Ньюкасл Юнайтэд

Ньюкасл Юнайтэд
Файл:Newcastle United.png
Поўная назва	Newcastle United Football Club
Заснаваны	22 сьнежня 1892
Горад	Ньюкасл-эпон-Тайн, Ангельшчына
Стадыён	Сэнт-Джэймз Парк Умяшчальнасьць: 52 409
Прэзыдэнт	Дэрэк Ламбіяс
Галоўны трэнэр	Элан Пард’ю
Чэмпіянат	Прэм’ер-Ліга
· 2011—2012	5 месца
Хатнія колеры Выязныя колеры
Галерэя здымкаў у Вікісховішчы Афіцыйны сайт

«Ньюка́сл Юна́йтэд» (па-ангельску: Newcastle United Football Club — «Аб’яднаны футбольны клюб Ньюкаслу») — прафэсійны ангельскі футбольны клюб з гораду Ньюкасл-эпон-Тайн, на паўночным усходзе Ангельшчыны. Заснаваны ў 1892 годзе. Выступае ў ангельскай Прэм’ер-Лізе. Чатырохразовы чэмпіён Ангельшчыны, шасьціразовы ўладальнік Кубка Ангельшчыны. Хатні стадыён «Юнайтэд», «Сэнт-Джэймз Парк», быў адчынены ў 1880 годзе. Ён уваходзіць у чацьвёрку найбуйнейшых футбольных стадыёнаў у Ангельшчыне й умяшчае каля 52 тысячаў балельшчыкаў.

Клюб мае сталага суперніка «Сандэрлэнд»,дэрбі зь якім мае назоў Тайр-Ўірскае дэрбі і праводзіцца з 1898 году. Традыцыйнымі колерамі клюба ёсьць чорна-белыя паласатыя кашулі, чорныя трусы й чорныя шкарпэткі. Іхная традыцыйная эмблема мае элемэнты гарадзкога гербу, які ўключае ў сябе двух марскіх канькоў.

Сымболіка

Эмблема

Бягучая эмблема «Ньюкасл Юнайтэд» была ўпершыню выкарыстана ў сэзоне 1888—1889 гадоў. Ейны дызайн заснаваны на гербе горада, які знаходзіўся ў звароце яшчэ з XIV стагодзьдзя й быў афіцыйна прыняты ў 1954 годзе. Як на гербе Ньюкасла, гэтак і на эмблеме мясцовага клюба намаляваныя два гіпакампуса, якія «адлюстроўваюць моцную ўзаемасувязь Тайнсайда з морам». У арыгінальным гербе горада «мітычныя марскія канькі» таксама выступаюць як захавальнікі замка Ньюкасла. Матыў гэтага замка знайшоў адлюстраваньне й у эмблеме «сарокаў» — у выглядзе вежы, якая сыбалізуе самы раньні пэрыяд у гісторыі горада. Залаты леў на вяршыні гэтай вежы таксама прысутнічае на абодвух геральдычных знаках. Але калі на гербе Ньюкасла леў трымае вымпел з крыжам Сьвятога Георгія на традыцыйным белым фоне, то для эмблемы футбольнага клюба гэты фон быў трансфармаваны ў блакітны. Поўнае зьмяненьне зьведаў і шчыт — цэнтральны элемэнт эмблемы, чыё першапачатковае напаўненьне замянілі чорна-белыя палосы з хатняй формы «Ньюкасла».

У якасьці першай эмблемы, якую калі-небудзь выкарыстаў клюб, выступіў той жа герб Ньюкасла-апон-Тайну: ён зьявіўся на кашулях у фінале Кубка Ангельшчыны 1920 году, а таксама на некалькіх гульнях Лігі ў наступным сэзоне. Працягваючы ўзьнікаць на ўсіх кубкавых фіналах, герб больш не выкарыстоўваўся ва ўнутраным першынстве аж да 1969 году, калі ў некалькі зьмененым выглядзе стаў неад’емным атрыбутам формы «Ньюкасла».

Трафэі

• Чэмпіён Ангельшчыны: 4
  • 1905, 1907, 1909, 1927

• Кубак Ангельшчыны: 6
  • 1910, 1924, 1932, 1951, 1952, 1955

• Кубак УЭФА: 1
  • 1969

• Кубак Інтэртота: 1
  • 2006

Актуальны склад

Па стане на 13 ліпеня 2012 году

№ Пазыцыя Імя Год нараджэньня 1 Бр Тым Круль 1988 2 Аб Фабрыцыё Калячыні 1982 3 Аб Давыдэ Сантон 1991 4 ПА Яан Кабай 1986 5 Аб Дэні Сымпсан 1987 6 Аб Майк Ўільямсан 1983 8 ПА Вурнон Аніта 1989 9 Нап Папіс Сысэ 1985 10 ПА Атэм Бэн Арфа 1987 14 Аб Джэймз Пэрч 1985 15 ПА Дэн Госьлінг 1990 16 Аб Раян Тэйлар 1984 17 ПА Рамэн Амальфітано 1989 18 ПА Хонас Гут’ерэс 1983 19 Нап Дэмба Ба 1985

№ Пазыцыя Імя Год нараджэньня 20 ПА Гаэль Бігірымана 1993 21 Бр Роб Эліёт 1986 22 ПА Сыльвэн Марво 1986 23 Нап Шола Амэобі 1981 24 ПА Шэйк Тыятэ 1986 25 ПА Габрыель Абэртан 1989 27 Аб Стывэн Тэйлар 1986 28 Нап Сэмі Амэобі 1992 29 ПА Гарыс Вучкіч 1992 31 Аб Шэйн Фэрг’юсан 1991 33 Аб Кэртыс Гуд 1993 34 Аб Джэймз Тавэрнір 1991 37 Бр Стыў Гарпэр 1975 52 Нап Эдам Кэмпбэл 1995

Вонкавыя спасылкі

Ньюкасл Юнайтэд — сховішча мультымэдыйных матэрыялаў

• Афіцыйны сайт клюбу
• Неафіцыйны сайт «Ньюкасл Юнайтэд ФК» (рас.)