Марш за свабоду (Барысаў, 2020)

Марш за свабоду
Пратэсты супраць фальсыфікацыі прэзыдэнцкіх выбараў у Беларусі (2020)
Дата	16 жніўня 14:00 — вечар
Месца	Цэнтральная плошча й іншыя; Барысаў; Беларусь
Прычыны	Фальсыфікацыя вынікаў прэзыдэнцкіх выбараў 9 жніўня
Мэты	вызваленьне палітвязьняў, правядзеньне чэсных прэзыдэнцкіх выбараў
Спосабы	масавае шэсьце, мітынґ
Удзельнікі канфлікту
беларусы Адміністрацыя прэзыдэнта Рэспублікі Беларусь
Сілы бакоў
Некалькі тысячаў

Марш за свабо́ду — адна з найбуйнейшых акцыяў пратэсту ў Барысаве, якая адбылася 16 жніўня 2020 году.

Хада акцыі

Каля 14-й гадзіны на Цэнтральнай плошчы было ўжо некалькі сотняў чалавек. Людзі прыходзілі на плошчу сем’ямі, з маленькімі дзецьмі і сабакамі. Мяшчане скандавалі «Сыходзь!» (па-расейску: Уходи), «Жыве Беларусь!». Белых балёнікаў і кветак у людзей было значна менш, чым на пратэстах напярэдадні, але бел-чырвона-белых сьцягоў было наадварот больш. На плошчы была атмасфэра сьвята. Людзі ўсьміхаліся, самаходы віталі іх сыґналамі. На праспэкце гучала песьня Віктара Цоя «Перемен!». Барысаўцы патрабавалі размовы з мэрам, аднак той да іх ня выйшаў.

Марш прайшоў вуліцаю Гагарына, дзе традыцыйна ладзіліся ланцугі салідарнасьці, у ім паўдзельнічалі некалькі тысячаў чалавек.

Вонкавыя спасылкі

• «Верым! Можам! Пераможам!» На цэнтральнай плошчы Барысава прайшла мірная акцыя протэсту. Дадаюцца здымкі, відэа(недаступная спасылка)
• Марш Свабоды ў Барысаве. Фотарэпартаж(недаступная спасылка)