Росаш (Польшча)

	Росаш; лац. Rosaš
	польск. Rossosz
	; Касьцёл Сьвятога Станіслава
Краіна:	Польшча
Ваяводзтва:	Люблінскае
Павет:	Бельскі
Гміна:	Росаш
Насельніцтва:	1022 чал. (2011)
Часавы пас:	UTC+1
летні час:	UTC+2
Паштовы індэкс:	21-533
Геаграфічныя каардынаты:	51°51′0.0″ пн. ш. 23°7′59.9″ у. д. / 51.85° пн. ш. 23.133306° у. д.Каардынаты: 51°51′0.0″ пн. ш. 23°7′59.9″ у. д. / 51.85° пн. ш. 23.133306° у. д.
	Росаш на мапе Польшчы Росаш
	Галерэя здымкаў у Вікісховішчы

Росаш (польск. Rossosz) — вёска ў Польшчы, на рацэ Зяляве. Цэнтар сельскай гміны Бельскага павету Люблінскага ваяводзтва. Насельніцтва на 2011 год — 1022 чалавекі. Знаходзіцца за 16 км на поўдзень ад Белай, за 110 км ад Любліна, на аўтамабільнай дарозе 812.

Росаш — даўняе магдэбурскае места гістарычнага Падляшша.

Гісторыя

Паміж Вялікім Княствам Літоўскім і Каралеўствам Польскім

Упершыню Росаш упамінаецца ў XVI ст., калі яна ўваходзіла ў склад Падляскага ваяводзтва і знаходзілася ў валоданьні Дубіцкіх. У 1551 годзе Росаш стала мястэчкам.

У 1569 годзе згодна з умовамі Люблінскай уніі Росаш перайшла да Каралеўства Польскага. У канцы XVI ст. яна атрымала Магдэбурскае права, пацьверджанае ў 1645 годзе. У 1599 годзе тут збудавалі касьцёл. У 1624 годзе Росаш перайшла да Мікалая Фірлея, пазьней знаходзілася ў валоданьні Рысінскіх, Патоцкіх, Асалінскіх.

Пад уладай Расейскай імпэрыі

У выніку трэцяга падзелу Рэчы Паспалітай (1795 год) Росаш апынулася ў складзе Расейскай імпэрыі, у Бельскім павеце. На 1827 год у мястэчку было 176 будынкаў. У 1888 годзе статус Росашы панізілі да вёскі^[1].

За часамі Першай сусьветнай вайны ў 1915 годзе Росаш занялі войскі Нямецкай імпэрыі.

Найноўшы час

Згодна з Рыскай мірнай дамовай 1921 году Росаш апынулася ў складзе міжваеннай Польскай Рэспублікі.

У Другую сусьветную вайну зь верасьня 1939 да жніўня 1944 году Росаш знаходзілася пад акупацыяй Трэцяга Райху. У 1975—1998 гадох вёска ўваходзіла ў склад Бельскага ваяводзтва.

Насельніцтва

Дэмаграфія

XIX стагодзьдзе: 1827 год — 1092 чал.^[2]
XXI стагодзьдзе: 2011 год — 1022 чал.

Турыстычная інфармацыя

Славутасьці

Касьцёл Сьвятога Станіслава (1908)

Страчаная спадчына

Могілкі юдэйскія

Крыніцы

^ Maroszek J. Rzemiosło w miastach podlaskich // Studia nad produkcją rzemieślniczą w Polsce (XIV–XVIII w.). — Wrocław, 1976. S. 97.
^ Chlebowski B. Rossosz // Słownik geograficzny... T. IX. — Warszawa, 1888. S. 776.

[1] Maroszek J. Rzemiosło w miastach podlaskich // Studia nad produkcją rzemieślniczą w Polsce (XIV–XVIII w.). — Wrocław, 1976. S. 97.

[2] Chlebowski B. Rossosz // Słownik geograficzny... T. IX. — Warszawa, 1888. S. 776.

[1]

[2]