Ласіцы

	Ласіцы; лац. Łasicy
	польск. Łosice
	; Агульны выгляд
Герб Ласіцаў
Магдэбурскае права:	1505
Краіна:	Польшча
Ваяводзтва:	Мазавецкае
Павет:	Ласіцкі
Гміна:	Ласіцы
Плошча:	23,75 км²
Насельніцтва
колькасьць:	7096 чал. (2016)
шчыльнасьць:
Часавы пас:	UTC+1
летні час:	UTC+2
Тэлефонны код:	+48 83
Паштовы індэкс:	08-200
Геаграфічныя каардынаты:	52°12′45″ пн. ш. 22°43′8″ у. д. / 52.2125° пн. ш. 22.71889° у. д.Каардынаты: 52°12′45″ пн. ш. 22°43′8″ у. д. / 52.2125° пн. ш. 22.71889° у. д.
	Ласіцы на мапе Польшчы Ласіцы
	Галерэя здымкаў у Вікісховішчы

Ласіцы (польск. Łosice) — места ў Польшчы, на рацэ Точне. Адміністрацыйны цэнтар Ласіцкага павету Мазавецкага ваяводзтва. Насельніцтва на 2016 год — 7096 чалавек.

Ласіцы — магдэбурскае места гістарычнага Падляшша, побач зь якім праходзіць паўднёва-заходняя мяжа этнічнай тэрыторыі беларусаў. Сярод мясцовых славутасьцяў вылучалася царква Прачыстай Багародзіцы, помнік традыцыйнай беларускай драўлянай архітэктуры XVIII ст.

Гісторыя

Паміж Вялікім Княствам Літоўскім і Каралеўствам Польскім

Першы пісьмовы ўпамін пра Ласіцы датуецца 1264 годам. У 1333 годзе яны далучыліся да Вялікага Княства Літоўскага. У 1505 годзе кароль і вялікі князь Аляксандар надаў месту Магдэбурскае права. У гэты час у Ласіцах існавалі цэрквы Прачыстай Багародзіцы і Сьвятога Міхала^[1]. У 1511 годзе тут зьявілася каталіцкая парафія. У 1513 годзе места ўвайшло ў склад Падляскага ваяводзтва.

У 1569 годзе згодна з умовамі Люблінскай уніі Ласіцы перайшлі да Каралеўства Польскага. У канцы XVII ст. у месьце зьявіліся жыды.

Пад уладай Расейскай імпэрыі

У выніку трэцяга падзелу Рэчы Паспалітай (1795 год) Ласіцы апынуліся ў складзе Аўстрыі, з 1809 году — у складзе Расейскай імпэрыі. На 1827 год у месьце было 190 будынкаў, на 1862 год — 199 (зь іх 6 мураваных).

За часамі Першай сусьветнай вайны ў 1915 годзе Ласіцы занялі войскі Нямецкай імпэрыі.

Найноўшы час

Згодна з Рыскай мірнай дамовай 1921 году Ласіцы апынуліся ў складзе міжваеннай Польскай Рэспублікі. У 1923 годзе польскія ўлады перарабілі тутэйшую царкву пад касьцёл (у 1929 годзе перанесьлі будынак у Дэмблін).

У Другую сусьветную вайну зь верасьня 1939 да 8 жніўня 1944 году Ласіцы знаходзіліся пад акупацыяй Трэцяга Райху. У 1956 годзе Ласіцы сталі цэнтрам павету Варшаўскага ваяводзтва, у 1975—1998 гадох уваходзілі ў склад Бельскага ваяводзтва, з 1999 году — у Мазавецкім ваяводзтве.

Насельніцтва

Дэмаграфія

XIX стагодзьдзе: 1827 год — 1543 чал.; 1862 год — 1755 чал.^[2]
XX стагодзьдзе: 1939 год — 5730 чал.
XXI стагодзьдзе: 2016 год — 7096 чал.

Турыстычная інфармацыя

Славутасьці

Капліца Сьвятых Апосталаў Пятра і Паўла (1845)
Касьцёл Сьвятога Жыгімонта (1906–1909)
Кляштар камуністаў (XIX ст.)
Могілкі: каталіцкія, юдэйскія
Сядзіба (XVIII ст.)

Страчаная спадчына

Царква Прачыстай Багародзіцы (1781; перанесеная ў 1929 годзе ў Дэмблін)

Галерэя

Славутасьці Ласіцаў
Касьцёл
Капліца
Рынак
Былая царква, перанесеная ў Дэмблін

Крыніцы

^ Bobryk A., Kochan I. Ślady przeszłości. Historia i teraźniejszość prawosławia na południowo-zachodnim Podlasiu w świadomości społecznej. — Siedlce: Siedleckie Towarzystwo Naukowe, 2010. S. 204–206.
^ Chlebowski B. Łosice // Słownik geograficzny... T. V. — Warszawa, 1884. S. 732.

[1] Bobryk A., Kochan I. Ślady przeszłości. Historia i teraźniejszość prawosławia na południowo-zachodnim Podlasiu w świadomości społecznej. — Siedlce: Siedleckie Towarzystwo Naukowe, 2010. S. 204–206.

[2] Chlebowski B. Łosice // Słownik geograficzny... T. V. — Warszawa, 1884. S. 732.

[1]

[2]