Ахмат Грозны

Зьвесткі зь Вікіпэдыі — вольнай энцыкляпэдыі
(Перанакіравана з «Церак Грозны»)
Перайсьці да навігацыі Перайсьці да пошуку
Ахмат Грозны
Logo terek grozny.png
Поўная назва Автономная некоммерческая организация «Республиканский футбольный клуб „Ахмат“»
Заснаваны 1946
Горад Грозны, Расея
Стадыён Ахмат-Арэна
Умяшчальнасьць: 30 597
Прэзыдэнт Магамэд Даудаў
Кіраўнік Чачэнія
Галоўны трэнэр Ігар Шалімаў
Чэмпіянат Прэм’ер-ліга
 · 2018—2019 8 месца
Хатнія колеры
Выязныя колеры
http://fc-akhmat.ru/

«Ахмат» (па-расейску: Ахмат) — расейскі футбольны клюб з гораду Грознага (Чачэнія). Заснаваны ў 1958 годзе. Уладальнік Кубка Расеі 2004 году. Першапачаткова клюб выступаў пад назовам «Дынама», а потым «Нафтавік», у 2017 годзе назва «Церак» была зьмененая на «Ахмат».

Гісторыя[рэдагаваць | рэдагаваць крыніцу]

Футбольны клюб «Дынама» быў заснаваны ў 1946 годзе. У 1948 годзе каманда зьмяніла назву на «Нафтавік», а ў 1958 — на «Церак». У канцы 1989 году «Церак» быў набыты бізнэсоўцам Булатам Чагаевым. У гады фактычнай незалежнасьці Чачэнскай Рэспублікі Ічкерыя футбольны клюб ня ўдзельнічаў у чэмпіянатах Расеі, а выступаў у найвышэйшай лізе ЧРІ[1]. Чуткі аб тым, што ў складзе «Цераку» гуляў Шаміль Басаеў, ня маюць пад сабой ніякай асновы. Ён мог згуляць таварыскі матч на нейкім сьвяце, напрыклад у дзень незалежнасьці Ічкерыі, 6 верасьня[2].

У 2001 годзе клюб быў адроджаны. З-за таго, што стадыён у Грозным не адказваў неабходным патрабаваньням да гульняў чэмпіянату Расеі, клюб праводзіў хатнія матчы ў Чаркеску, Лермантаве й Пяцігорску, матчы з эўрапейскімі клюбамі праводзіліся ў Маскве. У сакавіку 2008 году ў Грозным быў адкрыты рэканструяваны стадыён імя Султана Білімханава (былы стадыён «Дынама»), які стаў хатнім стадыёнам «Цераку».

У 2004 годзе «Церак» стаў уладальнікам Кубка Расеі, абыграўшы ў фінале самарскія «Крылы Саветаў» зь лікам 1:0. Касьцяк той каманды складалі ўзроставыя футбалісты. У 2004 годзе «Церак» удзельнічаў у розыгрышы Кубка УЭФА. У другім кваліфікацыйным раундзе «Церак» сустракаўся з польскай камандай «Лех», якую абыграў у абодвух матчах (1:0; 1:0); у першым раундзе Кубка УЭФА саступіў швайцарскай камандзе «Базэль» (1:1; 0:2). У сэзоне 2005 году клюб заняў 16 месца й вылецеў у першы дывізіён. У сэзоне 2007 году «Церак» заняў 2 месца й атрымаў права выступаць у Прэм’ер-лізе.

У 2006 годзе футбольнаму клюбу прысвоена імя першага прэзыдэнта Чачэнскай Рэспублікі Героя Расеі Ахмата Кадырава.

Першы пасьляваенны матч[рэдагаваць | рэдагаваць крыніцу]

Пасьля доўгага перапынку, зьвязанага з палітычнай сытуацыяй у рэспубліцы, «Цераку» ў 2008 годзе было афіцыйна дазволена праводзіць матчы ў Грозным. На стадыёне імя Султана Білімханова 14 сакавіка адбыўся матч першага туру расейскай Прэм’ер-лігі паміж «Церакам» і «Крыламі Саветаў». Падрыхтоўцы матчу папярэднічалі асаблівыя меры па забесьпячэньні бясьпекі, у прыватнасьці, было прынята рашэньне глушыць мабільную сувязь.

Склад[рэдагаваць | рэдагаваць крыніцу]

Актуальны на 5 красавіка 2020 году[3]
Пазыцыя Імя Год нараджэньня
3 Сьцяг Расеі Аб Максім Ненахаў 1998
4 Сьцяг Вэнэсуэлы Аб Вількер Анхэль 1993
5 Сьцяг Расеі Аб Магамэд Мусалаў 1994
7 Сьцяг Расеі Нап Магамэд Мітрышаў 1992
8 Сьцяг Сэрбіі Аб Міраслаў Богасавац (ар. Чукарычкі) 1996
9 Сьцяг Расеі Нап Заур Садаеў 1989
10 Сьцяг Расеі Нап Халід Кадыраў 1994
11 Сьцяг Бразыліі ПА Ісмаэл Сылва Ліма 1994
13 Сьцяг Расеі ПА Роланд Гігалаеў 1990
14 Сьцяг Бразыліі ПА Раванэльлі 1997
15 Сьцяг Расеі Аб Андрэй Сямёнаў 1989
16 Сьцяг Расеі Бр Яўген Горадаў 1985
17 Сьцяг Сэнэгалу Нап Абляй Мбэнге 1992
18 Сьцяг Вэнэсуэлы Нап Андрэс Понсэ 1996
Пазыцыя Імя Год нараджэньня
19 Сьцяг Расеі ПА Алег Іваноў 1986
20 Сьцяг Харватыі Аб Зоран Ніжыч 1989
21 Сьцяг Альбаніі Нап Адысэ Рошы 1991
22 Сьцяг Расеі ПА Лечы Садулаеў 2000
23 Сьцяг Расеі ПА Антон Швец 1993
27 Сьцяг Бразыліі Нап Фэліпэ Візэў (ар. Удынэзэ) 1997
29 Сьцяг Расеі Нап Уладзімер Ільін 1992
33 Сьцяг Расеі Бр Віталь Гудзіеў 1995
40 Сьцяг Расеі Аб Рызван Уцыеў (капітан) 1988
42 Сьцяг Расеі Бр Аляксандар Меліхаў 1998
59 Сьцяг Расеі ПА Яўген Харын 1995
77 Сьцяг Косава Нап Бэрнард Бэрыша 1991
88 Сьцяг Расеі ПА Дзяніс Глушакоў 1987
95 Сьцяг Расеі Нап Абубакар Кадыраў 1996

Галоўныя трэнэры[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

  1. ^ Политический мониторинг: Чеченская Республика. IGPI.RU
  2. ^ Окопная правда чеченской войны: Сборник / сост. А. Н. Волынец, А. С. Тишин. — М:Яуза-пресс, 2007. ст. 217 — ISBN 978-5-903339-71-6.
  3. ^ Команда.(рас.) РФК «Ахмат» Грозный

Вонкавыя спасылкі[рэдагаваць | рэдагаваць крыніцу]

Commons-logo.svg Ахмат Грознысховішча мультымэдыйных матэрыялаў