкляпэдыя ў 18 тамах / гал.рэд. Генадзь Пашкоў. — Менск: Беларуская энцыкляпэдыя імя Петруся Броўкі, 1996. — Т. 2. — С. 403-404. — 480 с. — 10 000 ас. — ISBN 985-11-0061-7
- ^ http://repository.buk.by/bitstream/handle/123456789/19513/Mastackaya%20adukacyya%20%D1%9E%20Belarus%D1%96.pdf?sequence=1&isAllowed=y(недаступная спасылка)
- ^ Іваноў Леанід Леанідавіч // Магілёўская абласная бібліятэка, 2009 г. Праверана 10 жніўня 2015 г.
Вонкавыя спасылкі
[рэдагаваць | рэдагаваць крыніцу]
|
Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр 713Г000040 |
- Беларуская дзяржаўная акадэмія музыкі (Менск) // Цэнтральная навуковая бібліятэка імя Якуба Коласа, 2014 г. Праверана 10 жніўня 2015 г.
- Гімназія-каледж (рас.)
 |
Гэта — накід артыкула пра вышэйшую навучальную ўстанову. Вы можаце дапамагчы Вікіпэдыі, пашырыўшы яго. |