27 лістапада

27 лістапа́да — 332-і дзень году (331-ы ў невысакосным годзе) паводле Грыгарыянскага календару. Да канца году застаецца 35 дзён.

Падзеі

• 1582 — 18-гадовы Ўільям Шэксьпір ажаніўся з 26-гадовай Ганьне Хэтвэй
• 1654 — расейскія войскі захапілі Віцебск
• 1815 — зацьверджаная Канстытуцыя Каралеўства Польскага
• 1859 — у Менску адкрытая паштова-тэлеграфная станцыя
• 1983 — Калюмбійскі Боінг 747 разьбіўся каля мадрыдскага аэрапорта Барахас, загінула 183 чалавекі
• 1989 — Вярхоўны Савет СССР санкцыянуе права на эканамічнае самавызначэньне Летувы, Латвіі і Эстоніі
• 1996 — у выніку рэфэрэндуму спыненая дзейнасьць Вярхоўнага Савету Рэспублікі Беларусь
• 2000 — Сэрбія і Чарнагорыя ўступілі ў АБСЭ

Нараджэньні

• 1127 — Сяоцун, кітайскі імпэратар
• 1380 — Фэрдынанд I, кароль Арагоніі
• 1654 — Фрыдрых Рудольф Людвіг фон Канітц, дыплямат і нямецкі пісьменьнік
• 1669 — Караль Станіслаў Радзівіл, канцлер вялікі літоўскі
• 1701 — Андэрс Цэльсіюс, швэдзкі астраном
• 1715 — Філіп дэ Наіль, францускі маршал
• 1759 — Франц Кромэр, чэскі кампазытар
• 1765 — Гюнтэр Хайнрых фон Бэрг, нямецкі палітык і пісьменьнік
• 1874 — Хаім Вайцман, першы прэзыдэнт Ізраілю, народжаны ў Беларусі
• 1890 — Юзаф Альшына-Вільчынскі, польскі вайсковец
• 1900 — Вячаслаў Лаўскі, беларускі грамадзка-палітычны дзяяч
• 1903 — Піліп Пестрак, беларускі паэт, празаік, публіцыст, крытык
• 1921 — Уладзімер Тарасевіч, каталіцкі сьвятар-бэнэдыктынец, біскуп, доктар багаслоўя, доктар тэалёгіі
• 1940 — Брус Лі (Лі Юны Фан), кінаакцёр, майстар усходніх адзінаборстваў
• 1947 — Эдуард Белагураў, беларускі мастак
• 1947 — Анатоль Цітоў, беларускі гісторык, геральдык, сфрагіст
• 1960 — Юлія Цімашэнка, украінскі палітык
• 1961 — Кацярына Андрэева, расейская тэлевядучая
• 1981 — Мэт’ю Тэйлар, ангельскі футбаліст

Сьмерці

• 1592 — Ёган III, швэдзкі кароль з 1568 году
• 1895 — Аляксандар Дзюма, францускі пісьменьнік
• 1932 — Дамінік Сямашка, беларускі й летувіскі грамадзка-палітычны дзяяч
• 1938 — Сымон Рак-Міхайлоўскі, беларускі публіцыст, рэдактар, паэт, грамадзка-палітычны дзяяч
• 1944 — Леанід Мандэльштам, савецкі фізык, акадэмік АН СССР

Сьвяты

• Беларусь — Дзень герояў. У 1920 годзе Першы Слуцкі полк Беларускай Народнай Рэспублікі ўступіў у бой з бальшавікамі за незалежнасьць Беларусі
• У Беларусі традыцыйна ўшаноўвалі двух сьвятых — Юстыніяна і Піліпа. Юстыніяна лічылі збаўцам ад бясплоднасьці. Таму на абразах ён намаляваны зь дзіцём на руках. Такія абразы заўсёды былі ў дамах бязьдзетных гаспадароў. Што да Піліпа, дык лічылася, што ён — «дзеці адзявае»
• Міжнародны «дзень без пакупак»