Вярсток

Вярсток
	Вярсток
	Населены пункт
	Мясцовая назва: Vyrstuk; Былая назва: Вярхсток;
Краіна	Польшча
Ваяводзтва	Падляскае
Павет	Гайнаўскі
Гміна	Дубічы Царкоўныя
Першыя згадкі	1574
Часавы пас	UTC+1; UTC+2 (летні час);
Каардынаты	52°36′34,10″ пн. ш. 23°28′59″ у. д.HGЯO
Насельніцтва
Колькасьць	62 чал. (2013)
Лічбавыя ідэнтыфікатары
Тэлефонны код	(+48) 85
Паштовы індэкс	17-204
Нумарны знак	BHA
	Вярсток на мапе Польшчы Вярсток

Вярсток (па-польску: Werstok, па-падляску: Vyrstuk^[2]) — вёска ў Гайнаўскім павеце Падляскага ваяводзтва Польшчы. Знаходзіцца ў гміне Дубічы Царкоўныя.

Насельніцтва

Жыхары вёскі ў большасьці этнічныя беларусы, якія карыстаюцца падляскім дыялектам, праваслаўныя (прыход Узьдзьвіжаньня Крыжа Гасподняга на месцы). Па набліжанасьці мясцовай гаворкі да ўкраінскай мовы ў меншай часткі жыхароў украінская нацыянальная ідэнтыфікацыя.

Гісторыя

Вярхсток упершыню згадваецца ў 1574 годзе, а ўжо з 1625 году вядомыя факты спрэчак паміж мясцовымі мужыкамі з імёнамі Грыц, Вакула, Амальян, Карніла, Васька, Майсей ды Трафім з сваім арандатарам кашталянам падляскім Станіславам Нямірам. Першыя згадкі пра царкву ў Вярстоку паходзяць з 1766 году, раней вёска прыналежала да прыходу ў Дубічах Царкоўных. Царква згаданая ў 1766 годзе была праўдападобна вельмі старой, так як ужо ў 1769 годзе была тут асьвячоная новая царква фундаваная кашталянам падляскім Юзэфам Вільчынскім. Спачатку вярстоцкая царква прыналежала да дубіцкага прыходу, але ўжо ў 1798 годзе існавала тут самастойная парафія. Пасьля пераходу ў праваслаўе царква падлягала пераменам — толькі ў 1869 годзе ў сярэдзіне быў пабудаваны іканастас, а на пачатку 20 ст. дабудаваная вежа-званіца^[3]. У міжваенны пэрыяд Вярсток прыналежаў да гміны Вярховічы Берасьцейскага павету Палескага ваяводзтва. Паводле польскага перапісу насельніцтва 1921 г. пражывалі тут 62 жыхары (усе праваслаўныя, 44 запісаліся беларусамі, 18 украінцамі)^[4]. У міжваенны пэрыяд польскія ўлады не пагадзіліся на існаваньне самастойнай вярстоцкай парафіі і пасьля некалькіх гадоў дазволілі на прылучэньне тутэйшай царквы да парафіі ў Амелянцы. Парафія ў Вярстоку была адноўленая толькі ў 1940 годзе^[3]. Пасьля Другой сусьветнай вайны Вярсток быў далучаны да гміны Дубічы Царкоўныя.

Зноскі

↑ Główny Urząd Statystyczny. Bank Danych Lokalnych. (пол.) Праверана 3 траўня 2015 г.
↑ Pudlaśki nazvy. Vyrstuk svoja.org Праверана 3 траўня 2015 г.
1 2 Werstok - wieś na skraju puszczy (пол.) Гміна Дубічы Царкоўныя Праверана 3 траўня 2015 г.
↑ Skorowidz miejscowości Rzeczypospolitej Polskiej : opracowany na podstawie wyników pierwszego powszechnego spisu ludności z dn. 30 września 1921 r. i innych źródeł urzędowych. T. 8. Województwo poleskie, с. 11 (пол.) Праверана 3 траўня 2015 г.

[gus-1] Główny Urząd Statystyczny. Bank Danych Lokalnych. (пол.) Праверана 3 траўня 2015 г.

[svoja-2] Pudlaśki nazvy. Vyrstuk svoja.org Праверана 3 траўня 2015 г.

[autonazwa3-3] 1 2 Werstok - wieś na skraju puszczy (пол.) Гміна Дубічы Царкоўныя Праверана 3 траўня 2015 г.

[autonazwa2-4] Skorowidz miejscowości Rzeczypospolitej Polskiej : opracowany na podstawie wyników pierwszego powszechnego spisu ludności z dn. 30 września 1921 r. i innych źródeł urzędowych. T. 8. Województwo poleskie, с. 11 (пол.) Праверана 3 траўня 2015 г.

[1]

[2]

[3]

[4]