Дзьмітры Жук

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Дзьмітры Жук
Род дзейнасьці Журналіст, мэдыя-мэнэджэр
Дата нараджэньня 7 ліпеня 1970 (47 гадоў)
Месца нараджэньня Леткаўшчына, Менская вобласьць
Узнагароды
Мэдаль «За працоўныя заслугі»

Спэцыяльная прэмія Прэзыдэнта Рэспублікі Беларусь
Ганаровая грамата Нацыянальнага сходу Рэспублікі Беларусь
Выдатнік друку Беларусі.
Дадаткова Фігурант Чорнага сьпісу Эўразьвязу

Дзьмітры Жукбеларускі журналіст і мэдыя-мэнэджар, дырэктар інфармацыйнага агенцтва БелТА, фігурант Чорнага сьпісу ЭЗ як адзін з адказных за прапагандысцкую працу аўтарытарнага рэжыму Аляксандра Лукашэнкі.

Біяграфія[рэдагаваць | рэдагаваць крыніцу]

Нарадзіўся ў 1970 годзе ў вёсцы Леткаўшчына Менскай вобласьці.[1]

У 1992 г. скончыў філялягічны факультэт БДУ, паводле спэцыяльнасьці - выкладчык беларускай і расейскай моваў і літаратуры.

У 1992—1993 гг. працаваў выкладчыкам беларускай мовы і літаратуры ў школе-гімназіі ў Менску.

З 1993 па 1997 гг. працаваў у выдавецка-інфармацыйным цэнтры Нацыянальнага банку Беларусі.

У 1997—1999 гг. працаваў у прадстаўніцтве расейскага інфармацыйнага агенцтва "Интерфакс" у Беларусі.

У лістападзе 1999 г. прызначаны кіраўніком прэс-службы прэзыдэнта Рэспублікі Беларусь Аляксандра Лукашэнкі.

Ад 2003 г. займае пасаду дырэктара РУП "Беларускае тэлеграфнае агенцтва".

Узнагароды[рэдагаваць | рэдагаваць крыніцу]

Ляўрэат спэцыяльнае прэміі Прэзыдэнта Рэспублікі Беларусь. Узнагароджаны мэдалём "За працоўныя заслугі", ганаровай граматай Нацыянальнага сходу Рэспублікі Беларусь, нагрудным знакам "Выдатнік друку Беларусі".

Абвінавачаньні. Чорны сьпіс ЭЗ[рэдагаваць | рэдагаваць крыніцу]

У 2011 годзе ў сувязі з хваляй рэпрэсіяў супраць актывістаў апазыцыі пасьля прэзыдэнцкіх выбараў у Беларусі ў 2010 годзе Дзьмітры Жук і некалькі іншых уплывовых супрацоўнікаў і кіраўнікоў дзяржаўных СМІ Беларусі былі ўключаныя ў санкцыйныя сьпісы Эўрапейскага зьвязу. Ім быў забаронены ўезд на тэрыторыю краінаў Эўрапейскага Зьвязу, а іхныя актывы на тэрыторыі ЭЗ падлягалі замарожваньню[2]. Забарона была зьнятая ў 2016 годзе.

Паводле Рады Эўрапейскага Зьвязу[3], Дзьмітры Жук


« нясе адказнасьць за перадачу мэдыямі дзяржаўнай прапаганды, якая падтрымлівала і апраўдвала рэпрэсіі супраць дэмакратычнай апазыцыі і грамадзянскай супольнасьці 19 сьнежня 2010 году, выкарыстоўваючы сфальсыфікаваную інфармацыю. »

Крыніцы[рэдагаваць | рэдагаваць крыніцу]

  1. ^ Дмитрий Жук: Интернет и социальные сети - это лишь технологии - РИА Новости, 06.12.2012
  2. ^ Поўны спіс 208 беларускіх чыноўнікаў, якім забаронены ўезд у ЕС - Наша Ніва, 11.10.2011
  3. ^ Council Decision 2012/642/CFSP of 15 October 2012 concerning restrictive measures against Belarus - Рашэньне Рады Эўрапейскага Зьвязу аб рэстрыктыўных мерах супраць Беларусі, 15 кастрычніка 2012 г. Цытата: Zhuk, Dzmitry Aliaksandravich | Director General (CEO) State News Agency BELTA. Responsible for relaying state propaganda in the media, which has supported and justified the repression of the democratic opposition and of civil society on 19 December 2010 using falsified information.