Васілеўшчына (Фаніпальскі сельсавет)

Васілеўшчына
трансьліт. Vasilieŭščyna
Краіна:	Беларусь
Вобласьць:	Менская
Раён:	Койданаўскі
Сельсавет:	Фаніпальскі
Насельніцтва:	50 чал. (2010)
Часавы пас:	UTC+3
Тэлефонны код:	+375 1716
СААТА:	6222855011
Нумарны знак:	5
Геаграфічныя каардынаты:	53°46′30″ пн. ш. 27°21′12″ у. д.
Васілеўшчына на мапе Беларусі ± Васілеўшчына Васілеўшчына
Галерэя здымкаў у Вікісховішчы

Васіле́ўшчына — вёска ў Фаніпальскім сельсавеце Койданаўскага раёну Менскай вобласьці Беларусі. За 19 км ад Койданава, 11 км ад Менску, 5 км ад чыгуначнай станцыі Фаніпаль.

Гісторыя

У 1924 годзе ў Самахвалавіцкай воласьці Менскага павету, 8 двароў, 62 жыхары.

Насельніцтва

• 20 стагодзьдзе: 1991 год — 33 двары, 73 жыхары; 1999 год — 57 жыхароў
• 21 стагодзьдзе: 1 студзеня 2004 году — 25 двароў, 54 жыхары; 2010 год — 50 жыхароў

Інфармацыя для турыстаў

• Помнік на брацкай магіле 483 савецкіх воінаў, якія загінулі ў Вялікую Айчынную вайну.
• Каля вёсцы знаходзяцца:
  • Селішча за 1,1 км на паўночны захад ад вёскі, на ўзгорку каля лесу. Плошча 0,4 га. Культурны пласт да 0,15 м. Адкрыў у 1987 годзе Ю. Заяц. Знойдзена кераміка ХІ — 1-й паловы XIII ст.
  • Могільнік-1 за 0,8 км на поўнач ад вёскі, у лесе, зьлева ад дарогі на вёску Слабодка. 11 курганоў вышынёй 0,5—1,5 м, дыямэтрам 4—11 м. Адзін насып пашкоджаны ямай і норамі. Адкрыў у 1983 годзе, раскапаў у 1987 годзе Ю. Заяц. Гэта адзін з курганных могільнікаў, які быў абсьледаваны ў 1930 годзе. А. Рынейскім у вярхоўях ракі Пціч. У аснове насыпу на мацерыку прасочваецца пласт попелу ад рытуальнага вогнішча, на якім знойдзены рэшткі ганчарнага гаршчка канца XIII—XIV ст.
  • Могільнік-2 за 650 м на поўнач ад вёскі. 7 насыпаў. Зьнішчаны ў 1976 годзе.

Літаратура

• Памяць: Гіст.-дакум. хроніка Дзяржынскага р-на. — Мн.: БЕЛТА, 2004. — 704 с.: іл. ISBN 985-6302-64-1.