Канстантынаў

Канстантынаў лац. Kanstantynaŭ польск. Konstantynów
Населены пункт
У цэнтры вёскі
Герб
Краіна	Польшча
Ваяводзтва	Люблінскае
Павет	Бельскі
Гміна	Канстантынаў
Часавы пас	UTC+1 UTC+2 (летні час)
Каардынаты	52°12′28″ пн. ш. 23°05′07″ у. д.
Насельніцтва
Колькасьць	1519 чал. (2011)
Лічбавыя ідэнтыфікатары
Паштовы індэкс	21-543
Нумарны знак	LBI
Канстантынаў на мапе Польшчы Канстантынаў

Канстантынаў (польск. Konstantynów) — вёска ў Польшчы, на рацэ Чыжоўцы. Цэнтар сельскай гміны Бельскага павету Люблінскага ваяводзтва. Насельніцтва на 2011 год — 1519 чалавек. Знаходзіцца за 20 км на поўнач ад Белай, на скрыжаваньні аўтамабільных дарог 698 і 811.

Канстантынаў — даўняе мястэчка гістарычнага Падляшша, побач зь якім праходзіць паўднёва-заходняя мяжа этнічнай тэрыторыі беларусаў. Да нашага часу тут захаваліся палацава-паркавы комплекс Сядльніцкіх і былая царква Покрыва Багародзіцы, помнікі архітэктуры XVIII—XIX стагодзьдзяў.

Гісторыя

Паміж Вялікім Княствам Літоўскім і Каралеўствам Польскім

Першы пісьмовы ўпамін пра Канстантынаў (пад назвай Казярады) датуецца 1452 годам. У XV ст. тут існавала драўляная царква. У розны час вёска знаходзілася ў валоданьні Багавіцінавічаў, Шуйскіх, Сержпутоўскіх.

У 1569 годзе згодна з умовамі Люблінскай уніі Казярады перайшлі да Каралеўства Польскага. У 1616 годзе вёска стала ўладаньнем Варшыцкіх. У 1729 годзе новы ўладальнік Караль Юзэф Сядльніцкі зьмяніў назву Казярадаў на Канстантынаў (у гонар жонкі Канстанцыі з Браніцкіх) і надаў паселішчу статус мястэчка. На 1775 год тут было 189 будынкаў.

Пад уладай Расейскай імпэрыі

У выніку трэцяга падзелу Рэчы Паспалітай (1795 год) Канстантынаў апынуўся ў складзе Аўстрыі, з 1809 году — у складзе Расейскай імпэрыі. На 1827 год у месьце было 84 будынкі, на 1860 год — 69. У 1867 годзе ўтварыўся Канстантынаўскі павет Сядлецкай губэрні з цэнтрам у Янаве.

За часамі Першай сусьветнай вайны ў 1915 годзе Канстантынаў занялі войскі Нямецкай імпэрыі.

Найноўшы час

Згодна з Рыскай мірнай дамовай 1921 году Канстантынаў апынуўся ў складзе міжваеннай Польскай Рэспублікі, у Канстантынаўскім павеце Люблінскага ваяводзтва.

У Другую сусьветную вайну зь верасьня 1939 да жніўня 1944 году Канстантынаў знаходзіўся пад акупацыяй Трэцяга Райху.

Насельніцтва

Дэмаграфія

• XIX стагодзьдзе: 1827 год — 818 чал.; 1860 год — 830 чал.
• XXI стагодзьдзе: 2011 год — 1519 чал.

Турыстычная інфармацыя

Славутасьці

• Касьцёл Сьвятой Альжбеты (1907—1909)
• Могілкі: каталіцкія, праваслаўныя
• Царква Покрыва Багародзіцы (1833)
• Сядзіба Сядльніцкіх (XVIII—XIX стагодзьдзі)

Страчаная спадчына

• Могілкі юдэйскія

Галерэя

• Славутасьці Канстантынава
• 
  Палац
• 
  Былая царква
• 
  Касьцёл Сьвятой Альжбеты
• 
  Старая драўляная забудова