Жораўка (Пухавіцкі раён)

Жораўка
трансьліт. Žoraŭka
Краіна:	Беларусь
Вобласьць:	Менская
Раён:	Пухавіцкі
Сельсавет:	Дукорскі
Насельніцтва:	28 чал. (2009)
Часавы пас:	UTC+3
Тэлефонны код:	+375 1713
СААТА:	6244834026
Нумарны знак:	5
Геаграфічныя каардынаты:	53°38′48″ пн. ш. 28°0′58″ у. д.
Жораўка на мапе Беларусі ± Жораўка Жораўка

Жо́раўка — вёска ў Пухавіцкім раёне Менскай вобласьці Беларусі. Уваходзіць у склад Дукорскага сельсавету.

Гісторыя

У пачатку 20 стагодзьдзя ў Дукорскай воласьці Ігуменскага павету Менскай губэрні.

Паводле перапісу 1897 году дзейнічала капліца, піцейны дом. Тады ж пабудаваны школьны будынак з дрэва і распачала працу школа царкоўнай граматы.

У Першую сусьветную вайну ў лютым — сьнежні 1918 году была пад акупацыяй войскаў кайзэраўскай Нямеччыне.

25 сакавіка 1918 году згодна з Трэцяй Устаўной граматай вёска абвешчана часткай Беларускай Народнай Рэспублікі. З 1 студзеня 1919 году ў адпаведнасьці з пастановай І з’езду КП(б) Беларусі вёска ўвайшла ў склад БССР.

У жніўні 1919 — ліпені 1920 вёска знаходзілася пад польскай уладай.

Пасьля рэвалюцыі дзейнічала працоўная школа 1-ай ступені, у якой у 1922 годзе працавала 2 настаўнікі, вучыліся каля 100 хлопчыкаў і дзяўчынак.

З чэрвеня 1941 году да 4 ліпеня 1944 году вёска была пад нямецкай акупацыяй.

Насельніцтва

• 1897 год — 140 двароў, 959 жыхароў
• пачатак XX ст. — 172 двары, 1050 жыхароў
• 1917 год — 170 двароў, 1095 жыхароў
• 2002 год — 19 двароў, 45 жыхароў
• 2009 год — 28 чалавек

Славутасьці

• Каменны крыж;
• Гарадзішча (так званыя Акопы Кацярыны).

Страчаная спадчына

• Капліца.