Сетча

Сетча
	Сетча
	Населены пункт
Краіна	Беларусь
Вобласьць	Менская
Раён	Пухавіцкі
Сельсавет	Дукорскі
Часавы пас	UTC+3;
Каардынаты	53°32′57″ пн. ш. 27°57′19″ у. д.HGЯO
Насельніцтва
Колькасьць	125 чал. (2009)
Лічбавыя ідэнтыфікатары
Тэлефонны код	+375 1713
Паштовы індэкс	222821
Нумарны знак	5
	Сетча на мапе Беларусі ± Сетча

Се́тча^[1] (таксама сустракаецца Се́чча^[1]) — вёска ў Пухавіцкім раёне Менскай вобласьці Беларусі. Уваходзіць у склад Дукорскага сельсавету.

Знаходзіцца за 18 км на ўсход ад горада Мар’іна Горка, 3 км ад чыгуначнай Новае Сяло на лініі Менск—Асіповічы.

Гісторыя

У другой палове XIX — пач. XX ст. у Цітвянскай воласьці Ігуменскага павету Менскай губэрні. Паводле перапісу 1897 году дзейнічалі прыпісная царква і хлебазапасны магазын.

Вясной 1907 году адбылося сялянскае хваляваньне. Арганізатарам выступленьня быў Ільля Кудзелька. 2 траўня ў маёнтак прыбыў атрад коннай паліцыі. Адбылася сутычка паміж сялянамі і паліцэйскімі, якія прымянілі агнястрэльную зброю, паранілі 6 удзельнікаў хваляваньня (аднаго з іх сьмяротна). Некалькі чалавек было арыштавана. У хваляваньнях удзельнічала 500 сялян.

У 1910 годзе адкрыта народная вучэльня.

У Першую сусьветную вайну ў лютым — сьнежні 1918 году была пад акупацыяй войскаў кайзэраўскай Нямеччыне.

25 сакавіка 1918 году згодна з Трэцяй Устаўной граматай вёска абвешчана часткай Беларускай Народнай Рэспублікі. З 1 студзеня 1919 году ў адпаведнасьці з пастановай І з’езду КП(б) Беларусі вёска ўвайшла ў склад БССР.

У жніўні 1919 — ліпені 1920 вёска знаходзілася пад польскай уладай.

Пасьля рэвалюцыі вучэльня пераўтворана ў працоўную школу 1-ай ступені, у якой на 1922 год было каля 100 вучня, працавала 2 настаўніка. На 1933 год быў створаны калгас «Сетча», працавала кузьня.

З чэрвеня 1941 году да 4 ліпеня 1944 году вёска была пад нямецкай акупацыяй.

Да 28 траўня 2013 году вёска ўваходзіла ў склад Дрычынскага сельсавету^[2].

Насельніцтва

1897 год — 112 двароў, 715 жыхароў
Пачатак ХХ — 137 двароў, 892 жыхары
1917 год — 100 двароў, 502 жыхары
2002 год — 92 двары, 158 жыхароў
2009 год — 125 чалавек^[3]

Крыніцы

1 2 Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (djvu)
↑ «Об изменении административно-территориального устройства районов Минской области». Решение Минского областного Совета депутатов от 28 мая 2013 г. № 234 Архівавана 31 сакавіка 2016. (рас.)
↑ Вынікі перапісу 2009 году ў Беларусі

[daviednik-1] 1 2 Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (djvu)

[2] «Об изменении административно-территориального устройства районов Минской области». Решение Минского областного Совета депутатов от 28 мая 2013 г. № 234 Архівавана 31 сакавіка 2016. (рас.)

[3] Вынікі перапісу 2009 году ў Беларусі

[1]

[2]

[3]