Міністэрства архітэктуры і будаўніцтва Рэспублікі Беларусь
(Перанакіравана з «Мінархбуд Беларусі»)
| Міністэрства архітэктуры і будаўніцтва Рэспублікі Беларусь | |
| Абрэвіятура | МАБ РБ |
|---|---|
| Папярэднік | Дзяржаўны камітэт па архітэктуры і будаўніцтве |
| Дата ўтварэньня | 1991 год |
| Мэта | рэгуляваньне будаўнічай сфэры |
| Штаб-кватэра | Менск, вул. Мясьнікова, д. 39 |
| Міністар | Руслан Пархамовіч |
| Першы намесьнік | Ігар Касьцюкоў |
| Намесьнікі | Аляксей Ананіч, Алег Швец[1] |
| Зьвязаныя кампаніі | «Спэцжалезабэтон», «Строммашына» |
| Бюджэт | 1109,2 млрд рублёў[2] (2009; 395,7 млн $[3]) |
| Сайт | www.mas.by |
Міністэ́рства архітэкту́ры і будаўні́цтва Рэспу́блікі Белару́сь (Мінархбуд Беларусі) — ведамства ўраду Беларусі, упаўнаважанае распрацоўваць і ажыцьцяўляць дзяржаўную палітыку ў сфэры будаўніцтва. Міністар прызначаецца й здымаецца з пасады прэзыдэнтам, а яго намесьнікі (4, адзін з каторых першы[4]) — урадам па ўзгадненьні з прэзыдэнтам[5]. З 4 чэрвеня 2020 году пасаду міністра займае Руслан Пархамовіч[6].
Склад
[рэдагаваць | рэдагаваць крыніцу]- Цэнтральны апарат — 4 галоўныя ўправы, 4 управы, 2 аддзелы[7];
- Прадпрыемствы «Аргтэхстром», «Бабруйскі домабудаўнічы камбінат», «Баранавіцкі камбінат жалезабэтонных канструкцыяў», «Барысаўскі крыштальны завод», «Беларускі цэмэнтавы завод» (Касьцюковічы, Магілёўская вобласьць), «Белбудцэнтар», «Белгеалстром», «Белдзяржпраект», «БелНДІБ», «БелНДІградабуданіцтва», «Белпрамналадка», «Белстромаўтаматыка», «Будкамплект», «Будтэх», «Будтэхнорм», «Будтэхпрагрэс», «Віцебскі домабудаўнічы камбінат», «Гарынскі камбінат будаўнічых матэрыялаў» (Рэчыца, Гомельская вобласьць), «Геасэрвіс», «Гомельскі вылічальны цэнтар», «Граніт» (Мікашэвічы, Лунінецкі раён, Берасьцейская вобласьць), «Жалезабэтонмантаж», «Завод глінянай цэглы» (Новалукомаль, Чашніцкі раён, Віцебская вобласьць), баранавіцкі, маладзечанскі й рагачоўскі «Заводы жалезабэтонных вырабаў», «Завод жалезабэтонных канструкцыяў» (Магілёў), «Інкатэх», «Клімавіцкі вапнавы завод», «Кранмаш», «Крычаўцэмэнтнашыфэр», «Магілёўскі домабудаўнічы камбінат», «Магілёўскі завод зборнага жалезабэтону», «Маладэчанскі завод мэталаканструкцыяў», «Мантажаўтаматыка» (Магілёў), «Менсктыппраект», «Мінпласт», «Мэталіст» (Орша), «Наваполацкжалезабэтон», «НДІБМ» (Навукова-дасьледніцкі інстытут будаўнічых матэрыялаў), «НДПТІБ» (Навукова-дасьледніцкі і праектна-тэхналягічны інстытут будаўніцтва), «Прамбудсыстэма», «Радыёбуд», «Рэчыцкі камбінат будаўнічых матэрыялаў», «Спэцжалезабэтон» (Мікашэвічы), «Спэцрамонт», «Строммаш», «Строммашына» (Магілёў), «Цепламантаж», «Эксплуатацыйнік»;
- Навучальныя ўстановы — Беларускі дзяржаўны тэхнікум прамысловасьці будаўнічых матэрыялаў, будаўнічая ды мантажная вучэльні;
- Часопіс «Архітэктура і Будаўніцтва» (па-расейску: Архитектура и Строительство)[5].
Задачы
[рэдагаваць | рэдагаваць крыніцу]- парадкаваньне дойлідзтва, будаўніцтва й прамысловасьці будаўнічых матэрыялаў;
- парадкаваньне будоўлі жытла;
- парадкаваньне інжынэрна-геалягічнай і тапаграфічна-геадэзічнай разьведкі для будаўніцтва;
- забесьпячэньне ўжыцьця ў дойлідзтве й будаўніцтве адзінага парадку вымярэньня ды ўліку;
- стварэньне прадпрыемстваў з удзелам замежнага капіталу;
- падача ва ўрад прапановаў аб прыцягненьні вонкавых пазыкаў у будаўнічую галіну;
- забесьпячэньне выкананьня плянавых паказьнікаў увозу й вывазу будаўнічых паслугаў.
Паўнамоцтвы
[рэдагаваць | рэдагаваць крыніцу]- падача ва ўрад прапановаў наконт будаўніцтва;
- вызначэньне складу, парадку распрацоўкі ды ўзгадненьня праектнай дакумэнтацыі;
- узгадненьне зь іншымі ведамствамі распрацоўкі заканадаўства аб будаўніцтве й дойлідзтве;
- ухваленьне парадку вызначэньня кошту праектна-разьведвальнае ды будаўніча-мантажнае працы;
- вызначэньне складу, парадку распрацоўкі, узгадненьня ды ўхваленьня ведамасных пастановаў аб будаўніцтве;
- заключэньне міжнародных дамоваў аб дойлідзтве, будаўніцтве й прамысловасьці будаўнічых матэрыялаў;
- стварэньне нарадаў аб будаўніцтве;
- атрыманьне ад юрыдычных асобаў зьвестак аб будаўніцтве;
- ухваленьне ведамаснага заканадаўства[5].
Мінуўшчына
[рэдагаваць | рэдагаваць крыніцу]У 1991 годзе ўрад ператварыў Дзяржаўны камітэт па архітэктуры і будаўніцтву ў Міністэрства архітэктуры і будаўніцтва[8]. Пастановаю ад 18 кастрычніка 1994 году № 125 урад Беларусі надаў міністэрству часовую ўставу[9]. Больш як праз 2 гады Пастановаю ад 14 красавіка 1997 году № 307 урад надаў ведамству сталую ўставу[10]. Паводле Пастановы ад 25 кастрычніка 2001 году № 1541[11] МАБ Беларусі атрымала новую ўставу.
Крыніцы
[рэдагаваць | рэдагаваць крыніцу]- ^ Кіраўніцтва (рас.) Пра міністэрства. Міністэрства архітэктуры і будаўніцтва Рэспублікі Беларусь. Праверана 4 чэрвеня 2020 г.
- ^ Закон Рэспублікі Беларусь аб рэспубліканскім каштарысе на 2009 год (рас.). Нацыянальны прававы інтэрнэт-партал Рэспублікі Беларусь (13 лістапада 2008 г.). Праверана 09 верасьня 2010 г.
- ^ Паводле сярэдняе за 2009 год цаны (2803,27) набыцьця даляра за рублі на валютным рынку. Зьвесткі аб сярэднеўзважаным курсе беларускага рубля да замежных валютаў на валютным рынку Рэспублікі Беларусь за 2009 год. Нацыянальны банк Рэспублікі Беларусь. Праверана 09 верасьня 2010 г.
- ^ Указ Прэзыдэнта РБ №603 ад 26 кастрычніка 2006 г. «Колькасьць намесьнікаў кіраўнікоў рэспубліканскіх органаў дзяржаўнага кіраваньня, якія падпарадкаваны ўраду Рэспублікі Беларусь, работнікаў іх цэнтральных апаратаў і тэрытарыяльных органаў» (рас.). Нацыянальны прававы інтэрнэт-партал Рэспублікі Беларусь. Праверана 09 верасьня 2010 г.
- ^ а б в Пастанова Савету Міністраў РБ №973 ад 31 ліпеня 2006 г. «Пытаньні Міністэрства архітэктуры і будаўніцтва Рэспублікі Беларусь» (рас.). Нацыянальны прававы інтэрнэт-партал Рэспублікі Беларусь. Праверана 09 верасьня 2010 г.
- ^ Сілавікі і землякі. Каго яшчэ Лукашэнка прызначыў ва ўрад Галоўчанкі Палітыка. Радыё «Свабода» (4 чэрвеня 2020). Праверана 4 чэрвеня 2020 г.
- ^ Будова (рас.) Пра міністэрства. Міністэрства архітэктуры і будаўніцтва Рэспублікі Беларусь. Праверана 20 жніўня 2018 г.
- ^ Рэспубліка Беларусь. Міністэрства архітэктуры і будаўніцтва Зводны электронны каталёг. Нацыянальная бібліятэка Беларусі. Праверана 19 сакавіка 2011 г.
- ^ Пастанова Кабінэту міністраў Рэспублікі Беларусь ад 18 кастрычніка 1994 г. № 125 (рас.) Архіў. Беларускі прававы партал (12 кастрычніка 2006). Праверана 19 сакавіка 2011 г.
- ^ Пастанова Рады міністраў Рэспублікі Беларусь ад 14 красавіка 1997 г. № 307 (рас.). Сайт «Бусел» (25 кастрычніка 2001). Праверана 19 сакавіка 2011 г.
- ^ Пастанова Рады міністраў Рэспублікі Беларусь ад 25 кастрычніка 2001 г. № 1541 (рас.). Сайт Валерыя Леванеўскага (5 сьнежня 2007). Праверана 19 сакавіка 2011 г.
Вонкавыя спасылкі
[рэдагаваць | рэдагаваць крыніцу]- Сайт Мінбудархітэктуры РБ (бел.) (рас.)