Рэвалюцыя праз сацыяльную сетку
«Рэвалю́цыя праз сацыя́льную се́тку» — грамадзянскія акцыі маўклівага пратэсту ў Беларусі ў 2011, выкліканыя незадавальненьнем палітыкай кіраўніцтва краіны, якая прывяла да фінансавага крызісу, дэвальвацыі і рэзкага скачку цэнаў. Акцыі ладзіліся штосераду[1] пачынаючы з 8 чэрвеня 2011, каардынуючыся праз сацыяльныя сеткі ВКонтакте і Facebook.
Сутнасьць акцыі заключалася ў сходах людзей у адным месцы (пераважна на цэнтральных пляцах гарадоў) без аніякіх лёзунгаў, заклікаў ці патрабаваньняў. Адзінай праявай актыўнасьці было плясканьне ў ладкі, якім удзельнікі акцыі выражалі сваю нязгоду з палітыкай кіраўніцтва Беларусі. Такая форма пратэсту абраная ў мэтах пазьбяганьня арыштаў і зьбіцьця ўдзельнікаў, што адбывалася на ўсіх папярэдніх акцыях апазыцыі.
Тым ня меней, ужо пачынаючы з другой акцыі 15 чэрвеня адбыліся затрыманьні ўдзельнікаў акцыі і выпадковых мінакоў у Менску (15 асобаў), Горадні (15 асобаў), Берасьці (каля 10), Віцебску, Воршы, Магілёве, Гомелі, Салігорску (19 асобаў), Баранавічах, Барысаве (каля 30 чалавек), Жодзіне (2 чалавекі)[2]. Затрыманьні зьдзяйсьняліся людзьмі ў цывільным з прымяненьнем грубай фізычнай сілы, без прад’яўленьня дакумэнтаў і без аніякага тлумачэньня сваіх дзеяньняў. Іхнія ўчынкі атрымалі ў прэсе характарыстыку «кіднэпінг».
Глядзіце таксама
[рэдагаваць | рэдагаваць крыніцу]Крыніцы і заўвагі
[рэдагаваць | рэдагаваць крыніцу]- ^ адзіным выняткам стала акцыя на Дзень вызваленьня Менску ад нямецкіх захопнікаў 3 ліпеня, у нядзелю.
- ^ Акцыя «Рэвалюцыя праз сацыяльную сетку» па ўсёй краіне
Вонкавыя спасылкі
[рэдагаваць | рэдагаваць крыніцу]
Рэвалюцыя праз сацыяльную сетку — сховішча мультымэдыйных матэрыялаў