Беларускі дзяржаўны ўнівэрсытэт інфарматыкі і радыёэлектронікі
| БДУІР | |
| афіц. Беларускі дзяржаўны ўніверсітэт інфарматыкі і радыёэлектронікі | |
.jpg) Галоўны корпус (2020 год) | |
| Дэвіз | БДУІР — веды і стыль жыцьця |
|---|---|
| Заснаваны | 15 сакавіка 1964 (56 гадоў таму) |
| Тып | урадавы |
| Рэктар | Вадзім Богуш |
| Факультэтаў | 10 |
| Колькасьць студэнтаў | больш за 16 000[1] |
| Месцазнаходжаньне | |
| Горад | Менск |
| Краіна | Беларусь |
| Кампус | гарадзкі |
| Былыя назвы | Менскі радыётэхнічны інстытут (да 16 лістапада 1993 году) |
| Знаходзіцца ў складзе | Міністэрства адукацыі Рэспублікі Беларусь |
| Вэб-сайт | bsuir.by/bel |
Белару́скі дзяржа́ўны ўнівэрсытэ́т інфарма́тыкі і радыёэлектро́нікі — вышэйшая навучальная ўстанова Беларусі, заснаваная ў сакавіку 1965 году ў якасьці Менскага радыётэхнічнага інстытуту.
На 2020 год месьціўся ў Савецкім раёне Менску па вуліцы Петруся Броўкі, д. 6[2].
Мінуўшчына[рэдагаваць | рэдагаваць крыніцу]
27 лютага 1964 году Савет міністраў Беларускай ССР зацьвердзіў Пастанову № 78, паводле якой 15 сакавіка 1965 году адчынілі Менскі радыётэхнічны інстытут (МРТІ). 16 лістапада 1993 году Савет міністраў Рэспублікі Беларусь ухваліў Пастанову № 786, паводле якой перайменаваў МРТІ ў Беларускі дзяржаўны ўніверсітэт інфарматыкі і радыёэлектронікі (БДУІР)[3].
Дзейнасьць[рэдагаваць | рэдагаваць крыніцу]
У цяперашні час унівэрсытэт рыхтуе інжынэрныя кадры па двух кірунках адукацыі, 36 спэцыяльнасьцях[1] і 25 спэцыялізацыях у вобласьці вылічальнай тэхнікі, праграмнага забесьпячэньня інфармацыйных тэхналёгій, інфарматыкі, інфармацыйнага забесьпячэньня аўтаматызаваных сыстэм, штучнага інтэлекту, аўтаматычнага кіраваньня, радыётэхнікі, радыёэлектронных сыстэм, мікраэлектронікі, тэлекамунікацыяў, праектаваньня радыёэлектронных і электронна-вылічальных сродкаў, электроннага апаратабудаваньня, мэдыцынскай электронікі, тэхнічных сродкаў бясьпекі, мэтралёгіі, стандартызацыі і сэртыфікацыі, эканомікі. На 10 факультэтах і 35 катэдрах па дзённай, вячэрняй, завочнай і дыстанцыйнай формах навучаньня займаецца больш за 15 тысячаў студэнтаў, у тым ліку каля 350 — з краінаў далёкага і блізкага замежжа. У 2001 г. адчынена магістратура, заразь вядзецца падрыхтоўка магістраў па 27 спэцыяльнасьцях БДУІР. Падрыхтоўка навуковых кадраў вышэйшай кваліфікацыі для рэспублікі і іншых краінаў праводзіцца ў асьпірантуры і дактарантуры. Працуюць шэсьць доктарскіх саветаў па абароне дысэртацыяў, якія ахопліваюць 13 тэхнічных і 2 фізыка-матэматычныя спэцыяльнасьці.
Факультэты і іншыя падразьдзяленьні[рэдагаваць | рэдагаваць крыніцу]
- Факультэт кампьютарнага праектаваньня (ФКП)
- Факультэт інфармацыйных тэхналёгіяў і кіраваньня (ФІТК)
- Факультэт радыётэхнікі і электронікі (ФРЭ)
- Факультэт кампутарных сыстэмаў і сетак (ФКСіС)
- Факультэт інфакамунікацыяў (ФІК), да 2017 году — Факультэт тэлекамунікацыяў (ФТК)
- Інжынэрна-эканамічны факультэт (ІЭФ)
- Факультэт завочнага навучаньня (ФЗН)
- Факультэт бесьперапыннага і дыстанцыйнага навучаньня (ФБіДН)
- Факультэт даўнівэрсытэцкай падрыхтоўкі і прафэсійнай арыентацыі (ФДПіПА)
- Ваенны факультэт (ВФ)
- Інстытут павышэньня кваліфікацыі і перападрыхтоўкі кадраў «Інстытут інфармацыйных тэхналёгіяў» (ІІТ БДУІР)
- ДУА «Ліцэй №1 г. Мінска» пры БДУІР
Выкладчыкі[рэдагаваць | рэдагаваць крыніцу]
- Уладзімер Лемяшонак — беларускі гісторык, доктар гістарычных навук, прафэсар
Крыніцы[рэдагаваць | рэдагаваць крыніцу]
- ^ а б БГУИР — это…
- ^ Кантактная інфармацыя // Беларускі дзяржаўны ўнівэрсытэт інфарматыкі і радыёэлектронікі, 2020 г. Праверана 3 сакавіка 2020 г.
- ^ Гісторыя // Беларускі дзяржаўны ўнівэрсытэт інфарматыкі і радыёэлектронікі, 2020 г. Праверана 3 сакавіка 2020 г.
Вонкавыя спасылкі[рэдагаваць | рэдагаваць крыніцу]
Беларускі дзяржаўны ўнівэрсытэт інфарматыкі і радыёэлектронікі — сховішча мультымэдыйных матэрыялаў
- Электронны зварот // Беларускі дзяржаўны ўнівэрсытэт інфарматыкі і радыёэлектронікі, 2020 г. Праверана 3 сакавіка 2020 г.