Шэфілд Юнайтэд

	Шэфілд Юнайтэд
Поўная назва	па-ангельску: Sheffield United Football Club
Заснаваны	22 сакавіка 1889
Горад	Шэфілд, Ангельшчына
Стадыён	Брэмал-Лэйн; Умяшчальнасьць: 32 702
Прэзыдэнт	Мусаад бін Халід аль-Сауд[d]
Кіраўнік	Абдула бін Мусаэд бін Абдулазіз аль-Сауд[d]
Галоўны трэнэр	Крыс Ўайлдэр[d];
Чэмпіянат	Прэм’ер-Ліга
· 2022—2023	Футбольная ліга, 2 месца (падвышэньне)
	Галерэя здымкаў у Вікісховішчы; sufc.co.uk (анг.)

«Шэ́філд Юна́йтэд» (па-ангельску: Sheffield United) — ангельскі футбольны клюб з гораду Шэфілду, Паўднёвы Ёркшыр. Заснаваны ў 1889 годзе як адгалінаваньне Шэфілдзкага клюбу па крыкеце. Чэмпіён Ангельшчыны (1898), чатырохразовы ўладальнік Кубка Ангельшчыны (1899, 1902, 1915, 1925). Свае хатнія матчы клюб праводзіць з моманту свайго заснаваньня на стадыёне «Брэмал-Лэйн», які мае ўмяшчальнасьць 32702 чалавек. Большую частку сваёй гісторыі клюб гуляе ў чырвона-белых паласатых кашулях з чорнымі шортамі. Галоўным супернікам клюбу зьяўляецца «Шэфілд Ўэнздэй», супрацьстаяньне зь якім мае назоў Дэрбі сталёвага гораду.

З моманту свайго стварэньня клюб прайшоў праз чатыры ўзроўня футбольных лігаў Ангельшчыны. Таксама, «Шэфілд Юнайтэд» ёсьць адным з клюбаў, які атрымлімаў перамогу ўва ўсіх чатырох вышэйшых дывізіёнах Ангельшчыны. Клюб быў адным з заснавальнікам Прэм’ер-Лігі ў сэзоне 1992—1993 гадоў, а таксама менавіта «Шэфілд Юнайтэд» забіў першы гол навастворанага турніру. Гулец клюбу Браян Дын стаў аўтарам першага голу Прэм’ер-Лігі ў хатнім пераможным матчы супраць «Манчэстэр Юнайтэд», які скончыўся зь лікам 2:1.

Гісторыя[рэдагаваць | рэдагаваць крыніцу]

Клюб быў утвораны сябрамі крыкетнага клюбу «Шэфілд Юнайтэд», які ў сваю чарну быў закладзены ў 1854 годзе. Гэта першы ангельскім спартовы клюб, які скарыстаў слова «Юнайтэд» у сваім назове. Залатым часам клюб быў пэрыяд з 1895 па 1925 гады, калі яны сталі чэмпіёнамі Ангельшчыны ў 1898 годзе, а таксама двойчы спыняліся на другім месцы ў 1897 і 1900 гадах. У дадатак, шэфілдцы здабылі перамогі ў Кубку Ангельшчыны ў 1899, 1902, 1915 і 1925 гадах. У далейшым посьпехаў клюбу бракавала, бо клюб некалькі разоў апусьціўся ў другі дывізіён, але вяртаўся да элітнага дывізіёну. У 1947 годзе «Шэфілд Юнайтэд» фінішаваў на шостым месцы, але праз два гады страціў месца ў Першым дывізіёне. У 1962 годзе адразу пасьля чарговага вяртаньня з Другога дывізіёну каманда спынілася на 5 месцы. У розыгрышы Кубкаў Ангельшчыны і лігі дружына некалькі разоў дасягала чвэрцьфіналу, а ў 1961 годзе дакрочыла да паўфіналу^[1].

Цёмныя часы надыйшлі ў сярэдзіне 1970-х гадоў. «Шэфілд Юнайтэд» чарговы раз страціў месца ў Першым дывізіёне, але праз тры гады праз кепскія вынікі нават апусьціліся ў Трэці дывізіён. У 1981 годзе клюб нават страціў месца і тамака, вылецеўшы ў Чацьверты дывізіён у 1981 годзе. Аднак, такі стан рэчаў доўга не цягнуўся, ужо адразу ў сэзоне 1981—1982 гадоў шэфілды вярнуліся ў Трэці дывізіён.

У 2013 годзе частку правоў на клюб набылі прадстаўнікі саудаўскай каралеўскай сям’і.

Склад[рэдагаваць | рэдагаваць крыніцу]

Актуальны на 11 лютага 2024 году

№	Пазыцыя	Імя	Год нараджэньня
1	Бр	Адам Дэйвіс	1992
2	Аб	Джордж Балдак	1993
3	Аб	Макс Лоў	1997
5	Аб	Остан Трасьці	1998
6	Аб	Крыс Бэшам	1988
7	Нап	Рыян Брустэр	2000
8	ПА	Густава Гамэр	1997
9	Нап	Олівэр Макбэрні	1996
10	Нап	Кэмэран Арчэр	2001
11	Нап	Бэн Брэрэтан (ар. Вільярэал)	1999
12	Аб	Джон Іган	1992
13	Бр	Іва Грбіч	1996
15	Аб	Анэль Агмэдгоджыч	1999
16	ПА	Олівэр Норўуд	1991
18	Бр	Ўэс Фодэрынггэм	1991

№	Пазыцыя	Імя	Год нараджэньня
19	Аб	Джэк Робінсан	1993
20	Аб	Джэйдэн Богл	2000
21	ПА	Вінісіюс Соўза	1999
22	ПА	Том Дэвіс	1998
23	ПА	Бэн Осбарн	1994
25	ПА	Аніс Бэн Сьлімані	2001
27	Аб	Ясэр Лярусі (ар. Труа)	2001
28	ПА	Джэймз Макаці (ар. Ман. Сіці)	2002
30	Аб	Мэйсан Голгейт (ар. Эвэртан)	1996
32	Нап	Вільям Осуля	2003
33	Аб	Рыс Норынгтан-Дэйвіс	1999
34	Нап	Луі Марш	2003
35	ПА	Андрэ Брукс	2003
36	Нап	Дэніел Джэбісан	2003
37	Бр	Ёрдан Аміса	2001