Microsoft

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Microsoft
Microsoft logo (2012).svg
Тып Публічная кампанія
Лістынг на біржы NASDAQ: MSFT
Дэвіз Your potential. Our passion.[1]
Заснаваная 4 красавіка 1975 (42 гады таму)
Заснавальнікі Біл Гейтс
Пол Ален
Разьмяшчэньне Рэдманд, штат Вашынгтон (ЗША)
Ключавыя фігуры Джон Томпсан(en), Сат’я Надэла(en)
Галіна праграмнае забесьпячэньне,
тэлебачаньне,
відэагульні
Прадукцыя Microsoft Windows,
Microsoft Office,
Xbox, Xbox 360
Абарачэньне Green Arrow Up Darker.svg$86,833 млрд (2014)[2]
Апэрацыйны прыбытак Green Arrow Up Darker.svg$27,759 млрд
Чысты прыбытак Green Arrow Up Darker.svg$22,074 млрд
Лік супрацоўнікаў 118 584 (2015)
Даччыныя кампаніі Скайп
Аўдытар «Дэлойт»(en) (Нью-Ёрк, ЗША)
Афіцыйны сайт www.microsoft.com
Microsoft

Microsoft Corporation (бел. Ма́йкрасофт, памылкова трансьліт. «Мікрасо́фт») — амэрыканская транснацыянальная кампанія па вытворчасьці апраграмаваньня для пэрсанальных кампутараў, ігравых прыставак, КПК і мабільных тэлефонаў, заснаваная ў 1975 годзе. Таксама вырабляе некаторыя аксэсуары для персанальных кампутараў (клавіятуры, мышы і г. д.). Кампанія публічнага тыпу, яе акцыі можна набыць на біржы NASDAQ: MSFT. Штаб-кватэра кампаніі знаходзіцца ў Рэдмандзе (прадмесьце Сіетлу), штат Вашынгтон.

Разьмяшчэньне[рэдагаваць | рэдагаваць крыніцу]

На 21 ліпеня 2015 г. «Майкрасофт» наймаў 117 354 супрацоўнікаў, у тым ліку 59 853 (51%) у ЗША. У штаце Вашынгтон (ЗША), дзе месьцілася галаўная сядзіба, прадпрыемства мела 42 225 супрацоўнікаў (71% ад нанятых у ЗША). Ва ўласнасьці знаходзіліся 138 аб'ектаў нерухомасьці агульнай плошчай 2,024 млн м² (202,4 га), у тым ліку 104 (66% агульнай плошчы) у ЗША. На 31 сьнежня 2014 г. налічвалася 4 галіновыя сядзібы: Сынгапур (дастаўка), Рына (акруга Ўошу(en), штат Нэвада, ЗША; ліцэнзаваньне), Умакао(en) (тэрыторыя Пуэрта-Рыка, ЗША; вытворчасьць) і Дублін (Ірляндыя; вытворчасьць і дастаўка). Агулам «Майкрасофт» меў 850 сядзібаў у 113 краінах, у тым ліку з 2 лютага 2010 году ў Беларусі (ТАА «Майкрасофт Софтвэр Бел»; Менск, зав. 1-ы Загарадны, д. 20)[3]. За межамі ЗША знаходзіліся 452 сядзібы (56%)[4].

Гісторыя[рэдагаваць | рэдагаваць крыніцу]

Заснаваная ў 1975 годзе ў Альбукерке (штат Нью-Мэксыка) Білам Гейтсам і Полам Аленам, у той час — студэнтамі. Назоў кампаніі — скарачэнне ад MICROcomputer SOFTware (праграмнае забесьпячэньне для мікракампутараў). 1 студзеня 1979 году «Майкрасофт» пераехаў у Бэльвю(en) (акруга Кінг(en), штат Вашынгтон, ЗША). 25 чэрвеня 1981 году прадпрыемства набыло правамоцнасьць юрыдычнай асобы. 12 жніўня IBM (Норт Касл(en), Ўэстчэстэрская акруга(en), штат Нью-Ёрк) выпусьціў 1-ы пэрсанальны кампутар (IBM PC) з 16-бітнай апэрацыйнай сыстэмай (АС) MS-DOS ад «Майкрасофт». 26 лютага 1986 г. галаўную сядзібу перамясьцілі ў Рэдманд (штат Вашынгтон, ЗША). 13 сакавіка адбылося першаснае разьмяшчэньне акцыяў на фондавай біржы Нацыянальнага аб’яднаньня парукаў і дылераў аўтаматызаваных катыровак (НАПДАК; анг. NASDAQ) па кошце $21 за акцыю. 1 жніўня 1989 году выйшаў Microsoft Office пад АС Mac OS. 22 траўня 1990 году выпусьцілі АС Windows 3.x. З 1994 году «Майкрасофт» пачаў штогод набываць ад 2 (2003 г.) да 12 (2015 г.) прадпрыемстваў[5]. 24 жніўня 1995 году выпусьцілі Windows 95. 25 чэрвеня 1998 году — Windows 98[4].

13 студзеня 2000 году пасаду кіраўніка «Майкрасофт» заняў Стыў Балмэр, які па кудзелі паходзіў зь Беларусі. 17 лютага выйшла АС Windows 2000. 25 кастрычніка 2001 году — Windows XP, якая ўпершыню займела беларускі саматужны пераклад інтэрфэйсу 3 лістапада 2010 году. 15 лістапада выпусьцілі гульнявую прыстаўку Xbox(en) (бел. Іксбокс). 7 лістапада 2002 году пачалася вытворчасьць пляншэтаў з Windows XP. 24 красавіка 2003 году адбыўся выпуск сэрвэрнай АС Windows Server(en) 2003. Штат налічваў у 2004 г. 57 000 супрацоўнікаў. 30 студзеня 2007 году — АС Windows Vista. 27 лютага 2008 году — АС для сэрвэра дадзеных(en) Microsoft SQL Server(en) 2008 і асяродзьдзе распрацоўкі Visual Studio 2008. 3 чэрвеня 2009 году запусьцілі сеціўную пошукавую сыстэму Bing. 22 кастрычніка 2009 году — АС Windows 7, якую саматужна беларусізавалі 24 траўня 2011 году. 10 лістапада 2010 г. — мабільную АС Windows Phone 7. 13 кастрычніка 2011 году «Майкрасофт» набыў інтэрнэт-камунікатар «Скайп» (Люксэмбург). 26 кастрычніка 2012 году выйшла АС Windows 8, што 3 сьнежня ўпершыню займела афіцыйны беларускі пераклад інтэрфэйсу. 29 кастрычніка — мабільная АС Windows Phone 8, што ўпершыню займела перадусталяваны беларускі інтэрфэйс. 4 лютага 2014 году пасаду кіраўніка «Майкрасофт» заняў Сат’я Надэла. 25 красавіка «Майкрасофт» набыў вытворчасьць сотавых тэлефонаў Nokia (Эспаа, вобласьць Усіма, Фінляндыя)[4].

Прадукцыя[рэдагаваць | рэдагаваць крыніцу]

Карпарацыя вырабляе лінію АС сямейства Windows, офісныя дастасаваньні сямейства Microsoft Office, камплекты сэрвэрных дастасаваньняў, гульні, мультымэдыйную прадукцыю, сродкі распрацоўкі праграм, а таксама гульнявыя кансолі X-Box. Вядзе палітыку актыўнай скупкі пэрспэктыўных кампаніяў — распрацоўнікаў апраграмаваньня. У прыватнасьці, у выніку паглынання кампаніі Navision, Solomon, Great Plains у асартымэнце Microsoft зьявіўся новы буйны кірунак Microsoft Dynamics (раней Microsoft Business Solutions). У Расеі прадстаўленыя тры рашэньні гэтага напрамку: ERP-сыстэмы Axapta, Navision і сыстэма кіраваньня зносінамі — Microsoft Dynamics CRM.

Беларусізацыя[рэдагаваць | рэдагаваць крыніцу]

29 кастрычніка 2012 году «Майкрасофт» выпусьціў мабільную апэрацыйную сыстэму Windows Phone 8 зь беларускамоўным інтэрфэйсам, што ўлучыў перакладзенае мабільнае выданьне «Майкрасофт Офіс». 3 сьнежня на бачыне «Майкрасофт» у вольным доступе для спампоўваньня зьявіўся афіцыйны беларускі моўны пакет для Microsoft Windows 8[6] (глядзіце Windows 8.1). 23 ліпеня 2013 году ў вольным доступе зьявіўся афіцыйны беларускі моўны пакет для Microsoft Office 2013[7].

Крытыка[рэдагаваць | рэдагаваць крыніцу]

Карпарацыю часта вінавацяць у агульным паніжэньні стандартаў надзейнасьці праграмнага забесьпячэньня. У апошнія гады кампанія таксама стала адказчыкам у шматлікіх судовых працэсах з нагоды нядобрасумленнай канкурэнцыі і парушэньняў антыманапольнага заканадаўства і патэнтаў іншых кампаніяў у розных краінах. У сакавіку 2004 году Эўрапэйская камісія па канкурэнцыі загадала Microsoft выплаціць 497 мільёнаў[8] за змушэньне пакупнікоў сваёй апэрацыйнай сыстэмы Windows XP да адначасовага набыцьця свайго прайгравальніка Windows Media Player. У ліпені 2006 году Эўракамісія забавязала Microsoft выплаціць яшчэ €280,5 млн за невыкананьне загаду да 21 чэрвеня 2006 году.[9] У чэрвені 2008 году амэрыканскі суд задаволіў пазоў францускага прадпрыемства Alcatel-Lucent да Microsoft у сувязі з парушэньнем права на выключнае выкарыстаньне вынайдзеных у Alcatel-Lucent прыёмаў узаемадзеяньня з календарамі.[10]

Глядзіце таксама[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

  1. ^ Microsoft Corporation // microsoft.com
  2. ^ Сат’я Надэла. Справаздача Майкрасофт за 2014 год(анг.) // Майкрасофт, 9 кастрычніка 2014 г. Праверана 2 кастрычніка 2015 г.
  3. ^ Вы шукаеце падтрымку // Майкрасофт, 2011 г. Праверана 17 кастрычніка 2015 г.
  4. ^ а б в Акалічнасьці(анг.) // Майкрасофт, 21 ліпеня 2015 г. Праверана 17 кастрычніка 2015 г.
  5. ^ Летапіс набыцьця (1994—2015)(анг.) // Майкрасофт, 2015 г. Праверана 17 кастрычніка 2015 г.
  6. ^ Моўны пакет інтэрфейсу (МПІ) для Windows 8 // Майкрасофт, 3 сьнежня 2012 г. Праверана 2 кастрычніка 2015 г.
  7. ^ Office Language Interface Pack 2013 — Беларуская // Майкрасофт, 23 ліпеня 2013 г. Праверана 2 кастрычніка 2015 г.
  8. ^ Microsoft абскардзіла накладзены Еўракамісіяй рэкордны штраф// Беларускія навіны ІТ. 12 траўня 2008
  9. ^ Microsoft абскардзіла штраф, накладзены Еўракамісіяй// Беларускія навіны ІТ. 12 траўня 2008
  10. ^ Microsoft атрымала яшчэ адну перамогу ў патэнтавым разглядзе з Alcatel-Lucent// Беларускія навіны ІТ. 14 красавіка 2009

Вонкавыя спасылкі[рэдагаваць | рэдагаваць крыніцу]

Commons-logo.svg Microsoftсховішча мультымэдыйных матэрыялаў