Анатоль Цітоў

Гэтая назва мае некалькі сэнсаў. Калі вас цікавяць іншыя сэнсы, глядзіце Цітоў.

Анатоль Цітоў лац. Anatol Citoŭ
Дата нараджэньня	27 лістапада 1947(1947-11-27)
Месца нараджэньня	Дрэздэн, Савецкая зона акупацыі Нямеччыны[d], Нямеччына ў 1945—1949 гадах[d], Нямеччына
Дата сьмерці	5 студзеня 2021(2021-01-05) (73 гады)
Месца сьмерці	Менск, Беларусь
Месца пахаваньня	Чыжоўскія могілкі[d]
Месца вучобы	гістарычны факультэт БДУ (1975)
Занятак	геральдыст, гісторык
Навуковая сфэра	геральдыка, сфрагістыка і гісторыя
Месца працы	Беларускі дзяржаўны ўнівэрсытэт культуры і мастацтваў БДУ Беларускі навукова-дасьледчы інстытут дакумэнтазнаўства і архіўнай справы Міжнародны гуманітарна-эканамічны інстытут[d] Нацыянальны гістарычны архіў Беларусі
Сябра ў	Саюз беларускіх пісьменьнікаў і Усерасійскае геральдычнае таварыства[d]

Анатоль Кірылавіч Цітоў (27 лістапада 1947, Дрэздэн, Нямеччына — 5 студзеня 2021, Менск) — беларускі гісторык, геральдык, сфрагіст. Сябра геральдычных таварыстваў Украіны, Польшчы, ганаровы сябра Ўсерасейскага геральдычнага таварыства. Сябра Саюзу беларускіх пісьменьнікаў (2003).

Біяграфія

Скончыў Беларускі дзяржаўны ўнівэрсытэт (1975 год). З 1975 году працаваў навуковым супрацоўнікам, старэйшым палеографам Цэнтральнага дзяржаўнага гістарычнага архіву ў Менску. З 1983 году выкладаў у Менскім інстытуце культуры, з 1994 году працаваў старэйшым навуковым супрацоўнікам Беларускага навуковага-дасьледчага інстытуту справаводзтва і архіўнай справы.

У 1989—2002 гадох выкладаў у Гуманітарна-эканамічным унівэрсытэце і ў Беларускім дзяржаўным унівэрсытэце.

У пачатку 1990-х гадоў уваходзіў у камісію парлямэнту Беларусі, якая распрацавала эталён беларускага дзяржаўнага Бел-чырвона-белага сьцяга.

Спачыў у Менску на Чыжоўскіх могілках.

Навуковая дзейнасьць

Аўтар шматлікіх кніг, навуковых працаў з геральдыкі, генэалёгіі, гісторыі рамёстваў, гістарычнай геаграфіі.

• Гарадская геральдыка Беларусі. Менск, 1989;
• Наш сімвал — Пагоня. Менск, 1993;
• Пячаткі старажытнай Беларусі. Менск, 1993;
• Вольныя беларускія месты. Менск, 1996;
• Геральдыка беларускіх местаў (XVI — пачатак XX ст.). Менск, 1998;
• Сфрагістыка і геральдыка Беларусі. Менск, 1999;
• Менск — места майстроў: Рамесныя цэхі XVI—XVIII стст. Менск, 2002;
• Геральдыка Беларусі. Менск, 2010.

Літаратура

• Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0
• Марозаў С. Сучасныя беларускія даследчыкі гісторыі Вялікага Княства Літоўскага: біябібліяграфічны даведнік. — Горадня — Каўнас: ЮрСаПрынт, 2022. — 290 с. — ISBN 978-985-7257-57-7, ISBN 978-609-96340-1-2.

Вонкавыя спасылкі

• Анатоль Цітоў: «У мяне ў генах закладзенае імкненьне да веданьня мінулага», Радыё Свабода, 15 траўня 2007 г.