Біл Гейтс

Біл Гейтс
Bill Gates
Нарадзіўся	28 кастрычніка 1955(1955-10-28) (64 гады) Сіетл, ЗША
Навуковая сфэра	інфарматыка, бізнэс
Месца працы	Microsoft Corporation
Альма-матэр	Гарвардзкі ўнівэрсытэт
Узнагароды і прэміі	Нацыянальны мэдаль ЗША ў галіне тэхналёгіяў і інавацыяў (1992) Lasker-Bloomberg Public Service Award[d] (2013) прэмія Фулбрайта (2010) Silver Buffalo Award[d] (2010) Distinguished Fellow of the British Computer Society[d] (1994) United Nations Population Award[d] (2010) Public Welfare Medal[d] (2013) Мэдаль Бэнджаміна Франкліна (2010) ганаровы доктар Універсітэта Цынхуа[d] (2007) honorary doctor of Royal Institute of Technology[d] (7 лютага 2002) Honorary Doctor at Karolinska Institutet[d] (23 студзеня 2008) ганаровы доктар Гарвардзкага ўнівэрсытэту (2007)
Аўтограф
www.microsoft.com

Ўільям Гэнры Гейтс ІІІ (па-ангельску: William Henry Gates III, нар. 28 кастрычніка 1955 году ў Сіетле) — амэрыканскі прадпрымальнік, адзін з кіраўнікоў Фонда Біла і Мэлінды Гейтс. З 1996 да 2007 году быў самым багатым чалавекам на Зямлі па вэрсіі часопіса Форбс. У наш час яго багацьце складае прыкладна 58 млрд даляраў ЗША.

Разам з Полам Аленам зьяўляецца заснавальнікам карпарацыі Microsoft, пасаду прэзыдэнта якой Гейтс пакінуў у чэрвені 2008 году.

Біяграфія

Біл Гейтс нарадзіўся ў Сіетле (ЗША), у сям’і адваката Ўільяма Гэнры Гейтса ІІ і ўдзельніка савету дырэктараў First Interstate Bank, Pacific Northwest Bell і нацыянальнага савета United Way Мэры Максвэл Гейтс.

Гейтс вучыўся ў прывілеяванай школе Сіетлу, дзе атрымаў магчымасьць навучыцца праграмаваньню на мінікампутары, па астатніх прадметах Гейтс меў невысокія адзнакі. У канцы навучаньня ў пачатковай школе дрэнныя паводзіны Гейтса ўсхвалявалі бацькоў і настаўнікаў так моцна, што яму давялося наведаць псыхіятра.

У 1973 годзе ён паступіў у Гарвардзкі ўнівэрсытэт, але быў выключаны праз два гады. Пасьля гэтага Гейтс пачаў займацца выключна стварэньнем праграмнага забесьпячэньня. У гэтым жа годзе сумесна з Аленам Гейтс заснаваў кампутарную кампанію Micro-Soft, якая потым пачала называцца Microsoft Corporation.

1 студзеня 1994 году Гейтс ажаніўся з Мэліндай Фрэнч. Яны маюць трох дзяцей — Джэніфэр Катрын, Роры Джона і Фібі Адэль.

У 1998 годзе Біл Гейтс падаў у адстаўку з пасады прэзыдэнта карпарацыі Microsoft, у 2000 годзе і з пасады галоўнага выканаўчага дырэктара.

2 красавіка 2005 году Міністэрства замежных справаў Вялікабрытаніі абвясьціла аб узнагародзе Гейтса тытулам Рыцара-Камандора Ордэна Брытанскай імпэрыі за яго ўнёсак у разьвіцьцё брытанскіх прадпрыемстваў і за яго высілкі па зьмяншэньні жабрацтва ў сьвеце.

У 2005 годзе Біл Гейтс і яго жонка Мэлінда Гейтс былі абвешчаны людзьмі году амэрыканскім часопісам Time.

З 7 чэрвеня 2007 году Гейтс атрымаў пасьведчаньне аб сканчэньні Гарвардзкага ўнівэрсытэту.

7 студзеня 2008 году Біл Гейтс абвясьціў аб сваім намеры сысьці з пасады кіраўніка карпарацыі Microsoft у ліпені 2008 году, заняўшыся выключна дабрачыннасьцю. Сышоўшы з пасады 27 чэрвеня 2008 году Гейтс застаўся найбуйнейшым акцыянэрам Microsoft (8,7% акцыяў).

Вонкавыя спасылкі

Біл Гейтс — сховішча мультымэдыйных матэрыялаў

• Біл Гейтс. Разьдзелы: 4, 6, 7, 9 // Дарога ў будучыню = Дарога ў будучыню(en). — Нью-Ёрк: «Вікінг-Пінгвін»(en), 1995. — 286 с. — ISBN 978-0-670-77289-6