Марш за свабоду (Магілёў, 2020)
| Марш за свабоду | |||
| Пратэсты супраць фальсыфікацыі прэзыдэнцкіх выбараў у Беларусі (2020) | |||
 | |||
| Дата | 16 жніўня 14:00 — вечар | ||
|---|---|---|---|
| Месца | .svg){kind=small} Плошча Леніна, Першамайская вуліца й іншыя; Магілёў; Беларусь
| ||
| Прычыны | Фальсыфікацыя вынікаў прэзыдэнцкіх выбараў 9 жніўня | ||
| Мэты | вызваленьне палітвязьняў, правядзеньне чэсных прэзыдэнцкіх выбараў | ||
| Спосабы | масавае шэсьце, мітынґ | ||
| Удзельнікі канфлікту | |||
| Сілы бакоў | |||
Марш за свабо́ду — найбуйнейшая акцыя пратэсту ў Магілёве за часам кіраваньня Лукашэнкі, якая адбылася 16 жніўня 2020 году.
Хада акцыі
[рэдагаваць | рэдагаваць крыніцу]Пратэстоўцы пачалі зь мітынґу на плошчы Леніна і традыцыйнага для чатырох дзён пратэсту «ланцуга» супраць ґвалту, які ўтварылі абапал праезнай часткі праспэкту Міру. Упершыню за час пратэсту сярод бел-чырвона-белых сьцягоў былі афіцыйныя. На мітынґу выступалі тутэйшыя лідэры апазыцыі. Ён праходзіў пад помнікам Леніну і каля аблвыканкаму. На пляцоўцы таксама заўважылі журналістаў зь дзяржаўнай тэлерадыёкампаніі «Магілёў». Яны здымалі падзею на відэа.
На тым мітынґу пратэстоўцы патрабавалі адстаўкі Лукашэнкі і вяртаньня ў краіну законнага, на іхную думку, прэзыдэнта — Сьвятланы Ціханоўскай. Мітынґоўцы, якія сабраліся пад помнікам Леніну, скандавалі «Жыве Беларусь!», «Сыходзь!», «Ганьба!», «Трыбунал!». На плошчы Леніна на той момант сабралося больш за 5 тысячаў чалавек.
Марш
[рэдагаваць | рэдагаваць крыніцу]Затым шматтысячная калёна рушыла цэнтральнай вуліцай гораду Першамайскай у Задняпроўе да Палацу вобласьці. Маршнікі прыйшлі да сквэру ля Палацу вобласьці і Лядовага палацу. Колькасьць удзельнікаў вагалася ўжо ад 7 да 10 тысячаў, паводле Радыё Свабоды. Частка ўдзельнікаў утварыла паабапал праезнай часткі праспэкту Пушкіна ланцуг і вітала самаходнікаў. Бальшыня разышлася па сквэры, адпачывала пасьля трохкілямэтровага маршу ад плошчы Леніна. Многія трымалі плякаты — за мірныя перамены, з патрабаваньнем справядлівых выбараў, з тэкстам «Лукашэнка ня наш прэзыдэнт». Нямала было палітычных шаржаў. Самаходнікі падвозілі людзям ваду. Панавала сьвяточная абстаноўка.
Інцыдэнтаў пад час акцыі не было. Час ад часу па праезнай частцы праяжджалі міліцыйныя самаходы. На самой акцыі міліцыі заўважана не было.
Крыніцы
[рэдагаваць | рэдагаваць крыніцу]Вонкавыя спасылкі
[рэдагаваць | рэдагаваць крыніцу]- У Магілёве адбывалася найбуйнейшая акцыя пратэсту за часы прэзыдэнцтва Лукашэнкі. ФОТА
- 15 тысячаў чалавек выйшлі ў Магілёве на Марш свободы за адстаўку Аляксандра Лукашэнкі. Жывы рэпартаж
Марш за свабоду (Магілёў, 2020) — сховішча мультымэдыйных матэрыялаў